Ittoqqortoormiit

Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.

Pissusiviusut
  • Kalaallit Nunaanni illoqarfiit minnersaat
  • Inuttussusaa: 452
  • Tunngavilerneqartoq: 1925
  • Nunaqarfeqanngilaq, kisianni Nerlerit inaat mittarfeqarpoq

Ittoqqortoormiit pilugu

Illoqarfik Kalaallit Nunaanni nunap allanngutsaaliukkap Scoresby Sund-illu nunarsuarmi kangerluit tannersaata eqqaani akimasumik inissisimavoq. Qaqqap qaani issittumi ilisimasassarsiortoq Ejnar Mikkelsen kangerlunnut qilalukkat, aarrit, puisit nannullu ornigannaavinut avammut kusanarluinnartunut nasippoq. Tamanna aamma timmissanit imarmiunit milionilikkaanit piaqqiorfiusarpoq.

Ummasunik eqqissillusi isiginnaarsinnaanissinnik neriorsorpassi.

Ukiut tamaasa angallatit taamaallaat qulit 15-illu akornanni umiarsualivissittarput. Septembarimili umiarsuit takornariartaatit pinngortitamik tupinnartumik takornarianik ilaasoqarlutik takkukkaangata, sissiugaq ummartutut ittarpoq.

Pinngortitaq misigilluarusukkussiuk, sikup sinaani pingaartumik puisinik ullormut pisassarsiorlusi, aallaaseq immeriigaq piareerlugu adrenalini timissinni tillertoq, isumannanngilluinnartumik piniartumik ilaqarlusi piniariaqataagitsi.

Nuna allanngutsaaliugaq

Illoqarfik nunarsuup avannaanni avinngarusimalluinnartumiippoq. Inuiaqatigiit ajoqusersorneqanngitsut, ulapittut inuttaat inussiarnersut  inoroorsaartut, aasaanerani ukiuuneranilu kangerluup paavani piniarnermik inuuniutillit. Iloqarfiup avannaa tunganiippoq nuna allanngutsaaliugaq tunuarsimaarnani nunarsuarmi inuilaarsuit annersaattut oqaatigisarialik. Nuna allanngutsaaliugaq inoqanngilaq, qaqutiguinnaq ilisimatusartunit Siriuspatruljemillu qimussimik immakkullu angallammik nakkutilliisunik orninneqartartoq.

Kulturi ersarissoq

Kalaallit Nunaanni illoqarfiit pimoorussisut katersugaasiveqarput, Illoqqortoormiuttaaq aamma taamaapput. Qanga atisarineqartarsimasut, sakkut qalipakkallu imaannaanngitsumi inuunermik oqaluttuarput. Ukiut 120-it sinnilaarlugit matuma siorna tikillugu, innuttaasut nunarsuup sinneranut attaveqaratik inuupput. Tamanna kulturimut- upperisatoqqanik oqaluttuanillu pisimasuutitanik toqqammavilimmut- ullumimut allaat sunniuteqarpoq.

Ilisimaviuk?

  • Qinngaajiva aasami meeqqat inersimasullu kajungeralugu ilaatigut imaq nillertoq nalunnguarfigalugu asiarfigisaraat,
  • Kalaallit Nunaanni puilasut kissarnersaat 62 gradinik kissassuseqartoq illoqarfimmit 12-km-it missaannik ungasitsigisumi nunaqarfimmi Uunartimiittoq qalaarpalaartoq,  
  • Illoqqortoormiut Kalaallit Nunaanni illoqarfinnit Qallunaat Nunaannut qaninnersaasoq,
  • Nunami allanngutsaaliukkami angalaniarneq Dansk Polarcenter-imit immikkut piumasaqaatitaqartoq.
  • Nunami allanngutsaaliukkami takornariartaammut ilaalluni takornariartoqarsinnaasoq. Nunatta Angalatitsivia attavigalugu immikkorluinnaq ittumik misigisaqarsinnaasutit.
  • Nunaqafeqanngilaq Nerlerilli Inaanni mittarfeqarpoq.
  • Avannamut Kangiani nunap allanngutsaaliukkap killingani.

Experiences in Ittoqqortoormiit

Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.

Ingerlassineq

Qanoq isillunga tassunga pissaanga?

Qulimiguulinnit angallavigineqarpoq

Kangerlussuarmiit Nuuk aqqusaarlugu Air Greenland-imut ilaallutit Tunumi Kulusummukassaatit. Tassanngaanniit Air Iceland-imut ilaallutit Nerlerit Inaannukassaatit, tassanngaanillu Air Greenland-ip qulimiguliutaanut ilaallutit minutsit 15-it missaasa qaangiunneranni Illoqqortoormiunut apuutissaatit.

Qanoq isillunga angallavigissavakka?

Illoqqortoormiuni najugalinnik ilaqarlutit pisullutit immakkulluunniit angallammut ilaallutit. Ukiuunerani upernakkullu qimussit snescooterillu angallatigineqartarput