Kangerlussuaq

Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.

Pissusiviusut
  • Kalaallit Nunaannut isaarissat pingaarnersaat
  • Inuttussusaa: 550
  • Tunngavilerneqartoq: 1941

Kangerlussuaq pillugu

Nunaqarfik Kalaallit Nunaata qeqqaniippoq. Taanna timmisartut nunarsuarmit allameersut mittarfigaat Kangerlussuarmiillu timmisartut minnerit igutsattut nipiliorlutik inunnik nassiussanillu illoqarfinniit illoqarfinnut assartuisarput.

Sakkutooqarfimmiit nunaqarfimmut

Kangerlussuaq 1941-mi amerikarmiut timmisartortartuinut sakkutooqarfittut pilersinneqarpoq. Ullumikkut mittarfiuvoq ulapaarfiusoq nunaqarfiullunilu eqeersimaarfik pingortitamullu qanittoq.

Sermersuaq 30 km-iinnarnik ungasissuseqarpoq

Uummaarissuuisi, qasujaappisi pinngortitamillu nuannarinnittuuisi? Pisuttuaritsi imal. cykilit qaqqasiutit atorlugu angalaaritsi. Nammattagaq cykilillu pooqattaa tupermik taquassanillu immerlugu sermersuup tungaanut ingerlaaritsi. Killinganut pilluni sermersuaq annertoqisoq qaqqorilluni tungujornersaqarluni qorsuttaqarlunilu alanngialasoq takullugu, oqaluttualiatut misinnarpoq. Sermip iigarfia qutaarluusoq sermip aannersaanik qorsorpaluttunik tasinnguunnilik tarnimut katsorsaataavoq. Qaarpallattarnerit sermit nakkaasut, ataqqinnippalussuseqarluni nipaallisimanermik kipisitsisut, immaqa misigisinnaajumaarpasi.

Qanorluunniit pisoqaraluarpat; qanillivallaarniaqinasi! Sermersuaq nammineq inuuneqarpoq. Sermersuaq qaqillugu killingusaap tungaanut isiginnaarusukussi, nalunaaqutsersukkat aqqusaarlugit ingerlassaasi. Ilorrisimmaalaarusukkussi sermersuup tungaanut biilinik qaqqasiutinillu ingerlassisoqartarpoq.

Umimmaat, tuttut teriannissallu

Kangerlussuup silaa peqqarniitsuunngilaq, naggorinneralu umimmaat tuttullu iluarusuutigaat. Biilimut bussimulluunniit ilaallutit uumasut meqqullit nunamut tulluussakkatut ittut qanillillugit isiginnaakkit.

Nunarsuarmi umimmaqatigiit amerlanersaasa ilaat Kangerlussuup eqqaaniipput. Uumasut taakku nassorujussuallit takisuunillu Meqqulerujussuit kigaallutillu ilakkuminarpasissutt. Paatsoorniaqinalli! 30-40 meterit missaannik pallinnaveersaakkit, nersutimmi arlaat sioorasaarneqartutut misigisoq, eqaaqaluni sukkaqalunilu timini 300-400 kiilullu akornanni oqimaassuseqaraluaq pangaleriataalersinnaasarpoq.

Ullut marlussuit manna najoruk

Tamaani arlalinnik tarajulinnik taseqarpoq. Taakkulu annersaat radareqarfiup Tacan-ip kujataata kitaatungaaniittoq aqqusaarniariuk. Ernga imerneqarsinnaavoq mineralvanditullu puaasaliunngitsutut mamassuseqarluni.  

Ilisimaviuk?

  • Sermersuaq Kangerlussuarmiit tikikkuminarnerusoq. Sermip killinganut qanittumiittutit, sermersuup tungaanut angallanneqarsinnaasutit pisussinnaasutit piumaguillu aamma qaqiffigisinnaagit,
  • Nunatta Angalatitsivia ass. Qeqertarsuup tunuani Ilulissiarnermut, Nuuliarnermut imal. Sisimiuliarnermut atatillugu Kangerlussuamut akunniffilinnik angalatitsisartoq.
  • Nunaqarfiullunilu Atlantikoq ikaarlugu timmisartunut mittarfik.
  • Kangerlussuup 180 km-inik qinngortussusillip qinnguani.
  • Kangerlussuaq tassaasoq takornariartaammut M/S Fram-imut ilaanianut takornariareerlutillu utilersunut akunniffiusartoq,

    World of Greenland Arctic Circle (WOGAC), Air Greenland-ip suleqataasoq, Kangerlussuarmi angalatitsinernik assinnginngitsunik arlalinnik neqerooruteqartoq. Ataatsimiinnissaq ataatsimeersuartitsinissarluunniit angalanermut siunertaappat, taamaaliornissamut pitsaasunik periarfissaqartoq,

Ujaqqanik erlinnartuutissassinnik angerlaassisinnaasusi. Ujaqqanut kaataq atorlugu Qaarsorsuarmit peersillusi igalaassi saaniititassassinnik angerlaassisinnaasusi.

Kangerlussuarmi misigisassat

Kangerlussuaq mitaarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.

Kangerlussuarmi ingerlassineq

Qanoq isillunga tassunga pissaanga?

Timmisartorsuarnit Airbus 330-imit, Boeing 757-imit, suluusalimmit Dash-8-mit qulimiguulinnillu angallavigineqarpoq. 

Kangerlussuup mittarfia Qallunaat Nunaanniit nal. ak. sisamat tallimallu missaanni timmisartorluni tikitassaavoq. Aasami sapaatip akunnerisa ullui tamakkerlugit ukiumilu sap. ak. sisamariarluni angallavigineqartarpoq. Kangerlussuarmiit Kalaallit Nunaata sinneranut ingerlaqqinnissamut periarfissagissaarpoq. Assersuutigalugu kujammut Nuup tungaanut avannamullu Qeqertarsuup Tunuanut Ilulissat tungaannut timmisartuussineq taamaallaat minutsinik 45-niit 50-inut sivisussuseqarpoq. 

Qanoq isillunga angallavigissavara?

Nunaqarfik eqqaalu pisullutit, bussinut ilaallutit aasaaneranilu aamma qaqqasiutinik cykilerlutit angalaarfigikkit. Ukiuunerani biilit nunakkoorutit, qimussit snescooterillu angallatigissallugit nunannarineqarnerpaajupput.