Kulusuk

Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.

Pissusiviusut
  • Tunumut isaariaq
  • Sumiiffia: Tunup sineriaani qeqertarpaat ilaanni
  • Inuttussusaa: 267
  • Mittarfia sananeqarpoq 1956-mi
  • Nunaqarfiuvoq, mittarfeqarfiulluni

Kulusuk pillugu

Nunaqarfik Kulusuk Tunumi sinerissap qeqertarpaasa ilagaat. Tamatigungajak susassaqarfiullunilu ulapaarfiusarpoq. Qimmit nerisinneqartarput, ammerisoqartarpoq, aqagumullu sila ajunngeriarpat aallarnissamut piniutit piareersarneqartarput.

Tunumut ilisarititsissut

Kulusuk Tunumut isaariaavoq. Nunaqarfik qeqertami qaqqarsuit inngittuut kangerluillu qinngortuut akornanni inissisimavoq ungasianilu imaq ilulissat portusuut qillaalatitaat ersippoq.  

Tamaani takornarissat takkuttarnerat qaqutigoortuunngilaq. Islandimiit takornarissat amerlasuut ulliinnarlutik nunaqarfik ileqqutoqqanik attassisoq, piniarneq aalisarnerlu pingaarnertut inuutissarsiutaasut, isikkivik sermerlu iigartartoq Apusiaajik tupinnartoq misigisassarsiorfigisarpaat!  Sanaluttartut pikkorissut, pingaartumillu saanermik tupilliat kusanarluinnartut nunaqarfiup ilisimaneqaatigai.

Nuna assissaqanngitsoq

Nuna pisulluni angallavigissallugu piukkunnarluartuuvoq qaqqallu Isikajia-p 300 meterit sinnilaarlugit portussusillip qaqinissaa kikkuugaluanut tamanut innersuussutigaarput. Tassannga Danmarksstrædimi iluliarsuarnut qaqqarsuarnullu portusuunut 100 km-inik ungasissusilimmiittunut isikkivik tupinnaannarpoq. 

Ilisimaviuk?

  • Mittarfimmiit 40 minutsit missaanni issittumi qeriuaannartup narsarsuata - aasaappat naasui aqqusaarlugit pisulluni nunaqarfik tikinneqarsinnaasoq,
  • Kulusuk Kalaallit Nunaanni nunaqarfinni akunnittarfeqartutuaasoq, akunnittarfik immap killinganiittoq sermimullu iigartartumut Apusiaajimmut isikkiveqartoq,
  • Qanga Kulusuk Ammasallip eqqaani inuttunersaasoq, 1930-imi 165-inik inoqartoq Tasiilaq 112-ingajannik inoqartoq,
  • Kulusummi inuinnarni najugaqarsinnaasusi pinngortitamilu sumiluunniit tammmaarsimaarsinnaasusi.
  • Mittarfittaarpoq: 1956.
  • Nunaqarfik mittarfillu

Kulusummi misigasassat

Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.

Ingerlassineq

Qanoq isillunga tassunga pissaanga?

Angallavigineqarpoq suluusalimmik Dash-8 aamma qulimiguulimmik.

 

Nuummiit tunumut Kulusummut. Sap. ak. marloriarluni angallavigineqartarpoq Nuummiit pingasunngorneq arfininngornerlu.

 

Kangerlussuarmut Danmarkimiit/Euromiit aasaanerani arfineq marluk tikillugit angallavigineqarsinnaasarpoq, ukiakkut sap. ak. sisamariarluni.

Qanoq isillunga angallavigissavara?

45 minutsit pisulluni mittarfimiit nunaqarfimmukartoqarrsinnaavoq. Aasaanerani angallassineq tukutuuaqqamik angallassineqartarpoq nunaqarfinnut, qulimiguulimmik kiisalu inuit namminneerlutik angallatiminnik. Ukiaanerani qulimiguulimmik qamuteralannik, qimussimik sisoraatilillu.