Nuuk

Illoqarfiit pingaarnersaat allat assigilluinnarlugit illoqarfissuaq, quleriiaanik initalinnik illorssualik, ilorrisimaarnartoq, kulturi, rocki, neriniartarfiit nerisassanik mamasaakkanik sassaalliisartut, kaffisorniartarfiit, atisanik nutaalianik pisiniarfiit, eqqumiitsuliat, nuna tamakkerlugu katersugaasivik ilisimatusarfillu.

Pissusiviusut
  • Kalaallit Nunaanni illoqarfiit pingaarnersaat
  • Inuttussusaa: 16.454
  • Qallunaat ajoqersuiartortitaannit norgimiumit Hans Egede-mit tunngavilerneqartoq: 1728
  • Marlunnik nunaqarfeqarpoq

Nuuk pillugu

Nuummi Kalaallit Nunaat tamakkingajalluni katersuussimavoq. Innuttaasut sisamararterutaat Nuummi najugaqarput tassanilu sikut, arferit, pinngortitaq alianaalluinnartoq, ileqqutoqqat upperisatoqqallu – inuit amerlanersaannit nunap uummateqarfiatut takorluukkat nassaassaapput. Illoqarfiit pingaarnersaata uummataa angeqimmat nutarterinissamut nutaamillu eqqarsarnissamut periarfissaqarpoq.

Tamanna, illoqarfitoqqamiit kusanartunik illutoqalimmiit illoqarfiup qeqqata tungaanut, kalaalimineerniarfitoqqamut qulisamut piniartut nutaartugassiaannik pisiffigisinnaasamut pisuttuatsiarnermi takussutissaqarpoq. Ullumikkut nutaamik kalaalimineerniarfeqarpoq  illoqarfiup qeqqani nutaartugassiassanik pisiniarfiusumik. Ingerlaqqikkaanni kulturikkut illorssuaq arsarnertut maligaasiortumik ilusiligaq sanioqqunneqassaaq. Kaffisorniartarfimmut iserluni nillataartumik imeruersartoqarsinnaavoq imal. kajungernartumik immikkut kaffiliamik kaffisortoqarsinnaalluni. Kalaallit Nunaanni ilisimatusarfik Pinngortitaleriffillu sanioqqullugit angalaarnermi illulioriaaseq nutaaliaq pinngortitamut tulluussarluagaq qimerloorneqarsinnaavoq.

Eqqissisimaarfissaq aajunaralaaq

Angallammut ilaallutit nuna sinersorlugu timikkut tarnikkullu eqissineq misigiuk. Illoqarfiup ilaani Qaqortumi illut mikisut qalipaatigissaartut sapanngatut nuisatut isikkullit isiginnaarlugit ilorrisimaarit. Kangerlunni nunaqarfiusimasunut angalaarneq aamma qamannga pisumik innesuussutaassaaq. Aqqutaani immami uumasut angisoorsuit qipoqqaat tikaagulliillu qanillivissinnaassavasi. Kangerluup qinnguani sermersuarmut ulloq naallugu angalaneq pinngitsoorani misilitassaavoq. Sermip iigartartup tungaanut sikut akulloqquallugit ingerlasariaqarpoq.

Sisorarneq, snowboard-erneq golf-ernerlu

Ukiukkut upernaakkullu sisoraaserluni angalaarneq, sisoraatinik arpafissatigut suliarilluakkatigut ujakkaarneq taamatullu sangusaarneq, snowboard-erneq imal. snescootererneq innersuussutigaagut. Qaqqap qaaniit alisissumut isikkivissua qaallorissoq kangerlunnik tungutsorissunik ungalusimasoq alutornaqaaq.

Illoqarfimmi takornarissanik angallassisartut pitsaasunik siunnersuutissaqartarput! Kissaatigisassinnik oqaluttuullugit – qaqqasiorneruppat imal. illoqarfiup golfertarfiani immikkut ittumi golferneruppat - piviusunngortissigik!

Ilisimaviuk?

  • Illoqarfik asfaltikkanik 100 km-isut isorartutigisunik aqqusinilik 4000-inik biileqarmat,
  • Feeriassaguit sulininnulluunniit atatillugu - aamma illoqarfinnut allanut tikeraarnermut atatillugu- illoqarfiit pingaarnersaannut pissaguit, Nunatta Angalatitsivia attavigalugu periarfissanik ujartuisinnaagavit,
  • Kalaallit Nunaanni pisinarfissuaq siulleq Nuuk Center, illorsuarmi quleriiaanik qulinik initalimmi, allaffeqarfiulluni naqqullu ataani biilinut uninngaveqartoq, taamaasillunilu Kalaallit Nunaanni illorsualiat annersariligaat , juuli qaammat 2012 atoqqaartinneqarmat,
  • Puulukip amianit orsutalerlugu sikatsitamiit peqqinnarnermik arferup mattaanik c-vitamiineqarluartumik orsumillu peqqinnartumik omega n-3 -nik ulikkaartumik ooqattaarsitinneqarneq qujanassasoq,
  • Kalaallit Nunaanni sisorartunut majuartaatit tannersaat 1000-meterit missaannik takissusilik Nuummimmat,
  • Isersimanerluta pinngortitamiinnerlutaluunniit? Naluttarfiup Maliup Igalaarsuiniit kangerliumanermut qaqqarsuarmullu isikkivik ilorrisimaarutigiuk. Naluttarfik ukioq naallugu ammasarpoq.
  • Kalaallit Nunaanni erngup nukinga atorlugu innaallagissiorfik siulleq annerlu Nuummiippoq. Illoqarfiit tallimat erngup nukinganik innaallagissiorfinnit sisamanit innaallagissamik pilersorneqartut tassaapput Nuuk, Tasiilaq, Qaqortoq, Narsaq Sisimiullu. Tamatuma kingunerisaanik Kalaallit Nunaanni innaallagissamik atuinerup 70 %-ingajaa erngup nukinganit C02 mik aniatitsiviunngitsumeersuuvoq.
  • Nunaqarfii: 2.
  • Sumiiffia: Qeqertaasarujussuarmi kangerluppassuit annertoqisut paavanni.

Nuummi misigisassat

Illoqarfiit pingaarnersaat allat assigilluinnarlugit illoqarfissuaq, quleriiaanik initalinnik illorssualik, ilorrisimaarnartoq, kulturi, rocki, neriniartarfiit nerisassanik mamasaakkanik sassaalliisartut, kaffisorniartarfiit, atisanik nutaalianik pisiniarfiit, eqqumiitsuliat, nuna tamakkerlugu katersugaasivik ilisimatusarfillu.

Ingerlassineq

Qanoq isillunga tassunga pissaanga

Suluusalinnit Dash-8-nit angallavigineqarpoq

Kangerlussuarmiit ullut tamakkiallugit Nuuliartoqartarpoq. Angalaneq minutsinik 45-it 50-illu missaannik sivisussuseqarpoq. Narsarsuarmiit illoqarfinniillu eqqaaniittunit Nuummukartoqarsinnaavortaaq.  

 

Bilitsimik inniminniigit

 

Where can I sleep?

Qanoq isillunga angallavigissavara

Bussinut taxamulluunniit ilaallutit illoqarfiit pingaarnersaat illoqarfiullu ilassutaani nutaanerusuni angalaarsinnaavatit. Illoqarfiup qeqqa pisuinnarluni misigisassarsiorfigiuminartuuvoq. Angallatinut takornariartaatinut ilaallutit nunaqarfinnut angalagit. Ukiuunerani illoqarfik sisoraaserlutik ujakkaarfiit qaammaqqusersukkat aqqusaarlugit misigisaqarfigisinnaavat.