Qaanaaq

Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.

Pissusiviusut
  • Kalaallit Nunaanni illoqarfiit avannarlersaat
  • Inuttussusaa: 656
  • Tunngavilerneqartoq: 1953
  • Pingasunik nunaqarfeqarpoq

Qaanaaq pillugu

Qaanaami inuit kulturiat qanimut misigisinnaavarsi. Siorapaluk nunarsuarmi inoqarfiit avannarlersaasa ilagaat. Tassani oqaaseq piviusoq immikkut isumaqalersarpoq. Nuna allaavoq ilaqutariittullu inuuniarnermi atugassarititaasut imaannaanngitsuupput. Tassani Pilersuisup pisiniarfianut ukiup qanoq ilinera apeqqutaatillugu inuuniarnermi pisariaqartitat pisiariniarneqartarput. Innutaasut qanimaatsussusermut inuunerup atugassarititaasullu periarfissiissutaannut, ajornartorsiutit aporfiginagit ingerlasinnaanermut assersuutaapput. Ukiut untritillit arlallit matuma siornali ulloq manna tikillugu illoqarfimmi nunaqarfinnilu innuttaasut immap uumasuinik nannunillu piniarneq inuuniutigaat.

Nuna oqaluttualiatut ittoq inuuffigiuminaatsoq

Qaanaaq ullorissap qaammarissup Ultima Thule-mik taaguutillip ataani inissisimavoq. Pinngortitaq ajoranilu inuuffigiuminaatsuuvoq isikkiviillu takorluukkanit tupinnarneroqaat. Tassaniipput kamiit, qaannat imaani angallarissut, nannut amii uumasullu niaquisa saarngi ikaaniittut, seqineq kaaviinnartoq, kaperlak arsarnerillu angakkuakkatut ittut. Silarsuarmut tassunga iserlutit inuit naapikkit inuttullu inuunerup aamma qanoq issinnaanera ilinniarlugu. Illu qaqortoq Qaanaap katersugaasivittut atugaa isinngitsoorniaqinagu. Tassangarpiaq Knud Rasmussen-ip ilisimasassarsiorneri arfineq marluk aallarnerneqarput.   

Illoqarfik immap tungaanut sivinganermiippoq aqqusernit narlorluinnartuupput illullu tunuleriiaarlutik inissititsigaallutik. Ilaatigut illut nutaat ullutsinnut naleqqussakkat sivinganermi sananeqartalerput. Illoqarfik ineriartorneralu assissaqanngillat.

Oqaluttuarisaaneq imaannaanngitsoq

1952-imi amerikarmiut Pituffik ukioq ataaseq qaangiutiinnartoq allilertariaqalereersoq sakkutooqarfittut atulerpaat. Tamanna nunaqarfimmi Uummanami najugaqartunut pinngitsaalisaallutik avannamut 100 km-isut ungasitsigisumut illoqarfiliamut Qaanaamut nuutsitaasunut kinguneqarnerluppoq.

Ilisimaviuk?

  • Pisiniarfimmi pisiassat piniartukkormiut pisariaqartitsinerat naapertorlugu allanngorartuusut. Umiarsiuarnik pajuttaatinik ukiumut marloriaannarluni pingasoriaannarluniluunniit Kalaallit Nunaata avannaarpiaa tikinneqartartoq,
  • ’Ultima Thule’ tassaammat qangaaniilli nunarsuup avannaarpiarsuanut nunarsuup titartarneqalernera ilutigalugu nikisinneqartartumut taaguutaasoq,
  • Sanaluttarfik Ultima Thule Kalaallit Nunaat tamakkerlugu sanalukkat kusanartut tupilaat, aaqqatit ammit, pinnersaatillu aarrup tuugaavanik tuttullu nassuinik sanaat pillugit ilisimaneqartoq pingaartinneqartorlu,
  • Akunnittarfimmi pitsassuarmi Hans & Grete- mi immamut sermimullu isikkivilimmi unnuisoqarsinnanera. Tassanissaaq illoqarfiup neriniartarfituaa immat,
  • Aaqqissuussanik angallassisoqartarmat. Ullut arlerlugit tupermi unnuisarlutit qimussimik angalaaqataasinnaagavit, aasamilu qaannamik angallammilluunniit nunaqarfinnut angalasinnaagavit,  
  • Appaliarsuit millionilikkat misigisaqarfigisinnaagakkit. Tamanna timmissat ineqarfissuarigaat ilisimaneqarmat,
  • Kalaallit Nunaata Canadallu 30 km-iinnaat avissaaqutigigaat.
  • Nunaqarfii: 3.
  • Sumiiffia: Kalaallit Nunaata avannaarpiaani kangerluttalimmi serminik iigartartunik ungaluneqarsimasumi.

Qaanaami misigisassat

Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.

Qaanaami ingerlassineq

Qanoq isillunga tassunga pissaanga

Suluusalinnit Dash-8-nit qulimiguulinnillu angallavigineqarpoq

Københavnimiit Kangerlussuarmut timmisoqartarpoq. Tassanngaanniit Kangerlussuarmut -Ilulissanut-Upernavimmut-Qaanaamut sap. ak. ataasiarluni timmisartuussisoqartarpoq, aasallu qaammataani ataasiakkaani sap. ak. marloriarluni timmisartuussisoqartarluni.