Saqqaq

Pissusiviusut
  • Isumaqarpoq ’seqernup saqqaa’
  • Saqqaq-kulturen atsiunneqarsimavoq nunaqarfimmut
  • Pillersinneqarfia 1755-mi ateqarluni Ritenbenk
  • Filmiliaq Qivitoq tamaani immiunneqarnikuuvoq
  • 170 missaani inuttaassuseqarpoq

Saqqaq pillugu

Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq. Ullumikkut qaleralinniarneq takornariaqarnerlu inuuniutit pingaarnersaraat. Immaqa iluatitsilluariarussi, piniartutut inuuneq qanimut misigiinnarnagu sassisunik naammattuuisinnaassaasi. Tamaani itsarnisarsiuut piffissami Kristusip inunngornera ukiunik 2500-nik sioqqunneraniit ukiut 800-inik sioqqunneraneersunik nassaarpassuaqarput, kulturip nassaarfiusup nunaqarfiup aqqanik atserneqarneranut tamanna patsisaavoq. Saqqaq-kulturi sivisunerpaamik nunatsinniissimavoq.  

Saqqaq Hannibal-ilu imminnut ataqatigiipput

Saqqaq oqaluttuariniaraanni nunaqarfimmi innuttaasimasoq tusaamasaq Hannibal Fencker, illumut najugarisimasaanut imigassaliaanullu atsiussaq eqqaanngitsoorneqarsinnaanngilaq. Naatsiivini naatitsivinilu – nunarsuarmi avannarpasinnerpaamiittut- ilisimaneqaatigai. Taakkunani naasut assigiinngitsorpasuit naatittarsimavai. Nulianilu Amalie naatitat nunanit kiattuneersut, soorlu dadlit citronillumi allaat naatitsivimminni iluatsittumik naatittarsimavaat. Naasut ilaatigut qajaasap sikkerneri aqissillu nerisassaasa pilutaat nerisassiornermi imigassaliaminullu akuliullugit atortarsimavai.

”Inuunerup qaani”

Pitsaasunik pissuuteqarnissat isumagissavat, tamannami masarsuuvoq, maniitsuulluni qaarsorasaarlunilu.”Inuunerup qaanut” qullarterit, tassaniittutullumi misigigit! Isikkivik tupinnaqaaq. Ataatsimut oqaatigalugu ilivitoqqanut illukunullu pisuttuarnissamut periarfissagissaarpoq. Sineriaq sinerlugu ilulissanut isikkivilerlusi Saqqallu tunuanut asimut tasilimmut, kuulimmut iigartartumillu sermilimmut aamma pisussinnaavusi. 

Saqqami misigisassat

Ingerlassineq

Qanoq isillunga tassunga pissaanga?

Qulimiguulimmik angallavigineqarpoq ukiaanerani.

Kangerlussuarmiit ilulissanut suluusalimmik, taava qulimiguulimmik Saqqaq.

Aasaanerani, Disko Line sinersortaataanik.

Qanoq isillunga angallavigissavara?

Nunaqavissut ilagalugit immakkut nunakkullu.