Sisimiut

Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.

Pissusiviusut
  • Inuttussusaa: 5598
  • Tunngavilerneqartoq: 1856
  • Kalaallit Nunaanni illoqarfiit annersaata tullia

Sisimiut

Illoqarfiit annersaata tulliani ukioq kaajallallugu pitsaanerpaaffigisinnaasaminik nittarsaassisumi, Kalaallit Nunaata anersaava uummaarippoq. Illoqarfiup suliumatussuseq pilersitserusussuseqarnerlu ilisimaneqaatigai. Oqaluttuarisaaneq siammarterneqarsinnaaqqullugu aqqusernit, pisiniarfiit kaffisorniarfiillu tiguartinnagit, angalaarnerit illoqarfitoqqamiit aallartiguk. Illoqarfik qimalaarlugu ass. tatsimut illoqarfiup alluisa ilaannut angalaarnissaq soorunami aamma innersuussutigaarput.

Illoqarfissuaq kulturikkut illorsuaqanngitsoq suua? Illulioriaaseq kusanarluinnartoq qaaqqusanut innuttaasunullu neqeroorutissalik Sisimiuni kulturikkut illorsuaq Taseralik saqqummersitanik, filmertarfimmik, nipilersornermik isiginnaartitsinermillu ussassaarutissalik. Illoqarfillumi pisoqarfiulluarpoq tamannalu minnerunngitsumik inuusuttunut ilinniarfiuneranik patsiseqarpoq.  

Qimusseritsi

Pinngitsoorasi qimussertariaqarpusi. ilisimasalimmik qimmiminik aqutsisumik qimussiussisulerlusi, qaqqat aqqusaarlugit qummukajaatigut, ammukajaatigut uiarteralusilu nuna qaallorissoq qilallu tungutsorissoq aallaarfigisiuk. Piffissap qanoq sivisutigisup tamatumunnga atornissaa ilissi nammineq aalajangissavarsi. Tamaani siammarsimasunik unnuiffigissallugillu piukkunnarluartunik illuararpaaloqarpoq. Sisimiuniitilluni Nasaasaamut qaqineq ileqqunuttaaq ilaavoq. Piffissaqarluarussi Kangerlussuup tungaanut 160 km. pisuffiusartoq - ukiumi snescooterit atorlugit- ingerlaarfigisinnaavarsi.

Sapiitsunut

Sisimiuttaaq unammilligassanut suugaluanut naammatsiffeqanngitsunut nuannerluinnartuupput. Timersorumatuut – allallu –qanoq pissuseqarneq sapiissuserlu apeqqutaatillugit timigissarneq pinnguarnerlu misilissinnaavaat. Arctic Circle Race 160 km-isut isorartutigisumut killingusaallu tungaanut isikkivilimmi ujakkaarneq sapiiserlutit misilikkusussinnaassaviuk? Nunarsuarmi sisoraatinik unammersuarnerit ilungersunarnersaannut isiginnaartuunissaq imminut akilersinnaavoq. Illoqarfik unammersuarnerup nalaani pissarsiviulluartumik nuanneqisumillu ataatsimoorfiusarpoq. Imammut nilleqisumut aqqarneq ussassaarutigisinnaavarputtaaq.  

Ilisimaviuk?

  • Sisimiormiut inussiarnersut akornanni kaffillerneq nalinginnaaqisoq,
  • World of Greenland Arctic Circle (WOGAC) angalanissanik Kalaallit Nunaata sinnerani misigineqarsinnaanngitsunik ilaatigut makkunannga takunniffiusunik aaqqissuisarmat: Sermersuaq, umimmaat, arferit, nunaqarfiit inuerunnikut, qimussit pisuttuarlunilu qanga pisimasunut utersinnaaneq - Qaariaritsi! 
  • Inuusuttorpassuit illoqarfimmut Center for Arktisk Teknologi-mi ingeniøritut ilinniariartartut.
  • Kalaalimineerniarfimmi aalisakkanik imal. umimmaap tuttullu neqaanik pisiniarsinnaaneq, Tuniniakkat assigiinngitsut isiginnaaginnarlugilluunniit alutornaqisut.
  • Air Greenland Arctic Circle Race-imut aningaasaliisuusartoq. Timmisartortitseqatigiit sulisunik nunarsuarmi sisorarluni unammersuarnerit ilungersunarnersaannut sapiisertunik peqataatitaqartartut.
  • Hotel Sisimiut ataatsimeersuartitsivinnik pitsaassutsikkut sisamanik ullorialinnik pikkorissaanerni, ataatsimiisitsinerni, ataatsimeersuartitsinernilu nuannarineqaqalutik toqqarumaneqartartunik neqerooruteqarput. Kulturikkut Illorsuarmik suleqateqarnikkut untritilinnik arlalinnik peqataaffigineqartunik ataatsimersuartitsisoqarsinnaasoq.
  • Knud Rasmussen-ip Højskolia soorunami ilaatigut seqinermit kiassarneqartoq, illoqarfillu nukissiuutinik atuilluartunik arlalinnik illoqarnikkut pitsaaquteqarmat.
  • Nunaqarfii: 3.
  • Sumiiffia: Kalaallit Nunaata kitaani qaasuitsup killeqarfiata avannaa tunginnguani

Sisimiuni misigisassat

Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.

Sisimiuni ingerlassineq

Qanoq isillunga tassunga pissaanga?

Suluusalinnit Dash 8-nit angallavigineqarpoq 

Air Greenland sap. ak. akuttunerpaamik sisamariarluni Kangerlussuarmiit Sisimiunut timmisartuussisarpoq. Aasaanerani Qallunaat Nunaanniit/Europamiit  Kangerlussuarmut ullut tamakkiasarlugit - ukiumilu sap. ak. sisamariarluni timmisartuussisoqartarpoq. 

Qanoq isillunga angallavigissavara?

Bussi taxaluunniit ilaaffigiuk. Angallatinut ilaallutit isoratuallaanngitsumut angalasinnaavutit imal. umiarsuaq sinersortaat Sarfaq Ittuk ilaaffigalugu kujammut avannamulluunniit angalanissat toqqarsinnaavat. Sinersortaat maajip naalerneraniit aggustip naggataata tungaanut sap. ak. ataasiarluni tikittartoq, Kujataani Qaqortumiit Avannaani Ilulissat tikillugit illoqarfiit nunaqarfiillu akornanni ilaasunik angallassisarpoq. Ukiumi sisoraatit, snescooterit qimussillu  angallatigiumaneqartuupput.