alert-black.png Angalanermut killilersuinerit malinnaaffigikkit Ingerlaqqigit

Tasiilaq-mut angalanissat nassaariuk

Tasiilaq

Tasiilaq Tunumi illoqarfiit pingaarnersaraat, Tunulu tamakkerlugu illoqarfiit marluinnaasut aapparalugu. Illoqarfik qeqertarujussuarmi qaasuitsup killeqarfianiit 100 km-nik kujasissusilimmiittumi Ammassalimmiippoq.

Illoqarfiup suut tamaasa pigai, sermit iigartartut ilulissanik iseqqasunik aniatitsisut, sermersuup ujamisimarngi, piniartut, illut qisuit qalipaatigissut qaqqallu inngigissut immikkuullarissut takusassaapput. Taamatuttaaq qeqertami kuulinnik naggorissunik naasorpassualinnillu qooroqarpoq.

Misigisassat Tasiilaq

1884-ip tungaanut avataanit tikinneqarsimanngitsoq

Europamiut siulliit aatsaat ukiut 130-it missaanni matuma siorna Tunumut pipput. Tamatuma siorna innuttaasut namminneq nerisassaqarumallutik atisassaqarumalllutillu ilungersorlutik inuuniarsimapput. Anersaat, upperisatoqqat oqaluttuallu pisimasuutitat ulluinnarsiutaapput taakkulu ileqqunut, eqqumiitsulianut kulturimullu manna tikillugu sunniuteqarput.

Piniartuuneq ileqqutoqqanillu attassineq qanimut misigisigik. Ass. nannup amia pisaqartup pisassarinagu takunneqaartulli pisassaraa.  

Illoqarfiup qitiusumik sianiuteqarfia

Umiarsuit talittarfiata eqqaa illoqarfiup qitiusumik sianiuteqarfiatut taaneqarsinnaavoq. Aasami angalatit umiaaqqallu pulammagiamiit aallakaagaangata tikeraraangatalu illoqarfiup tillerneralusooq ersarissisarpoq. Nuiatinnagu talittarfimmiit qaqqat Qimmertaajaliip Qaqqartiva, Aammangaaq Qaqqartivagajillu ersarittaqaat.  

Avinngarusimagaluaq Tasiilaq takornariarussiuk qarasaasiaq nassatarsi atorlugu ilaquttasi attavigikuttoorsinnaavasi. Internetsi –Tasiilamissaaq atorneqalereerpoq, qarasaasiakkut pinnguaatit, qarasaasiakkut attaveqatigiinneq oqarasuaatillu angallattakkat kikkunnit tamanit pigineqarput.

Ilisimaviuk?

  • Naasuliartarpik tatsinik qorlortunillu anneruniuttunik qorlorneqqusaattunillu ulikkaarmat.
  • Arsaaffik ujaraaqqanik qalligaammat arsalerngusaannerlu pikkunanaarneqarsinnaammat.
  • Tunumiut kusanartuliaat ukkusissamut qiperukkat, kiinarpaat qisuit, qisunnik-, saanernik-, tuugaanik nassunnillu tupilliat piumaneqaqisut.
  • Qimussernermut allagartartaarusuppit? Tasiilami qimussit arfineq pingasut pallillugit qimuttoqarluni qimussernermut allagartartaartoqarsinnaasoq.
  • Nunaqarfii: 5.
  • Sumiiffia: Tunumi qeqertami Ammassalimmi.

Timmisartuussinerit angallannerillu Tasiilaq

Paasissutissat

  • Inuttussusaa: 2.017
  • Tunngavilerneqartoq: 1894
  • Tunumi illoqarfiit annersaat

Ingerlassineq

  • Kangerlussuarmiit Nuummiillu Tasiilaliarsinnaavutit. Sap. ak. marloriarluni Københavnimiit Kangerlussuarmut -Nuummut-Kulusummut Tasiilamullu timmisartuussisoqartarpoq.
  • Kamippaat pisuutit atikkit avatangiisillu pisullutit imal. immakkut angallammut ilaallutit misigisassarsiorfigikkit. Aasami angallammik nunaqarfinnut immakkut angalaneq periarfissaavoq. Ukiumi angallatigiumaneqarnerpaat tassaapput snescooterit sisoraatit qimussillu.