Ukkusissat

Pissusiviusut
  • Pinngortitami Uummannamit 50 km-it miss. ungasissusilimmiippoq
  • Nunaqarfimmiut amerlanersaasa piniartuunermik aalisartuunermillu inuuniuteqarput
  • Nunaqarfiup meerartai Atuarfik Pilerfimmi 1.- 9. klassimut atuartulimmi atuartinneqartarput
  • 150 missaani innuttaassuseqarpoq

Ukkusissat pillugu

Ernumassuteqarnak Ukkusissiarit.  Nunaqarfik 2004-mili umiarsuarni takornariartaassuarni ilaasunik tikilluaqqusisarnertik pillugu, Namminersorlutik Oqartussanit pilersitsissutut nersornaaserneqarpoq. Umiarsuarmut takornariartaammut ilaallusi takornariartuunngikkaluarlusi, angalaarnernut kaffisoriartornernut assassukanillu kusanartunik pisinissamut soorunami peqataasinnaavusi.

Ukkusissat pinngortitami tupinnarluinnartumi Uummannamit 50 km-it missaannik ungasissusilimmiippoq, Uummannallu nunaqarfiinut arfineq marluusunut ilaalluni. Qaqqap nunaqarfiup ateqaataata eqqannguani illut angingitsut innap killinganiipput.

Ujarassiorumatuunut paratiisi

Nunaqarfimmiut amerlanersaasa piniartuunermik aalisartuunermillu inuuniuteqarneq pissusissamisoortutut isigaat. Tamanna aamma ujarassiornermik soqutigisalinnut paratiisiuvoq. Assigiinngitsorpassuarnik ernerlugillu nanineqarsinnaagajuttunik aatsitassaqarpo. Ukkusissat avannaata kangianiippoq Maarmoriliup eqqaani aatsitassarsiorfiusimasoq Inngili qernertoq.
Nunaqarfik atuarfeqarpoq, oqaluffeqarpoq, nakorsiartitsiveqarpoq, niuertarfeqarpoq imeqarfeqarlunilu. Nunaqarfiup meerartai Atuarfik Pilerfimmi 1. klassimiit 9. klassimut atuartulimmi atuartinneqartarput. Atuarfik 2003-mi ukioq taanna  atuarfitsialattut toqqarneqarpoq 2011-milu 5. klassimi 7. klassimilu atuartut atuaqatigiittut pujortartuunngitsut  toqqarneqarneq aningaasanillu akissarsiassartalik, tusaamaneqaatiminnut ilanngussinnanngorpaat.

Ukkusissani misigisassat

Ingerlassineq

Qanoq isillunga tassunga pissaanga?

Qulimiguulimmit angallavigineqarpoq.

Kangerlussuarmiit Ilulissanut, taava Qaarsunut suluusalimmit. Qaarsuniit qulimiguulimmit Uummannamut taavalu Ukkusissanut.

Qanoq isillunga angallavigissavara?

Nunaqavissut ilagalugit immakkut nunakkullu. Ukiaanerni qimussimik.

Video - Ukkusissat