alert-black.png Angalanermut killilersuinerit malinnaaffigikkit Ingerlaqqigit

Upernavik-mut angalanissat nassaariuk

Upernavik

Upernaviup eqqaata untritilinnik qeqertaqarnera feeriarnermi qajartornissamut naleqqulluinnartuuvoq. Tamanna anorimut oqquuvoq, qatsunngarittarluni pinngortitarlu nalissaqanngilluinnartuulluni. Nunaqarfiit aqqusaartorlugit qajartorsinnaavusi. Juuli-miit aggustimut innuttaasut tikilluaqqusisaqaat. Juuni qaammat aatsaat siku aakkiartulersarpoq.

Misigisassat Upernavik

Pitsaanerpaamiit isikkivilerluni qalipaatinik qimerloorneq

Illut qalipaatigilluinnartuupput seqernullu nuineraniit ullup ingerlanerani allanngoriartortarlutik. Taamatuttaaq qaqqat ilulissallu qalipaataat allanngorartuupput.  

Ilisimaneqartutuut sila apequtaanani atisalli apeqqutaasarput. Atisat ammit kamipaallu pitsaasut atorlugit ukiumi arsarnerit qilammi qalipaatigeqalutik aalataarfianni Upernavimmut takornariarneq misigisaqarfiuvoq imaannaanngitsoq. Tamaani ataqatigiissaaqqissaakkamik inuunerup unammilligassartai, puisinniarneq ningittakkanillu qaleralinniarneq iliniarfissaapput.

Ornigassaqqissut

Ullaakkorsiornertalimmik unnuisarfimmi alianaatsumi ullaakkut makillutit kissartumik marmartumillu kaffisorit tiitorilluuniit isiginnaagassiarlu tiguarlugu. Sermersuaq sikunik assigiinngitsunik ilusilinnik, equmiitsuliortup kialuunniit issuarlugit ilusilersorsinnaanngisaanik annertuunik aniatitsisuuvoq. Taakku ataqqinarpasillutik immikkorluinnarlu isikkoqartiterlutik Upernaviup kangerluanut aniasarput. Iliveqarfimmut pisuttuarussi ilerrit cementiussat plastikkinik assigiinngitsorpassuarnik qalipaatilinnik naasortalersukkat takussavasi. Taamaappoq nuna qeriuaannartoq assanneqarsinnaanngimmat naasullu erngerlutik issimit toqutitaasarmata.

Mamartunik nerisassiornissamut isumassarsiassat

Nerisassiornissinni misigisat tarnissinnut unerartissigik. Najukkami pisiniarfiup pisiassaataanik medisterpølsiniit aarrup neqaanut raajanullu isumassarsisinneqaritsi.

Ilisimaviuk?

  • Kalaallit Nunaanni katersugaasiveqanngitsunik illoqarfeqanngimmat – taamaappoq aamma Upernavik nunarsuarmi silami katersugaasiviit avannarlersaannik peqarnerminik tulluusimarutiginnissinnaasoq. Taanna sapaatikkut Upernaviup takornarissanut paasissutissiisarfia isumaqatigiissuteqarfigalugu ammasartoq.
  • Upernavimmi piniartut qilalukkat qernertat, qaqortat, puisit, nannullu piniagarigaat.
  • Upernavik isumaqartoq upernaarsiorfik/upernivik Qimusseriarsuarmilu nunap allanngutsaaliukkap killinganiittoq. Tassani illoqarfimmi nunaqarfinnilu piniartut kisimik piniarsinnaatitaasut.
  • Nunaqarfiit: 11.
  • Sumiiffia: Kalaallit Nunaata Kitaata Avannaani qeqertami anginngitsumi.

Paasissutissat

  • Inuttussusaa: 1181
  • Tunngavilerneqartoq: 1772
  • Kalaallit Nunaanni illoqarfiit avannarpasinnerpaamut tullersortaasoq

Ingerlassineq

  • Kangerlussuarmiit Ilulissanut tassanngaanniillu Qaarsunut peqqaarlutit aatsaat Upernavimmut apuutissaatit. Sap. ak. ataasiarluni ataqatigiissaakkamik timmisartuussisoqartarpoq.
  • Kamippatit pisuutit atikkit avatangiisillu pisullutit immakkulluunniit angallammut ilaallutit misigisaqarfigikkit. Aasami angallammik nunaqarfinnut angalanissaq periarfissaavoq. Ukiumi angallatigiumaneqarnerpaat tassaapput snescooterit, sisoraatit qimussillu.