København
København, Qallunaat Nunaanni illoqarfiit pingaarnersaat, kulturi, inuit biilerpassuillu. Mittarfimmiit nunap qaagut iluatigulluunniit qimutsuitsorlutit illoqarfiup tillernera malugiuk.
- 2013-mi Monocle Magazinep København illoqarferujussuarni pitsaanerpaatut toqqarsimavaa
- Inuit km2-kkaarlugit 639-sarput (Kalaallit Nunaanni 0,14-nnaasarput km2-kkaarlugit)a
- 1,2 millioninik inulik
- Ukiut tamaasa 1. augustimi Kalaallit tivolimi ullorsiortinneqartarput
- Danmarkip illoqarfissaasa pingaarnersaat
- 300 sinnerlugit cafeqarpoq
København
Uumasuusivissuaq, Nyhavn, qungussutariannguaq, Amalienborg, iliveqarfik Assistens Kirkegård, katersugaasiviit, kaffisorniartarfiit. København-ip suut tamaasa pigai – aamma qimutsuitsorluni -, busserluni- timmisartorluniluunniit nunap sinnerani ilaquttanut ikinngutinullu angalasoqarsinnaavoq.
Ornitassat qorsooqissut, angallatinut talittarfiit eqqiluitsut nalunnguarfiusinnaasut, neriniartarfiit nerisassanik mamartunik sassaalliisartut illoqarfimmilu kulturimut tunngasunik takusassarsiorluni cykilernissaq soqutigisaraasigik? Asasaq kisimeeqatigalugu ilaquttalluunniit ilagalugit nuannisaarniaraanni København tamatigut ornigassaqqissuuvoq.
Pinnguaatigalutit ilikkagaqarit
Ilaqutariillusi feeriarussi, Science Centre pissanganartoq nuannisaatigalusi ilikkagaqarfigisinnaasarsi takuniarsiuk. Aqqutaani -Den Blå Planet - Europap Avannaani akvariat annersaat 20.000-it sinnerlugit uumasulik takuniarsiuk.
Takornariagassaqqissut arlaat allanut sanilliullugu innersuussutiginissaa ajornakusoorpoq. Aammami illoqarfik sumut tamaanga isillattaarlusi aliannaarsaarfigiinnarsinnaavarsi, atornikuerniarfiit imal. pisuinnaat aqqutaanni pisiniarfiit mutinik nioqqutillit misissorlugit.
København kikkunnut tamanut ulloq unnuarlu ammavoq.
Ilisimaviuk?
- Qallunaat Nunaat 5,5 millioninik inoqarpoq taakkunanngalu 1,2 millionit Københavnimi najugaqartut.
- Qallunaat Nunaat Nunat Avannarliit tallimaasut minnersaraat Norgimilu Finnmark Fylke isorartoqatigigaa.
- København sutorniarfigiuminartoq, immiorfeerarpassuaqartoq, pitsaassusaat nunarsuaq tamakkerlugu tusaamasanik Michelin-inik qulikkaanik neriniartarfeqartoq, neriniartarfeeraqartorlu alianaatsunik.
- Christiania Københavnip illoqarfiani immikkuoorutilimmik inissisimasoq Københavnimilu takornarissanit ornigarneqarnerpaat ilagigaat.
- Københavnimi illussaarsuaq Rosenborg Qallunaat Nunaanni kulturikkut eriagisassanik amerlanerpaanik pigisallit ilagigaat, Illusaarsuaq kunngip Christiap sisamaata 1606 -imiit 1634 -mut illussaarsuartut anginngitsutut qasuersaarfissatullu sanatikkaa.
København-imi misigisassat
København, Danmarks hovedstad, kultur og liv og masser af biler. Tag tog eller metro fra lufthavnen og nyd byens puls.
Hotel-i biilinillu attartuineq København-imi
Sumi unnuisinnaavunga?
Suleqaterput Booking.com aqqutigalugu, Københavnimi unnuiffissarsiorit. Hotellinik ujaasinermi nunarsuarmi siuttuuvoq, qaammammullu 30 millioninik nittartagaq atorneqartarluni. Nunarsuarmi sumulluunniit angalaniaruit, qasuersaarusullutit imaluunniit suliartorlutit angalaniaruilluunniit Booking.com suut tamaasa neqeroorutigai
Hotellimik inniminniigit imaluunniit paasissutissanik allanik ujartuigit uani, Booking.com
Suleqatigalugu: 
Qanoq isillunga angalasinnaavunga
Suleqaterput CarTrawler.com aqqutigalugu, Københavnimi biilinik attartuigit. Neqeroorut pitsaanerpaaq nassaariniarlugu, biilinik atorniartarfiit 800 sinnerlugit misissuiffigissallugit periarfissarissavat.
Biilinik inniminniigit imaluunniit paasissutissanik allanik ujartuigit uani, CarTrawler.com
Suleqatigalugu: 