Inniminniinermut ikiorsiiffik

Siusissukkut inniminniiguit akikinnerussaaq.

Qaqugu inniminniissavit?

Nalinginnaasumik ukioq ataaseq tikillugu siumut inniminniisinnaavutit, angallaviilli ilaanni allanngorarsinnaavoq. Aallarnissaq nalunaaquttap akunnerinik marlunnik sioqqullugu inniminniisinnaavutit.

Issiavimmik toqqaaneq

Imarpik qulaallugu
Imarpik qulaallugu timmisartuussinissanut bilitsimik inniminniininnut atatillugu illit nammineq issiavissat aamma inniminneersinnaavat. Maluginiassavat taanna inniminniinerinnaammat, aammalu issiaviit agguataarneqarnerinik, soorlu isumannaallisaanermut atatillugu, inniminniikkanik allanngortitsisinnaagatta.

Nunatsinni angalaneq
Angalasut ilisimaqquarput 12. marts 2020-miit nunatta iluani angallannermi Dash-8-mut ilaasut issiaviit normui malillugit issiavimmik aalajangersimasumik tunineqassasut. Ilaasussap issiaviata normussaa ilaanissamut ikissutissami allaqqassaaq. Sumi issiassanerlutit nalornissutigigukkit timmisartumi sulisut aperisinnaavatit.
Timmisartorsuarmisuulli, Nunatta iluani timmisartuussivinni aalajangersimasumik issiavissinneqarneq, ilaqutariit allallu ataatsimoorlutik angalasut issiaqatigiissinnaanerinut qulakkeerutaasarpoq. Air Greenlandillu sulisuinut sulinermi pisariakillisaataallunilu ilaasunut utaqqinannginnerussaaq.
Nunatsinni angalanerni issiavissanik inniminniisoqarsinnaanngilaq.

Multistop

Angalaninni aqqutaani uninnissat kissaatigigukku inniminniileruit ”Multistop” toqqarsinnaavat.

Inniminniinermi ataatsimi ornigassat pingasut tikillugit toqqarsinnaavatit. Assersuutigalugu Nuummiit Ilulissanut aallarsinnaavutit, Ilulissaniillu Københavnimut ingerlaqqissinnaallutit:

Multistop Uk

Inniminniinermut normu bilitsilu

Inniminneereeruit angalanissamut pilersaarummik mail-ikkut pissarsissaatit. Pappiaqqat anillatsikkit taakkulu angalaninni nassassarlugit, taamaalillutit pas-ivit uppernarsaatitullu pappiaraativit saniatigut inniminniinermut normu tamatigut tigoriaannaasassavat. Angalanissamut pilersaarut misissorluaruk. Kukkuneqarpat nalunaaquttap akunnerisa 24-t iluanni websupport@airgreenland.gl attaveqarfigissavat imaluunniit Callcentret +299 34 34 34-imut sianerfigissavat.

Online-kkut akiliineq

Nittartakkakkut toqqaannaq inniminniiguit bilitsi akilertussaavat. Korti Akiliut akiliinermi atorneqarsinnaanngilaq.

Takuuk Akiliisarnermut korti atorlugu akiliineq »

Ataatsimoorluni angalasussanut inniminniineq

Inuit 9-t amerlanerusulluunniit ataatsimoorlutik angalanissaannut inniminniiniaruit, group@airgreenland.gl aqqutigalugu saaffigissavatsigut.

Pensionistinut akikilliliinerit

Air Greenlandimiit bilitsini Standard-ini pensionistinut/siusinaartumik pensionistinut akikillisaassinissamik neqerooruteqarpugut. Bilitsini Standard-ini 33%-inik akikillisaanneqarsinnaavutit. Akikillisaassinissamut angallavik aammalu ukiup qanoq ilinerani angalaniarnerit apeqqutaassapput.

Kalaallit Nunaanni angallavinnut akikillisaatit ukioq kaajallallugu atuutissapput, kiisalu Kalaallit Nunaannut aamma Kalaallit Nunaannit angalanernut piffissap angalasoqarnerpaaffiusup avataani atuutissallutik.

Kalaallit Nunaannut aamma Kalaallit Nunaanniit angalanernut pensionistinut akikillisaatit piffissani ukunani atuutissapput:

06. januar 2020 – 31. marts 2020
20. april 2020 – 14. juni 2020
17. august 2020 – 14. december 2020
04. januar 2021 – 26. marts 2021
12. april 2021 – 14. juni 2020
16. august 2021 – 13. december 2021