Bilitsimik akianilluunniit allanngortitsineq

Bilitsimik allanngortitsineq imaluunniit akianik utertitsineq

Pisisartutut Air Greenlandimiit timmisartukkut bilitsisiavit onlinekkut allanngortinnissaanut akiataluunniit utertinnissaanut periarfissaqarputit. Air Greenlandimi bilitsit pisiassat assigiinngitsuupput taamaattumik allanngortitsiniaraanni imaluunniit bilitsimik utertitsiniaraanni, bilitsi sorleq pigineqarnersoq apeqqutaavoq.

Bilitsimik allanngortitsineq

Allanngortinneqarsinnaasumik bilitseqaruit taanna kingusinnerpaamik aallarfissaq nal.ak. marlunnik sioqqullugu allanngortissinnaavat. Bilitsimi tamakkiisumik allanngortinneqarsinnaasumi Onlinekkut nammineerlutit uku allanngortissinnaavatit:

  • Ulloq aallarfissaq / nalunaaqutaa
  • Bilitsip suunera, soorlu business-imut (akisunermut)
  • Illit attaveqarfigineqarnissannut paasissutissat, e-mailit, oqar. normua

Malugineqquneqarpoq bilitsimik allanngortitsinissamut bilitsinik pisiassaqarnersoq apeqqutaammat taamaattumillu akileeqqinnissamik nassataqarsinnaalluni. Allanngortitsinermut immikkut akitsuuteqanngilaq.

Call centererput imaluunniit angalatitsiviit ukununnga tunngatillugu attavigissavat:

  • Timmisartumi issiavissat imaluunniit nerisassanut tunngasut allanngortinneqassappata
  • Bilitsimi allanngortinniakkami timmisartuussiviit ilaat allanngortinneqarsinnaanngitsumik taarserniaraanni

MALUGIUK bilitsisisup aqqa allangortinneqarsinnaanngilaq.

Bilitsip akianik utertitsineq

Bilitsit allanngortinneqarsinnaasut aammalu allanngortinneqarsinnaanngitsut aallarfissaq kingusinnerpaamik nal.ak. marlunnik sioqqullugu onlinekkut atorunnaarsinneqarsinnaapput, bilitsillu akiata utertinneqarsinnaasortaa angalanissamut akiliinermi atukkamut/Dankort-imut utertillugit ikineqassapput.

  • Bilitsit allanngortinneqarsinnaasut nalingi tamarmik, akileraarutit mittarfeqafinnullu akiliut ilanngullugit, utertinneqassapput
  • Bilitsit allanngortinneqarsinnaanngitsut akileraarutaat mittarfinnullu akiliutaat kisimik utertinneqassapput
  • Aqqutit timmisartorfigeriikkat kiisalu angalanissamik taamaatitsisinnaanermut sillimmasiissutip akia utertinneqarsinnaanngillat
  • Eqqaamallugu 24-timer periarfissaqarputit pisinermiit billetsi tamaat utertissallugu.

Timmisartukkut bilitsimik allanngortitsiniaruit imaluunniit utertitsiniaruit nalinginnarmik atuisutut nittartakkap saqqaani ”uanga bilitsera” iserfigissavat. Inuussutissarsiortutut atuisuuguit suliffeqarfinni inniminniinermut akisussaasoq inuussutissarsiortunut naatsorsuussaq iserfigalugu angalanissamut takussutissiaq iserfigissavaa.