Akiliutit

Air Greenlandimut ilaalluni angalanermut akit akiliutinik tapinillu assigiinngitsunik ilaqarput. Ilaat timmisartuutileqatigiiffimmit aalajangigaapput, allat inatsisitigut maleruagassatigullu aalajangigaallutik. Angallaviit ilaanni akiliutit timmisartuussinermut aningaasartuuterpianit qaffasinnerupput.

Akiliutit, tapit akitsuutillu

Air Greenlandimut ilaalluni angalanermut akit akitsuutinik tapinillu assigiinngitsunik imaqarput. Ilaat uatsinnit aalajangigaapput, allallu inatsisit maleruagassallu aqqutigalugit akitsuutaallutik, taakkulu uagut sunniuteqarfigisinnaanngilavut isertitsissutiginagilluunniit.

Air Greenlandimi angalanissannik inniminniinerit tamaasa akiligassat tamakkiisoq, akiliutit akitsuutillu tamaasa ilanngullugit ilinnut paasissutissiissutigineqartarpoq.

Kiffartuunneqarnermut akiliut

Timmisartumut bilitsimik call centererput aqqutigalugu inniminniiguit, kiffartuunneqarnermut akiliut bilitsimut/inummut ataatsimut akilersissavarput.

Kiffartuunneqarnermut akiliut imatut isikkoqarpoq:

  • Kalaallit Nunaata iluani/illoqarfiit akornanni angalanernut: Inummut ataatsimut kr. 150
  • Nunat allat aamma Kalaallit Nunaata akornanni angalanernut: Inummut ataatsimut kr. 250
  • Meeqqanut marluk inorlugit ukiulinnut kiffartuunneqarnermut akiliuteqartitsisoqartanngilaq

Nittartagarput manna aqqutigalugu inniminniiguit kiffartuunneqarnermut akiliuteqartitsissanngilagut.

Allannguinerit taamaatitsinerillu

Bilitsimik allanngortinneqarsinnaasumik pisisimaguit, aallarfissaq kingusinnerpaamik nalunaaquttap akunnerinik marlunnik sioqqullugu bilitsimik allanngortitsisinnaavutit utertitsisinnaallutilluunniit. Bilitsit allanngortinneqarsinnaanngitsut allanngortinneqarsinnaanngillat utertinneqarsinnaanatilluunniit, bilitsilu taamaatinneqarpat mittarfinnut akitsuutit atorneqanngitsut kisimik utertinneqarsinnaapput.

Taamaatitsinermut allanngortitsinermulluunniit akiliut inummut ataatsimut bilitsimut kr. 100,-nik akeqarpoq.

Nunaqarfinnut timmisartuussinerni angalanissamik taamaatitsineq akeqanngilaq.

Ikiorserneqarneq

Københavnip Mittarfianit aallartussanut tamanut ikiorserneqarnermut, inuttut ikiorneqarnermut kiffartuunneqarnermullu akiliut 6,00 kr.-iusoq akilersinneqartarpoq. Akiliut EU-mit aalajangigaavoq, aammalu bilitsimut akiusumut ilaatinneqarluni.

Aallarfissani ataasiakkaani angalasut immikkut ikiorneqarnissamik atorfissaqartitsisut amerlassusaat apeqqutaatillugu ikiorserneqarnissaq killeqarsinnaavoq.

Inuit ataasiakkaat pisariaqartitaat eqqarsaatigalugit, Air Greenland ingiaqateqarnissamut piumasaqaatinik saneqqutsinissamut akuersisinnaavoq.

Akiliisarnermut korti atorlugu akiliineq

  • Diners Club, 1,25 %
  • EuroCard imaluunniit MasterCard, 1,99 %
  • Visa Electron, 1,45 %
  • Dankort VISA-talik, 0,10 %, minnerpaamik kr. 1,40

Akiliutit akiliisitsisarfinnit ataasiakkaanit aalajangigaapput, aammalu angalanermut akiusup tamarmiusup procentianut aalajangersimasumut aalajangigaallutik. Akiliisitsisarfiit siumoortumik sivikitsumik piffissaqartitsillutik nalunaaruteqarnikkut akit allanngortissinnaavaat, aammalu akigititaasut siumoortumik sivikitsumik piffissaqartitsilluni allanngortinneqarsinnaapput. Sapinngisamik nittartagarput akinut nutaanut iluarsiniartarparput.

Mittarfinnut akitsuutit

Akitsuut Namminersorlutik Oqartussat ataanni Mittarfeqarfinnit aalajangigaavoq. Akitsuut mittarfinnik heliportinillu ingerlatsinermut tapiissutaavoq. Kalaallit Nunaata aamma Københavnip akornanni siumut utimullu timmisartuussinermi aningaasartuutit, Air Greenlandip sunniuteqarfigisinnaanngisai 800,- kr,-it missaanniipput.

Piffissaq 1: 1. oktobarimiit 30. apriilimut
Piffissaq 2: 1. maajimiit 30. septembarimut

Assersuutit:

Inummut ataatsimut Piffissaq 1

Piffissaq 2

 
Kangerlussuaq-København DKK 371,- DKK 402,-
Nuuk-Kangerlussuaq DKK 169,- DKK 246,-
Qaqortoq-Narsarsuaq DKK 150,- DKK 150,-

Isumannaallisaanermut akitsuutit

Mittarfeqarfiit mittarfinni tamani isumannaallisaanermut akitsuutinik akiliisitsisarput. Akitsuut nunap iluani angallavini tamani 30 kr.-inut aalajangigaavoq, kiisalu Danmarkimut/Canadamut/Islandimut angallavinni 180 kr.-inut aalajangigaalluni.

Ikummatissamut tapiliussaq

Timmisartuussinerni Kalaallit Nunaanniit Danmarkimiillu angalanermi ikummatissamut tapiliussaq DKK 150 akilerneqartassaaq. Tapiliussaq imarpik ikaarlugu angalanerit tamaasa akiliutaasassaaq. Angalanernilu siumut utimullu DKK 300 akiliutigineqartassalluni.