Sillimmasiissutit

Nunarsuarmi angalaniaruit angalanissamut sillimmasiinissat aamma napparsimalernissamut/taamaatitsinissamut sillimmasiinissat tamatigut inassutigisassavarput. Taamaalillutit angalaqatitillu – aallannginnissinni angalanissilu nalaani – ikiorneqarnissarsi qulakkiissavarsi.

Kalaallit Nunaanni najugaqavissuuguit ilisimassavat nunani allani angalatillutit killilimmik ikiorserneqarsinnaagavit, aammalu Kalaallit Nunaata avatanniitillutit napparsimanerit pissutigalugu aningaasartuutigisinnaasatit Kalaallit Nunaanni peqqinnissaqarfimmit utertinneqarsinnaanngimmata ilisimassavat.

Nunani allaniinnermi napparsimalernermi ikiorserneqartarneq pillugu Kalaallit Nunaanni Peqqinnissaqarfiup maluaruagassiai » pillugit annertunerusumik atuagaqarit

Danmarkimi najugaqaruit eqqumaffigissavat, sygesikringskort sungaartoq 1. august 2014 aallarnerfigalugu EU-p avataani atorneqarsinnaajunnaarmat. Tassani nammineerlutit angalanissamut sillimmasiissaatit.

Angalanissamut sillimmasiissut

Angalanissamut sillimmasiissut iluaqutaalluinnarsinnaavoq! Tassa Kalaallit Nunaanni nunarsuulluunniit sinneranut angalaniaruit. Illit napparsimaleruit imaluunniit ilaquttat napparsimalerpat, ajoquseruit imaluunniit nassatatit annaagukkit aningaasatigut allatullu ikiorserneqarsinnaallutit ilisimallugu aallarnissat toqqissisimanartussaavoq. 

Angalanissamut sillimmasiissut Europæiske » aqqutigalugu inniminnersinnaavat.

Napparsimalernissamut/taamaatitsinissamut sillimmasiissut

Napparsimalernissamut/taamaatitsinissamut sillimmaseruit, aallarnissat sioqqullugu napparsimaleruit ajoquseruilluunniit timmisartumut bilitsimut aningaasartuutitit taarserneqassapput. Sillimmasiissut aamma angalaqatinnik ilaquttannilluunniit qaninnermik napparsimasoqalerpat, toqusoqarpat ajoqusertoqarpalluunniit matussusiisussaavoq. Sillimmasiissut angalanerup ingerlanerpiaani matussusiisinnaanngilaq.

Angalanissamik taamaatitsinissamut sillimmasikkamik taamaatitserusukkuit uunga attaveqassaatit:

Air Greenland
PO Box 1012
DK-3900 Nuuk
Nalunaaqutserlugu: Napparsimalernissamut/taamaatitsinissamut sillimmasiissut
Telefon: +299 34 34 34
E-mail: forsikring@airgreenland.gl

Inussiarnersumik qinnuigaatsigit inniminniinermut normu ilisimatitsissutigeqqullugu aammalu taamaatitsinissamut sillimmasiissutip immersugassartaa downloaderiarlugu nakorsarisat peqtigalugu immersorlugu.
Nakorsamit oqaaseqaat/uppernarsaat toqusumulluunniit uppernarsaat aamma nassiunneqarsinnaavoq.

Sillimmasiinermi piumasaqaatit

Aajuku taamaatitsinissamut sillimmasiissummut, Air Greenland aqqutigalugu inniminnerneqartumut piumasaqaatit: 

1.1 Nassuiaatit
Malugalugu, oqaatsit naqinnerit uingasut atorlugit allanneqarsimasut imm. 2.6-imi nassuiarneqarmata.

1.2 Kikkut sillimmaserneqarpat?
Inuit angalanissamut uppernarsaammi allassimasut. Inuit ataasiakkaat matuma kingorna sillimmasiisunik taagorneqarput.

1.3 Piffissaq sillimmasiiffiusoq
Sillimmasiissut akilerneqarnermini ullormit pisiffiusumiit aallarnissap tungaanut atuutissaaq. Sillimmasiinermulli uppernarsaammi piffissaq atorunnaarfiusussaq alla allassimasinnaavoq.

1.4 Sillimmasiissut piffissap qanoq ilinerani pisiarineqassava?
Sillimmasiissut aallarnissamik inniminniinermi pisiarineqassaaq, kisiannili kingusinnerpaamik angalatitsivimmut/timmisartuutileqatigiiffimmut qularnaveeqqutissap akilerneqarnerani pissalluni.

1.5 Sillimmasiinerup nalinga
Sillimmasiinerit nalingi sillimmasiinermi allagartami, peqataanermut uppernarsaammi aamma/imaluunniit piumasaqaatini allassimasut sillimmasiisarfiup Europæiskip taarsiisussaatitaanerata annertussusissaanut killiliisuupput. Sillimmasiisarfiup Europæiskip ajoqusertoqarnerani ataatsimi taarsigassatut pisussaaffiata DKK 1.000.000 koruunit sinnersinnaanngilaat, ajoqusertoqarnerani sillimmasiinermut allagartap ataasiunera amerlaneruneriluunniit apeqqutaatinnagu.

1.6 Ajoqusernerit suut sillimmasiissummit matussuserneqartarpat?
Sillimmasiissut matussusiisussaavoq sillimmasiisoq aallarsinnaanngippat imaluunniit angalanermik naammassinnissinnaanngippat, uku pissutigalugit;

  1. sillimmasiisoq, angalaqataasoq (angalaqataasussaq ataaseq innersuussutigalugu amerlanerpaamik sillimmasiisut pingasut angalanissamik taamaatitsisinnaapput) ilaqutaasulluunniit ilaat toquppat imaluunniit tassanngaannartumik napparsimalerpat/ajoquserpat ,
  2. sillimmasiisoq ilinniartitaanermi tapiiffigineqarsinnaasumi ilivitsumi soraarummeernermik naammassinnissimanngippat imaluunniit tassanngaannartumik napparsimalerneq pissutigalugu soraarummeernissamut ilaasinnaajunnaarpat, taamaattumillu sillimmasiisoq soraarummeeqqittussanngorpat. Angalanissap piffissap soraarummeerfiusussap nallinnginnerani pisiarineqarsimanissaa piumasaqaataavoq, aammalu soraarummeeqqinneq piffissap angalaffiusussap iluani, imaluunniit ullup angerlamut apuuffissatut naatsorsuussaagaluartup kingorna sapaatit akunnerisa marluk iluini pissasoq.

1.7 Aningaasartuutit suut sillimmasiissummit matussuserneqassappat?
Angalanissaq piffissami sillimmasiiffiusumi taamaatinneqarpat, sillimmasiissut angalanissamut piumasaqaatit nalinginnaasut malillugit angalatitseqatigiiffiup/timmisartuutileqatigiiffiup piumasaqaataanut matussutissatut sillimmasiisup akilersimasaanut matussutigineqassaaq – taamaattorli annerpaamik sillimmasiinermut naliliunneqartut tikillugit.

1.8 Atuutsitsiviunngitsut/killiliussat
Atuutsitsiviunngitsut:
Nappaat imaluunniit ajoquserneq, angalanissamik taamaatitsinermut pissutaasoq sillimmasiinermi atuutereersimappat, sillimmasiissut matussusiisinnaanngilaq.

Killiliussat:
Inuk angalanissamik taamaatitsinermi pissutaasoq 75-inik ukioqalereersimappat, sillimmasiissutip nalingata annertunerunera apeqqutaatinnagu ingerlatseqatigiiffiup taarsiinissamut pisussaaffii inummut ataatsimut annerpaamik DKK 20.000 kr.-inut killilerneqarput.

1.9 Angalanissamik taamaatitsineq
Ajoqusertoqartillugu sillimmasiisup erngerluni aammalu kingusinnerpaamik piffissami aallarfissatut pilersaarutigineqartumi angalatitsivik/timmisartuutileqatigiiffik ilisimatissavaa. Piffissap aallarfissap kingorna angalanissamik taamaatitsisoqarnerani sillimmasiissut matussusiisinnaanngilaq.

1.10 Ajoqusertoqarnerani pissutsit atuuttut
Angalanissamik taamaatitsinissat kissaatigigukku, piaarnerpaamik angalatitsivimmut/timmisartuutileqatigiiffimmut attaveqaqquneqarputit. Tamatuma kingorna ajoqusertoqarneranut nalunaarut matuma kingulianiittoq immersussavat atsiussallugulu, taannalu angalatitsivimmut/timmisartuutileqatigiiffimmut nassiutissavat, tassungalu angalanissamut uppernarsaatip naqeqqaarnera kiisalu taamaatitsinermut pissutaasumut uppernarsaat, matuma kinguliani nassuiarneqartoq ilanngutissavatit:

  • Napparsimasoqarnerani nakorsamit nalunaarut matuma kingulianiittoq inummit angalanissamik taamaatitsinermi pissutaasumit kiisalu nakorsarisamit immersorneqassaaq.
  • Ajoqusertoqarnerani napparsimmavimmit imaluunniit nakorsamit passussisuusumit uppernarsaasoqarnissaa pisariaqartinneqarpoq.
  • Toqusoqarnerani toqusumut uppernarsaatip saqqaata assilinera nassiunneqassaaq.
  • Tillinniartoqarnerani ikuallattoqarneranilu politiit nalunaarutaata imaluunniit politiinut nalunaaruteqarnermi uppernarsaatip assilinera nassiutissavat. Napparsimasoqarnerani angalanissamik taamaatitsinermi napparsimasup taassumalu nakorsaata piaarnerpaamik nakorsap nalunaarutaa matuma kingulianiittoq immersussavaat.

2 AALAJANGERSAKKAT TAMANUT ATUUTTUT

2.1 Marloriaammik sillimmasiisarneq
Sillimmasiissut taarsiinissamut piumasaqaatinut, sillimmasiissummit allamit matussuserneqartussanut atuutinngilaq.

2.2 Piumasaqaatit
Sillimmasiissut manna naapertorlugu akiliisoqassappat, tamanna pillugu pisinnaatitaaffitit tamarmik Europæiske-mit isumagineqassapput.

2.3 Maalaaruteqartarfik
Angalanissamik taamaatitsinissamut sillimmasiissut pillugu apeqqutissaqarnermi una saaffigineqassaaq:
Call Center.

Air Greenland peqatigalugu naammaginartumik aaqqiisoqarsinnaanngippat, uunga attaveqassaatit:
Ankenævnet for Forsikring
Anker Heegaards Gade 2
1572 København V
Tlf. 33 15 89 00 (Nal. 10.00 aamma 13.00 akornanni)

2.4 Eqqartuussivilersuussisarneq inatsisillu toqqarneqartut
Europæiske pillugu eqqartuussisunut suliassanngortitsinermi Københavnimi Danmarkimiittumi Byretten-imut imaluunniit Østre Landsret-imut suliassanngortitsisoqassaaq. Sillimmasiissut manna tunngavigalugu aaqqiagiinngissutit danskit inatsisaat naapertorlugit aalajangiiffigineqartassapput.

2.5 Naqissusiinermut akitsuut
Naqissusiinermut akitsuutini naqissusiisarnermut inatsimmi §70 tunngavigineqassaaq.

2.6 Nassuiaatit
Sillimmasiissummut matumunnga nassuiaatit matuma kinguliani allassimasut atorneqassapput:

  • Tassanngaannartumik napparsimasoqalernera.
    Tassanngaannartumik napparsimasoqarnera matussusiinissamut pisinnaatitaaffeqarfiusoq tassaavoq nappaat nutaamik takkuttoq, qanimanartulimmik napparsimasoqarneranik pasitsaassineq nutaamik takkuttoq, imaluunniit nappaammi atuuttumi nappaammilu katsorsarneqarsinnaanngitsumi naatsorsuutiginngisamik ajornerulersoqarnera.
  • Ilaquttat.
    Ilaquttat tassaapput sillimmasiisup katinnikkut aappaa, inooqataa, meerai, ernutai, meeraasa appaat, angajoqqaat, aappap angajoqqaavi, qatanngutit, angajoqqaat angajoqqaavi, aappaasup qatanngutai arnat angutilluunniit. 
  • Angalaqatigisaq.
    Angalaqatigisaq tassaavoq  inuk sillimmasiisup angalaqatissaatut angalanissamut uppernarsaammi/bilitsimi allassimasoq, imaluunniit ataatsimoorluni angalanissaq siunertaralugu angalaqatissatut allassimasoq.