Bilitsimik qaffannera akianilluunniit allanngortitsineq

Bilitsimip akisunermut nuunneqarnera, allanngortitsineq imaluunniit akianik utertitsineq

Covid-19: Uani bilitsit allanngortinneqarsinnaanngitsut allanngortinneri pillugit immikkut piumasaqaatit atugassarititaasullu pillugit paasisaqarit

Bilitsip akisunermut nuunneqarnera, allanngortitsineq, imaluunniit akianik utertitsineq

Air Greenlandip nittartagaatigut angalanissat inniminnersimagukku, taava nittartakkatsinni ’Billetsera’ iserfigisinnaassavat, tassani Air Greenlandimit timmisartornissamut bilitsitit allanngortissinnaavatit taamaatillugilluunniit akiallu utertillugu. Air Greenlandimit bilitsit assigiinngitsut arlaqarput, taamaattumik akisunermut nuussiniaraanni, allanngortitsiniaraanni, akianilluunniit utertitsiniaraanni bilitsi sorleq pigineqarnersoq apeqqutaavoq.

Takuss:

Takussbilitseqaruit nalunaaqutaanik ulluanilluunniit allannguineq, akisunermut nuussineq, akianilluunniit utertitsineq pisinnaanngilaq. Bilitsit taamaatikkukku akiata akileraarutitai mittarfimmullu akiliutit kisimik utertinneqassapput.

Standard aamma Premium:

Nalunaaqutaanik/ulluanik allannguineq:
Aallarnissavit nalunaaqutaa ullualuunniit allanngortissinnaavat, allannguinermut akiliummik akilerlugu:

Nunatsinni angalanermi: 500 DKK, kiisalu aallarfissaraluavit akia aallarfissallu nutaap akia nikingappata nikingassutaa qaavatigut akiliutigalugu.

Nunanut allanut angalanermi: 750 DKK, kiisalu aallarfissaraluavit akia aallarfissallu nutaap akia nikingappata nikingassutaa qaavatigut akiliutigalugu.

Malugiuk: Angalanissat ataatsimut pisiarisimagukku (akia ataatsimoortillugu tunniunneqarsimappat bilitsilu ataatsimoortillugulu tiguneqarsimalluni), taava allannguinermut akiliut ataasiinnaq akilerneqassaaq, tassalu allannguinermut akiliut akisuneq, 750 kr.
Angalanerit kattunneqarsimasut marluuppata (akii immikkut tunniunneqarlutik bilitsillu immikkut tiguneqarlutik), taava angalanerit allanngortinneqarnissaat immikkut akilerneqassapput.
Allannguinermut akiliut allannguinerit tamaasa immikkut akiliutigitinneqartarpoq. Aallarnissat uternissallu ataatsikkut allanngortikkukkit taava akiliut ataaseq akiliutigitinneqassaaq, 750 kr. imaluunniit 500 kr., nunatsinni nunanulluunniit allanut angalaneq akianik aalajangiisuulluni.
Akerlianilli aallarnissat allanngorteriarlugu kingusinnerusukkut aatsaat uternissat aamma allanngortikkukku, taava allannguinermut akiliut marloriarluni akiliutigitinneqassaaq.

Bilitsit Standard aamma Premium nalunaaqutaat ulluallu allanngortinneqarsinnaapput. Allanngortikkaanni suminngaanniit sumullu angalaneq taamaaginnassapput, angalasullu aqqa aamma allanngortinneqassanani. Air Greenlandimit toqqaannartumik bilitsit inniminnersimagukku ‘Billetsera’ iserfigalugu nammineerlutit allanngortissinnaavat, tassani akii aamma ersikkumaarput. Sullitanut kiffartuussivik aqqutigalugu bilitsit allanngortinniarukku akiata nikinganerata qaavatigut kiffartuussinermut akiliummik akiliisinneqassaatit 300 DKK-limmik. Angalatitsivik aqqutigalugu bilitsisisimaguit angalatitsivimmut attaveqarina.

Akisunermut nuussineq:
Akisunermut nuussinermi bilitserisap akiata akisunerullu akiata nikingassutaat kiisalu allannguinermut akiliut 750 DKK akiliutigineqassapput. Standardimik Premiumimilluunniit bilitseqaraanni Standard Fleximut Premium Fleximulluunniit nuutsinneqarsinnaanngillat.

Standardimik bilitseqaraanni ullormi aallarfissami allannguinermut akiliutitaqanngitsumik internetikkut ‘Billetsera’ aqqutigalugu Premium bilitsimut allanngortinneqarsinnaavoq – akit nikingassutaat taamaallaat akiliutigineqassaaq, tamannalu taamaallaat pisinnaavoq Premium klassimi inissaqarpat.

Inissaqarpat nerisassallu nassarneqartut naammappata aamma mittarfimmi nassatanik tunniussinermi Standardbilitsi Premiumbilitsimut allanngortinneqarsinnaavoq, taamaaliornermi akiliutigineqassaaq 3.500 DKK kiisalu akiisa nikingassutaat.

Akianik utertitsineq:
Bilitsit Standard aamma Premium akiat utertinneqarsinnaanngillat. Bilitsit taamaatikkukku akiata akileraarutitai mittarfimmullu akiliutit kisimik utertinneqassapput.

Standard Flex aamma Premium Flex:

Nalunaaqutaanik/ulluanik allannguineq:
Angalanissani kissaatigisanni inissaqarpat ullua nalunaaqutaalu qanorluunniit allanngortissinnaavat. Bilitsit Air Greenlandimit toqqaannartumik inniminnersimagukku nammineerlutit allannguisinnaavutit nittartakkap saqqaani inniminniisarfik aqqutigalugu, imaluunniit ‘Billetsera’ aqqutigalugu, aamma attavigisinnaavatsigut angalatitsivilluunniit attavigalugu.

Akianik utertitsineq:
Standard Flexip Premiumillu akia tamarmi utertinneqarsinnaajuaannarpoq. Malugiuk akianik utertitsinermi akiliutigitinneqartarmat 100 kr.

Angallassinermi aalajangersakkat atuarlugit sukumiinerusumik paasisaqarsinnaavutit

Bilitsit pillugit malittarisassat tamanut atuuttut

  • Aallarnissaq kingusinnerpaamik nal. ak. marlunnik sioqqullugu bilitsit* internetikkut taamaatinneqarsinnaapput, akianillu aningaasat utertinneqarsinnaasut kreditkortimut/Dankortimut pisiarinerani akiliutigineqarsimasumut utertinneqassallutik.
  • Timmisartuussinerit pereersut taamaatitsinissamullu sillimmasiinerit akiat utertinneqarsinnaanngillat.
  • Eqqaamallugu pisereernermi nal. ak. 24 peqqissimisinnaatitaagavit, bilitsillu akia piffimmi tassani tamakkiisumik utertissinnaallugu.
  • Timmisartornissamut bilitsi allanngortinniarukku akialuunniit utertinniarukku nittartakkami inniminniisarfik iserfigissavat tuugassaq ’Billetsera’ iserfigalugu.
  • Suliffeqarfik aqqutigalugu angalasussaaguit suliffeqarfinni inniminniinermut akisussaasoq suliffeqarfiit iserfissaannut iserluni angalaneq pillugu paasissutissat iserfigissavai.

*Takussbilitsinut atuutinngilaq