alert-black.png Angalanermut killilersuinerit malinnaaffigikkit Ingerlaqqigit

Pas, visum aamma akunninnissamut akuersissut

Uani pas, visum, maleruagassat inatsisillu pillugit atuagaqarsinnaavutit.

Kalaallit Nunaannut

Nunani avannarlerni innuttaassuseqaruit, Kalaallit Nunaannut angalanissamut visum-imik pisariaqartitsinngilatit. Danmarkimut visum-eqaraani imaanngilaq taanna aamma Kalaallit Nunaannut visum-itut atuuttoq, taamaattumik Udlændingestyrelsimut (Nunanit Allanit nunasiniartunut aqutsisoqarfik) paasiniaassaaatit. Visum-imik atuuttumik nassataqarnak angalaguit Air Greenlandip timmisartumut ikinissannut itigartissinnaavaatit, angalaqqinnissallu akisussaaffigissanngilaa. Inuiaat sorliit visum-eqartussaanersut uani takujuk www.nyidanmark.dk

Angalaninnili kinaassutsit uppernarsarsinnaassavat, taamaattumik kinaassutsinnut uppernarsaammik atuuttumik, soorlu pas-it nassassavat. Paasissutissat amerlanerusut uani pissarsiarisinnaavatit: Kalaallit Nunaanni Nunanut Allanut Pisortaqarfik »

Islandimut

Nunani avannarlerni innuttaassuseqaruit, Islandimut angalanissamut visum-imik pisariaqartitsinngilatit. Kisiannili kinaassutsit uppernarsarsinnaassavat, taamaattumik kinaassutsinnut uppernarsaat atuuttoq, soorlu pas-it nassassavat. Paasissutissat amerlanerusut uani pissarsiarisinnaavatit: det islandske Udenrigsministerium »

USA-mut

USA-mut isersinnaassaguit aallarfissat kingusinnerpaamik nal.ak. 72-nik sioqqullugu ESTA-mik (angalanissamut akuersissut elektroniski) qinnuteqassaatit.

ESTA-mik akuersissuteqarnak angalaguit USA-mut tikinnermi tassunga isernissamut itigartinneqarsinnaavutit.

ESTA-mik qinnuteqassaguit elektroniskimik pas-eqassaatit. Pas-it elektroniskit saqqaanni ilisarnaateqartarput. Pas-it sorliunersoq nalorniguit, nunatsinni oqartussanut saaffiginnissaatit.

ESTA-mit uppernarsaat ukiut marluk tikillugit, imaluunniit pas-ivit atuukkunnaarnissaata tungaanut, atuuttarpoq, apeqqutaalluni taakku arlaat sorleq atuutileqqaassanersoq.

Eqqaamajuk ESTA-mik qinnuteqarnissaq akuersissummillu pissarsinissaq illit nammineq akisussaaffigakku.

ESTA-mik ugguuna qinnuteqarit

Canada-mut

Canada-mut isersinnaassaguit aallarfissat kingusinnerpaamik nal.ak. 72-nik sioqqullugu eTA-mik (angalanissamut akuersissut elektroniski) qinnuteqassaatit.

eTA-mik akuersissuteqarnak angalaguit Canada-mut tikinnermi tassunga isernissamut itigartinneqarsinnaavutit.

eTA-mik qinnuteqassaguit atuuttumik pas-eqassaatit. Pas-illu eTA-mik qinnuteqarninni tunngavigalugu atukkat angalaninni nassassavat.

eTA-mit uppernarsaat ukiut tallimat tikillugit, imaluunniit pas-ivit atuukkunnaarnissaata tungaanut, atuuttarpoq, apeqqutaalluni taakku arlaat sorleq atuutileqqaassanersoq.

Eqqaamajuk eTA-mik qinnuteqarnissaq akuersissummillu pissarsinissaq illit nammineq akisussaaffigakku.

eTA-mik ugguuna qinnuteqarit.

Pituffimmi (Thule Air Base) akunninnissamut akuersissut

Qaanaamut Thule Air Base aqqusaarlugu angalasut pinngitsooratik – sivisussusia apeqqutaatinagu – akunninnissamut akuersissummik atuuttumik nassataqassapput. Ilaasut akuersissummik pigisaqanngitsut tunniussisarfinni itigartinneqartarput.

MALUGIUK: Immikkoortoq ”Maleruagassat ilaatigut atuutinngiffeqartarput” takuuk.”

Uunga akuersissummik qinnuteqassaatit

Innuttaasut Kalaallit Nunaanni najugaqartut, danskisut innuttaassuseqartut:

Akuersissut uunga qinnuteqaatigineqassaaq: 
Kalaallit Nunaanni Rigsombudsmandi
Indaleeqqap Aqq. 3
3900 Nuuk
Telefon +299 32 10 01 
imaluunniit http://www.rigsombudsmanden.gl/ aqqutigalugu.

Innuttaasut Danmarkimi imaluunniit nunami allami najugaqartut:

Akuersissut uunga qinnuteqaatigineqassaaq: 
Udenrigsministeriet
Asiatisk Plads 2
København
Telefon + 45 33 92 01 70 
imaluunniit http://www.um.dk/ aqqutigalugu.

Maleruagassat ilaatigut atuutinngiffeqarfeqartarput

Inuit uku akunninnissamut akuersissummik peqaratik piffissami sivikinnerusumi sivisunerusumiluunniit Thule Air Base-miissinnaapput:

  • Innuttaasut Qaanaap Kommunerisimasaani najugaqartutut inuit allattorsimaffianni nalunaarsorsimasut
  • NATO-mi sakkutuunut ilaasut taakkulu ilaqutaat
  • Inuinnaat, sakkutooqarfimmi sulinermut atatillugu USA-mit aallartitat – taakkulu ilaqutaat
  • Danskit kalaallillu oqartussaasuinit aallartitat
  • Inuit Danmarkip Amerikallu naalagaaffiinit immikkut ittumik piginnaatinneqartut