Bilitsit qinigassat

Bilitsinik assigiinngitsunik neqerooruteqarpugut, qularingilarpullu illit pisariaqartitarpiannik aamma peqarluta.

Siornatigut økonomi- aamma businessbilitsit aapaluttunik taaneqartarnikut pigisimagukkit maleruagassat bilitsinut taakkununnga atuuttut uani atuakkit.

Virusi Covid-19 eqqarsaatigalugu Air Greenland assigiinngitsunik iliuuseqarpoq – sukkulluunniit ineriartortoqarneranut Kalaallit Nunaanni Peqqissutsimut Naalakkersuisoqarfik peqatigalugu malinnaalluarpugut. Uani paasisaqarnerugit.

Air Greenlandip timmisartuutaani inissat toqqagassat marluupput, tassa Standard (nalinginnaasoq) aamma Premium (akisuneq), aammalu bilitsit assigiinngitsut tallimat, tassaasut Takuss, Standard (nalinginnaasoq) Standard Flex (nalinginnaasoq allanngortissinnaasoq) Premium (akisuneq) aamma Premium Flex (akisuneq allanngortissinnaasoq). Bilitsimik sorlermik toqqaanissannut illit pisariaqartitatit qanorlu angalariaaseqarnerit apeqqutaapput.  Bilitsinut assigiinngitsunut paasissutissat ataani takukkit.

Takuss

Takuss bilitsi aallarfissani aalajangersimasuni pisiassaavoq periarfissanilu akikinnerpaalluni. Takuss bilitsi pilersaarusioreerluni, soorlu sulinngiffeqarluni, angalasussamut, siusissukkullu bilitsimik pisinissamut periarfissalimmut tulluartuuvoq. Takuss bilitsi aamma ilaquttanut tikeraarniaruit, nalliuttorsioqataajartorniaruit imaluunniit nunatsinni takornariarusukkuit atussallugu tulluartuuvoq. Bilitsimik taamaatitsissaguit mittarfeqarfinnut akiliutit atorneqanngitsut utertinneqassapput. Takuss bilitsi allanngortinneqarsinnaananilu akisunermut nuunneqarsinnaanngilaq.

Periarfissanit akikinnerpaaq
Nerisassat imeruersaatillu akeqanngitsut
Nassatat tunniussat 20 kg
Nassataq tigummiagaq ataaseq
Aallarfissaq nal.ak. ataatsimik sioqqullugu tunniussereerneq, nunatsinni mittarfinni tamani atuuppoq
Meeqqat marlunniit aqqanilinnut ukiullit inersimasumut bilitsip akiata 50 %-anik akikillisaaffigineqarput, meeraaqqallu marluk inorlugit ukiullit (immikkut issiaveqanngitsut) 90 %-mik akikillisaavigineqarput
Club Timmisamut ilaasortat: Aviisit atuagassiallu Club Timmisap App’-ianiittut

Danmarkimut angalanermi uternissaq aatsaat ullut arfineq marluk qaangiutereernerini pisinnaavoq

Standard

Standard bilitsi aallarfissani tamani pisiassaavoq, angalanissamillu pilersaarusioreersumut tulluartuulluni. Angalanissavit ullua allanngortittariaqalissagukku, aallarfissaq kingusinnerpaamik nal.ak. marlunnik sioqqullugu allanngortissinnaavoq, aalajangersimasumik akiliuteqarluni*. Bilitsi taamaatissagukku mittarfeqarfinnut akiliutit atorneqanngitsut utertinneqassapput. Standard bilitsi immikkut akiliuteqarluni ** bilitsimut Premium-imut allanngortinneqarsinnaavoq.

Aallarfissap ullua aallarfissaq kingusinnerpaamik nal.ak. marluk sioqqullugit allanngortissinnaavoq, immikkut akiliuteqarluni, bilitsillu akiisa nikingassutaat akilerneqassaaq
Nerisassat imeruersaatillu akeqanngitsut
Nassatat tunniussat 20 kg
Nassataq tigummiagaq ataaseq
Aallarfissaq nal.ak. ataatsimik sioqqullugu tunniussereerneq, nunatsinni mittarfinni tamani atuuppoq
Bilitsimut Premiuminut allanngortinneqarsinnaavoq, akiliuteqarluni bilitsillu akiisa nikingassutaat akilerlugu
Meeqqat marlunniit aqqanilinnut ukiullit inersimasumut bilitsip akiata 50 %anik akikillisaaffigineqarput, meeraaqqallu marluk inorlugit ukiullit (immikkut issiaveqanngitsut) 90 %-mik akikillisaavigineqarput
33% tungaanut pensionistinut akikilliliineq
Club Timmisamut ilaasortat: Aviisit atuagassiallu Club Timmisap App’-ianiittut

* Nunatta iluani angalanerni 500 DKK nunanullu allanut angalanerni 750 DKK, bilitsillu akia, ullormut allamut nuussiffiusumut akiusumit allaassappat, nikingassutaasoq akilerneqassaaq.

** Bilitsi Nalinginnaasoq akisunermut Premium bilitsimut nuukkaanni, taakku akiisa nikingassutaat akilerneqassaaq, qaavatigullu allanngortitsinermut akiliut 750 DKK akilerneqassalluni.

Standard Flex

Standard Flex bilitsi allanngortissinnaasoq aallarfissani tamani pisiassaavoq, angalasussamullu allanngortitsinissamut periarfissaqarusuttumut tulluartuulluni. Assersuutigalugu pisussamut aalajangersimasumut ornigutissaguit, ulluali erseqqissimik ilisimanagu, imaluunniit pituttorsimavallaarnak angalarusukkuit, Standard Flex bilitsi ilinnut tulluartuuvoq. Angalanissavit ullua imaluunniit aallarfissatut piffissaq, kingusinnerpaamik aallarfissaq nal.ak. marlunnik sioqqullugu allanngortissinnaavat, imaluunniit Premium-imut aamma Premium Flex-imut allanngortillugu *.

Aallarfissaq kingusinnerpaamik nal.ak. marlunnik sioqqullugu ullua allanngortinneqarsinnaavoq, akit nikingassuteqarpata aamma taanna akilerlugu.
Nerisassat imeruersaatillu akeqanngitsut
Nassatat tunniussat 20 kg
Nassataq tigummiagaq ataaseq
Aallarfissaq kingusinnerpaamik nal.ak. marlunnik sioqqullugu bilitsip akianik utertitsineq
Aallarfissaq minutsinik 30-nik sioqqullugu tunniussereerneq, Nunatsinni mittarfinni tamani atuuppoq
Bilitsimut Premium-imut aamma Premium Flex-imut allanngortissinnaavoq, bilitsit akiisa nikingassutaat akilerlugu
Meeqqat marlunniit aqqanilinnut ukiullit inersimasumut bilitsip akiata 50 %-anik akikillisaaffigineqarput, meeraaqqallu marluk inorlugit ukiullit (immikkut issiaveqanngitsut) 90 %-mik akikillisaavigineqarput
Club Timmisamut ilaasortat: Aviisit atuagassiallu Club Timmisap App’-ianiittut

Premium (Akisuneq)

Premium bilitsit Atlantikoq qulaallugu timmisartuussivinni tamani pisiassaapput, angalasumullu ilorrisimaarusuttumut kiffartuunneqarluarusuttumullu tulluartuupput. Premium-imik bilitseqaruit aallarfissaq kingusinnerpaamik nal.ak. marlunnik sioqqullugu ulloq aallarfissat allanngortissinnaavat, aalajangersimasumik akiliuteqarlutit*. Bilitsit taamaatikkukku, mittarfinnut akiliutit atorneqanngitsut utertinneqassapput.

Aallarfissaq kingusinnerpaamik nal.ak. marluk sioqqullugu, ulloq aallarfissaq allanngortinneqarsinnaavoq, immikkut akiliuteqarluni, akillu nikingassutaannik akiliilluni
Timmisartuussineq tamaat immikkut kiffartuulluarneqarneq
Nerisassat imeruersaatillu pitsaanerumaat akeqanngitsut
Nassatat tunniussat 30 kg
Aallarfissaq minutsinik 30-nik sioqqullugu tunniussereerneq, Nunatsinni mittarfinni tamani atuuppoq
Nassatat tigummiakkat marluk
Københavnip Mittarfissuani Lounge-mut isersinnaaneq
Københavnip Mittarfissuani utaqqeqqaarani ingerlavissaq
Københavnip Mittarfissuani Premium-inik bilitsilinnut nassatanut immikkut tunniussisarfik
Timmisartup siuatungaani issiaviit silittut ilorrisimaarnartut, akorninilu nissunut inissaqarluartut
Club Timmisamut ilaasortat: Aviisit atuagassiallu Club Timmisap App’-ianiittut

* 750 DKK aammalu, ullormut angalanissamut nuussivimmi, bilitsip akia anneruppat, nikingassut akilerneqassaaq. Timmisartukkut angalanissap assinganik ullormik allanngortitsisoqarsinnaavoq, ilaasullu aqqa allanngortissinnaanngilaq.

* Bilisinut Premium aamma Premium Flex pillugit inatsisit maleruagassallu meeraaqqanut meeqqanullu uani paasisaqarnerugit

Premium Flex (Akisuneq allanngortissinnaasoq)

Bilitsit Premium Flex-it Atlantikoq qulaallugu timmisartuussivinni tamani pisiassaapput. Premium Flex tassaavoq bilitsi immikkut pitsaaqutilik, immikkut kiffartuussinermik, ilorrisimaarnermik, eqaatsumik angalanissamik pilersaarusiorsinnaanermik immikkullu sassaalliisarnermik imalik. Ulloq aallarfissat arlaleriarlutit allanngortissinnaarusukkukku, imaluunniit aallarfissaq kingusinnerpaamik nal.ak. marlunnik sioqqullugu bilitsip akianik utertitsisinnaanissamik kissaateqaruit, Premium bilitsimik pisinissat innersuupparput.

Ulloq allanngortissinnaavoq
Timmisartuussineq tamaat immikkut kiffartuulluarneqarneq
Nerisassat imeruersaatillu pitsaanerumaat akeqanngitsut
Nassatat tunniussat 30 kg
Aallarfissaq minutsinik 30-nik sioqqullugu tunniussereerneq, Nunatsinni mittarfinni tamani atuuppoq
Nassatat tigummiakkat marluk
Københavnip Mittarfissuani Lounge-mut (immikkut isersimaartarfik) isersinnaaneq
Københavnip Mittarfissuani utaqqeqqaarani ingerlavissaq
Københavnip Mittarfissuani Premium-inik bilitsilittut immikkut tunniussineq
Timmisartup siuatungaani issiaviit silittut ilorrisimaarnartut, akorninilu nissunut inissaqarluartut
Club Timmisamut ilaasortat: Aviisit atuagassiallu Club Timmisap App’-ianiittut

* Bilitsinut Premium aamma Premium Flex pillugit inatsisit maleruagassallu meeraaqqanut meeqqanullu uani paasisaqarnerugit