Angalanissamut uppernarsaaserneq

Kalaallit Nunaanni nassatanik tunniussineq aallarfissaq nal. ak. ataatsimik sioqqullugu naammassereersimassaaq. Danmarkimilu aallarfissaq nal.ak. marlunnik sioqqullugu tunniussinissamut piareersimanissaq innersuutigaarput, tunniussineq timmisartup aallarfissaa nal.ak ataatsimik sioqqullugu matusarmat.

MALUGIUK! Nuummi aallarfissat aqaguppat nassatatit tunniussinnaavatit. Aqaguanilu aallarfissat kingusinnerpaamik nal.ak. affaanik sioqqullugu mittarfimmeeriissallutit. 

 

Internetsikkut aamma mobilikkut nassatanik tunniussineq/ilaanissamut nalunaarneq

(Web Check-In aamma Mobil Check-In)

Kalaallit Nunaata iluani tassanngaanniillu aammalu Danmarkimiit angalassaguit, angerlarsimaffinniit Web-ikkut Mobil-ikkulluunniit ilaanissat nalunaareerukku piffissamik atorluaassaatit. Web Check-in atorukku ikinissamut allagartat qarasaasiakkut nammineq anillatsissinnaavat, Mobil Check-in-ilu atorukku ikinermut allagartaq toqqaannaq mobilikkut tigussavat, mittarfimmilu scannerlugu ’takussavaat’.

Web Check-in » -imut ingerlaqqigit

Mobile check-in » -imut ingerlaqqigit (Smartphone-ikkut)

Web- aamma Mobil Check-in-iluunniit atorukku naggatit inniminniikkavillu normua imaluunniit e-ticket-ivit (bilitsi elektroniski) normua taassavatit, timmisartumullu ikinnginninni kinaassutsimut uppernarsaat atuuttoq takutissinnaassavat. Timmisartumi issiavissat nammineq toqqarsinnaallugulu allanngortissinnaavat.

  • Web- aamma Mobil Check-in aallarfissaq nal. ak. 22-nik kingusinnerpaamillu aallarfissaq nal. ataaseq sioqqullugu pisinnaavoq.
  • Tigumiaannagassanik nassataqaruit aallarfissaq minutsinik 30-nik sioqqullugu mittarfimmeeriissaatit, kisiannili aallarfissaq kingusinnerpaamik nal.ak. ataatsimik sioqqullugu ilaanissat nalunaarutigeriissavat.
  • Nassatanik tunniussassaqaruit taakku kingusinnerpaamik aallarfissaq nal.ak. ataaseq sioqqullugu tunniutereersimassapput. Københavnimiit aallartussaaguit nassatatit ”bag drop”-imut tunniukkukkit piffissamik atorluaassaatit.

Aamma nassatanut tigumiaannakkanullu maleruagassat takukkit.

Aallalernermi tunniussinermi

Nassatanik tunniussilerninni uku piareersimassavatit: Angalanissamik inniminniikkap normua, GL-normu (timmisartup normua, angalanissamut takussutissami allaqqasoq) aamma kinaassutsimut uppernarsaat.

Kinaassutsimut uppernarsaat akuerisaq - Kalaallit Nunaanni najugalinnut atuuttoq

Kalaallit Nunaanni najugaqartunut kinaassutsimut uppernarsaatit uku arlaat atorneqarsinnaasutut akuerisaapput: Sullisivik

  • Pas-i
  • Biilimik ingerlatsisinnaanermut uppernarsaat
  • CPR-nr. (inuup normua) uppernarsaat
  • Kuisinnermut allagartaq
  • Sumi najugaqarnermut uppernarsaat
  • Umiartortutut allagartaq

Sumi najugaqarnermut uppernarsaatit nammineerlutit innuttaasunut sullissivimmi, sullissivik.gl –mi uunga iserlutit anillatsissinnaavat:

Kinaassutsimut uppernarsaat akuerisaq – Danmarkimi najugalinnut atuuttoq

Danmarkimi najugaqartunut kinaassutsimut uppernarsaatit uku arlaat atorneqarsinnaasutut akuerisaapput:

  • Pas-i
  • Biilimik ingerlatsisinnaanermut uppernarsaat
  • Sygesikringsbevis-i (Napparsimalernissamut sillimmasiissut Danmarkimi najugalinnuinnaq atuuttoq)

 

Kinaassutsimut uppernarsaat akuerisaq – nunani allani najugalinnut atuuttoq

Kinaassutsimut uppernarsaatit akuerisat ukuupput:

  • Pas-i
  • Finland-imi Sverige-milu naalagaaffimmiit kinaassutsimut uppernarsaat
  • Biilimik ingerlatsisinnaanermut uppernarsaat (Innuttaasut Nunat Avannarlerniit)
  • Angalanermut uppernarsaat qimaasut imaluunniit naalagaaffimmik innuttaaffeqanngitsunut allagartaq

Uani takuuk (qallunaatuinnaq allaqqavoq, qulequtaa ”Hvad er betingelserne?”): Visum til Færøerne og Grønland.

Meeqqanut kinaassutsimut upernarsaatit uku akuerisaapput:

  • Pas-i
  • Kuisinnermut allagartaq
  • Sumi najugaqarnermut uppernarsaat
  • Sygesikringsbevis-i (Napparsimalernissamut sillimmasiissut Danmarkimi najugalinnuinnaq atuuttoq)

EQQAAMAJUK: Meeqqat inunngornerminniit namminneq kinaassutsimut uppernarsaammik peqassapput

Nuummi aallarfissaq ullormik ataatsimik sioqqullugu nassatatit tunniutikkit

Aallarfissaq ullormik ataatsimik sioqqullugu nassatanik tunniussinissaq Nuummi neqeroorutaavoq, tassa ataasinngornermiit tallimanngorneq ilanngullugu piffissami nal. 16-miit 18-mut. Periarfissaq taanna atorukku aqaguani aallarfissaq nal.ak. affaanik sioqqullugu mittarfimmeeriissaatit.

Una aamma takujuk: nassatanut tigumiaannakkanullu maleruagassat takukkit.

Københavnimiit ingerlaqqissavit?

Københavnimiit nunanut avannarlernut ingerlaqqissaguit pas-imik nassarnissaq pisariaqanngilaq.

Nassatanik tunniussinissamut takkutiaarnissaq pingaartuuvoq

Takkutiaartarit, minnerunngitsumik piffissami sulinngiffeqarfiup angallannerup nalaani! Timmisartup aallarfissaa nal.ak. ataatsimik sioqqullugu nassatanik tunniussineq pisimanngippat, ilaanissamut itigartinneqarsinnaavutit. Tamatumalu nassataanik bilitsit atorunnaarsinnaavoq, aallarfissamullu allamut nuunneqarsinnaanani. Bilitsi utertinneqarsinnaanngilaq, taamaallat akileraarutit akitsuutillu utertinneqarsinnaapput.

Ilinnut qulakkeerinnissutaavoq

Timmisartup aallarfissaa nal.ak. ataaseq sioqqullugu tunniussereersimanissamut uku peqqutaapput: Air Greenlandip sulisuisa sillimmaniarneq tunngavigalugu nassatat tamaasa qinngortarlugit misissugassaraat, ornitat najoqqutaralugit immikkoortiterlugit kiisalu nassatat timmisartumut assartorlugit. Timmisartullu orsersornissaanut nassatat aamma apeqqutaasarput.

Illit nassatavillu ornitannut aqqutaa tamaat ingerlanissarsi isumagissavarput

Angalanissat tamaat Air Greenland-imiit bilitsimik inniminniisimaguit, Københavnimiillu mittarfimmut allamut SAS, DAT imaluunniit Icelandair atorlugu ingerlaqqissaguit, nassatavit apuuffissannut aqqutaa tamaat ingerlannissaat isumagissavarput.  

Bilitsissannik angallassisut assigiinngitsut atorlugit inniminniisimaguit, nassatavit mittarfimmut apuuffissannut ingerlannissaat isumagisinnaavarput. Tamanna kissaatigigukku, nassatanik tunniussininni angalanissannut uppernarsaatit tamaasa piareeqqassavatit. Malugeqquarput nassatat kisimik, timmisartuutileqatigiillu atorneqartussat ajornartinngippassuk, aqqutaa tamaat nalunaaqutserneqassammata. Taamaattumik mittarfimmi ingerlaqqileruit timmisartuutileqatigiit atugassatit saaffigalugit ingerlaqqinnissat nalunaarutigissavat.

Nassatat mittarfimmut tikiffissamut pilersaarutit malillugit apuutinngippata, Air Greenlandip nassatat apuunneqarnissaat isumagissavaa. Nassatat kinguaattoorlutik tikippata attavigineqassaatit, illilli nammineq aaneqarnissaat imaluunniit apuunngeqarnissaat isumagissavat.

Nassatanik immikkut ittunik nassataqaruit, soorlu sakkut imaluunnit nassatat angisuut, Air Greenland imaluunniit Angalatitsiviit aammalu timmisartuutileqatigiit atukkatit allat nassatat pineqartut ilaaneri uppernarsiniarlugit attavigissavatit.

Malugiuk timmisartuutileqatigiit allat nassatat tigumiaannakkat oqimaassusaannut angissusaannullu allaanerusunik maleruagassaqarsinnaammata.

Valizo: Utaqqinak nassatatit artorsaatiginagit tunniuteriikkit

Nassatassatit angerlarsimaffinnut aatillugit mittarfimmi timmisartumut toqqaannartumik ikiartorit
Valizo-llu suleqatigiinerput pillugu annertunerusumik paasisaqarit maani.