Isumannaallisaanermi misissuinerit

Mittarfimmi isumannaallisaavik sukkasuumik aqqusaarusukkukku siunnersuutitsialaat

Mittarfimmi isumannaallisaavik sukkasuumik aqqusaarusukkukku siunnersuutitsialaat aajuku:

Puiaasat imerpalasumik imallit igikkit, allallu imerpalasunik tarnutinilluunniit 100 ml-ataallugu annertussusillit puussiaaqqamut plastikkimut akimut ersittumut ikillugit. Timmisartumut ikinissamut allagartaq kinaassutsimullu uppernarsaat piareeqatikkit. Pigisat saviminertalimmik sanaat taskimut kavaajamulluunniit ikeqqaarlugit ilitsivimmut isumannaallisaasut seqersitsiviatigoortitsinermut atorneqartartumut ilikkit.

 

Eqqaamajuk aamma uku tassani pineqarmata: aningaasivik, ikittaat, cigarittiisivik, qitequt, nujarmiut, pinnersaatit angisuut aammalu mobiltelefoni.

Qarasaasiamik angallattakkamik nassataqaruit misissuisunut ersittumik inississavat. Ikinneqaqqusinnaanera sillimaffigissavat.

Uani annertunermik paasisaqarit.

Meeqqat marluk inorlugit ukiullit immikkut issiaveqarneq ajorput, kisiannili isumannaallisaatitut qitequtaasamik annanniummillu tunineqartarput. Airbus-imut København-imiit Kangerlussualiartartumut akikinnermi ilaagussi, meeraaqqanut qaammatit qulingiluat ataallugit angissusilinnut innanngavissiaqarpoq (babylift), taannalu aallarfissaq minnerpaamik nal.ak. 24-it sioqqullugu inniminneerneqasaaq, tamannali puiorsimassagussiuk tunniussinissinni sulisunut apeqqutigisinnaavarsi.