Premium klasse

Air Greenlandip aamma Danmarkip Kalaallit Nunaatalu akornanni Premiumimiinnissaq neqeroorutigaa.



Premium klasse

Isersimaartarfik

Københavnip mittarfeqarfiani Aviator Business Class Lounge aamma Aspire Lounge atorneqarsinnaapput.

Tassani qasuersaarsinnaavutit, sulillutit imaluunniit aviisinik atuagassianilluunniit atuarujoorlutit. Akeqanngitsunik najooqqagassaqarlunilu tamussiussassaqarpoq.

Timmisartumi

Imeruersaammik, qungujummik ullorlu taanna aviisinik timmisartumut tikilluaqqussavatsigit. Issiavissannullu inissilluareeruit taskeeqqamik angalanermi atugassanik imalimmik tunissavatsigit. Issiavik inissaqarluartoq silillunilu ilorrisimaarnarlunilu. Airbus 330-mi issiaviit immikkut isiginnaaruteqarlutillu tusarnaaruteqarput, taakkulu siutequtitai nipiliornermik sakkukillisitsisartut. Issiaviup ikusimmiffianiippoq nerriveeraq marloqiusaq nikisinneqarsinnaasorlu, soorlu nikuilernermi, soorunalumi aamma ilinnut naleqqussarlugu inissinneqarsinnaasoq.

Sullissineq sassaalliinerlu

Soorunami sukkasuumik inussiarnerlutalu sullissisarpugut. Ingerlaarnermi imeruersaatinik allanillu assigisaanik neqerooruteqartarpugut, pisariaqartitsileruit saaffigiinnassavatsigut.

Nerisassat mamarunarlutillu nerisassiassanit pitsaanerpaanit sanaajupput nerisanullu naleqquttumik viinnilerlugit sassaalliutigineqartarput.*

*Covid-19 peqqutigalugu November 2020 tungaanut timmisartuusinitsinni sandwichinik sassaalliuteqassaagut.

Nassarsinnaasat annertunerit

30 kg-t angullugit nassarsinnaavutit, taakku ’prioritet’-mik nalunaaqutserneqassapput, tikinnermilu nassatanut kaaviiaarfimmut siulliullutik ilineqassapput. Taakku saniatigut tigumiaannakkat marluk immikkut 55 x 40 x 23 cm-nik angissusillit katillugit 8 kg-nik oqimaassusillit nassarsinnaavatit. Tamanna Kalaallit Nunaata Danmarkillu akornanni, paarlattuanillu, timmisartuussinerni aammalu nunat taakku iluini timmisartuussinerni aamma atuuppoq. Tigummiaannagassatut nassatat aallalerluni tunniussinermi takutinneqarlutillu uuttorlugit oqimaassusaat qulakkeerneqassaaq. 

Akisunermut nuunneq

Bilitsit allanngortinneqarsinnaasut akisunermi inissaqarpat tassunga, bilitsit akiata nikingassutaanik akiliinikkut, allangortinneqarsinnaapput. Bilitsit nalinginnaasut allanngortinneqarsinnaanngitsut bilitsimut akisunermut allanngortinneqarsinnaanngitsumut nuunneqarsinnaapput.

Allanngortitsinermi bilitsip nalinginnaasup allanngortissinnaanngitsup aammalu bilitsip akisunerup allanngortissinnaanngitsup akiisa nikingassutaat akilerneqassaaq. Illit nammineq qarasaasiakkut toqqaannartumik bilitsit allanngortissinnaavat, tassa ’uanga bilitsera’ (min flybillet) iserfigalugu, akiliutissarlu aamma tassani ersissaaq. Timmisartup aallarfissaa kingusinnerpaamik nal.ak. marluk sioqqullugu bilitsit toqqaannaq qarasaasiakkut akisunermut allanngortissinnaavat immikkut akiliuteqarnak.

Inissaqarpat nerisassallu naammattut pigineqarpata, mittarfimmi nassatanik tunniussinermi Akisunermut allanngortissinnaanngitsumut nuuttoqarsinnaavoq, ataasiartamik 3.500 DKK.-nik akiliilluni, imaluunniit ilaasunut sullissivimmut saffiginninikkut, sullinneqarnermi 300 DKK-nik akiliilluni. Malugeqquarput bilitsit allangortinneqarsinnaanngitsut akisunermut allanngortinnerini Takuss’ bilitsit pineqanngimmata.  tamannali Takuss-bilitsinut atuutinngilaq.

Allanngortinneqarsinnaanngitsumik akisunermiikkaanni, akikinnermut nuutinneqarsinnaanngilaq.