Atimik tulluartumik ujaasinitsinni ikiortigut!

Atsiiniarnermi unammisitsineq 30. novembari 2025 tikillugu ingerlassaaq.

Qupperneq manna aqqutigalugu timmisartussatta Airbus 320neo-p atissaanut siunnersuutinnik nassiussisinnaavutit. 


Ajugaasoq Air Greenlandimut ilaalluni angalanissamut uppernarsaammik 10.000 koruuninik nalilimmik, kiisalu atsiinermut uppernarsaammik nassinneqassaaq. 


Atissaanut siunnersuutinik nassiunneqartunik katersuineq naammassippat, naliliisussat nunatsinneersut 15. decembarimi atissaa inaarutaasoq toqqassavaat. 

Unammisitsinermut piumasaqaatit:
  1. Eqqugassaq 10.000 koruunit tunissutigineqarnerinut uppernarsaataavoq, Air Greenlandip tunisassiaanut atugassaq. Tunissutinut uppernarsaat aningaasanngortinneqarsinnaanngilaq, tamakkiisumik ilaannaasumilluunniit. 
  2. Peqataaniartup quppernermi matumani immersugassaq immersussavaa nassiullugulu. Siunnersuut tiguneqarpat, qupperneq uppernarsaat, “Siunnersuuteqarninnut qujanaq!”-mik allassimasoq takutinneqassaaq”. 
  3. Atsiinissamut naliliisussat atermik ajugaasussamik toqqaareerpata, siunnersuummik nassiussisoq siulleq ajugaassaaq. Ateq ataaseq arlalinniik  siunnersuutigineqarsimappat, siulliulluni siunnersuuteqartoq toqqagaassaaq.
  4. Atermut siunnersuutip nassiunneqarnissaanut 30. novembari 2025 killigitinneqarpoq. 
  5. Naliliisussat ateq aalajangiunneqartussaq 2025-mi decembarimi toqqassavaat.
  6. Ateq toqqarneqartoq 15. Decembari 2025-mi nal. 12.00 tamanut ammasumik saqqummiunneqassaaq. Ajugaasoq Air Greenlandip qullersaqarfianit toqqaannartumik attaveqarfigineqassaaq, aammalu airgreenland.gl kiisalu Air Greenlandip Facebook-ikkut quppernera aqqutigalugit saqqummiunneqassalluni. 
  7. Air Greenlandip taassumaluunniit sinniisuisa inuk alla imaluunniit suliffeqarfiit allat aqqutigalugit ajugaasoq attaveqarfigisussaanngilaat. 
  8. Peqataaniartup atini, oqarasuaatimi normua, najukkani aammalu email-adresseni ilisimatitsissutigissavai. 
  9. Peqataaniartoq 18-inik ukioqalereersimassaaq. 
  10. Peqataasup ataatsip siunnersuutaa ataasiinnaq akuerisaavoq. 
  11. Air Greenland atermik toqqarneqartumik aternillu siunnersuutigineqarsimasinnaasunut allanut taarsiissutitaqanngitsumik tamakkiisumik atuisinnaatitaassaaq. 
  12. Inuit pillugit paasissutissat isertuunneqarlutik atorneqassapput, aammalu taamaallaat unammisitsinermut atatillugu atorneqassallutik, takuuk Air Greenlandip inunnut namminernut politikkia. 
  13. Pissutsinik immikkut ittunik pisoqartillugu Air Greenland unammisitsinermik allannguinissamut, kinguartitsinissamut taamaatitsinissamulluunniit imminut pisinnaatippoq. 
  14. Naliliisussat aalajangiinerat inaarutaavoq maalaarutigineqarsinnaananilu. 
  15. Peqataanermi unammisitsinermut piumasaqaatit tamakkiisumik akuerineqarput.