Angalatitsinerit tikitassani pisussanik immersoriikkat atorlugit nunatsinni nuannersumik aasarsiorit
Inuuninni eqqaamajuagassannik, nunanni Greenland Travel – p angalanissamut siumut aaqqissoriigaanik, misigisassarsiorit – Coronap nalaani akikilliissusikkamik!
Ilulissat Kangianni iluliarsuit tupinnaannartut, Kangerlussuarmi sermersuarmi unnuineq imaluunniit Sisimiut timaanni pisummik angalaarneq misigerusuppigit? Nunatsinni puigunaatsumik angalanissanut periarfissat amerlaqaat – aamma nunatsinneersuulluni. Sulinngiffeqarlutit angalanerit iluatsillugu soorlu ilaquttanut tikeraalaarsinnaavutit, nunatsinniluunniit meeraaffiit meeqqanut takusissinnavat.
Nunatsinni sumiiffiit allat misigisassarsiorfigikkit imaluunniit qanigisatit tikeraakkit angalanerit aaqqissuuteriikkat atorlugit Nunatta Angalatitsivia aqqutigalugu imaluunniit Takuss-imiit akigititat atorlugit!
Killilerneqarnak qanorsuaq pisinnaavutit – Kalaallit Nunaanni misigisassarsiornissaq utaqqiinnarpoq!
Coronap nalaani akikilliissusikkamik angalagit
Sulinngiffeqarninni nunatsinni angalassaguit, coronap nalaani akikilliissusikkamik angalasinnaalerputit. Akikilliissut akinut ataani angalanissanut siumut aaqqissoriikkanut (Ilulissanut sap.ak. naanerani angalaneq minillugu) atuuppoq. Angalanissat Greenland Travel –ip aaqqissugai ataasiakkaat iserfigalugit akikilliissutit annertussusaat takusinnaavatit.
Nunatsinni angalatitsinerit tikitassani pisussanik immersoriikkat ilaat
Aasaanerani Ilulissani Staycation!
Imminut nuannerluinnartunik misigisaqartikkusullutillu iluarusutsikkusuppit? Sap.ak. naanera sivitsulaarlugu Hotel Arcticimi kiffaanngissuseqarlutit piumasannik nuannisarit.
Qilanaartutissat ilagaat:
- Hotel Arcticimi unnuinerit 4-5 ullaakkorsiornerit ilanngullugit
- Sermermiuni pisuttuarneq misigisassarsiornerlu
- Qasuersaarujoorneq
Akia timmisartorneq ilanngullugu: 5.445 DKK-miit
Una toorlugu Nunatta angalatitsivia nittartagaani angalaneq pillugu paasisaqarnerugit »
Kangerlussuarmi Camp Ice Cap-imi misigisassarsiornertalik
Ulluni sisamani angalanermi uani inuit ikittuinnaat misigisinnaasaat misigissavat: tassa sermersuarmi unnuineq!
Qilanaartutissat ilagaat:
- Sermersuup tikillugu misiginera
- Ulluni marlunni tupermi unnuinertalimmik Camp Ice Cap-iliarneq
- Neriniartarfimmi Roklubbimi tikilluaqqussutitut unnukkorsiorluni nerineq
Akia timmisartorneq ilanngullugu: 7.025 DKK-miit - coronamut akikilliliivigitinneq ilaanngilaq
Una toorlugu Nunatta angalatitsivia nittartagaani angalaneq pillugu paasisaqarnerugit »
Sisimiuni misigisassarsiorneq qasuersaarnerlu
Angallammut ilaaneq misiliuk, nunap timaani pisuttuarit imaluunniit hotellimi kissalaamut kinisimaarit. Sisimut utaqqiinnarput!
Qilanaartutissat ilagaat:
- Hotel Sisimiuni unnuinerit pingasut
- Sisimiut timaanni qaqqani angalaarneq
- Arktisk spa, silami imermi kissalaartumi kinisimaarneq
Akia timmisartorneq ilanngullugu: 4.875 DKK-miit - coronamut akikilliliivigitinneq ilaanngilaq
Una toorlugu Nunatta angalatitsivia nittartagaani angalaneq pillugu paasisaqarnerugit »
Nunatta kujataani aasami kialaaq
Narsaamanerit qorsooqqissut, ilulissat tungujuaartut, qaarsortat qutaarluusut, puilasut uunartut. Nunatta kujataa misigisassanik ulikkaartoq immikkuullarissumik puigunaatsumillu aasarsiorfigiuk!
Qilanaartutissat ilagaat:
- Hotel Qaqortumi unnuinerit sisamat
- Tissaluttuliaq aamma puilasut kissartut
- Nuna avatangiisillu asseqanngitsut qaqqallu qorsooqqiit
Akia timmisartorneq ilanngullugu: 9.995 DKK-miit - coronamut akikilliliivigitinneq ilaanngilaq
Una toorlugu Nunatta angalatitsivia nittartagaani angalaneq pillugu paasisaqarnerugit »
Tamakkuupput Nunatta Angalatitsiviata angalaarnissanut neqeoorutaasa ilaat, uani paasisaqarnerugit www.greenland-travel.gl!