Kalaallit Nunaat misigiuk

Misigisat imaannaanngitsut. Akikitsut.

 

 

 

Fly ’n sleep – akunnigit akikinnermillu angalallutit

 

 

Fly 'n sleep

Fly ’n sleep-ip Kalaallit Nunaanut tupinnaannartumut ingerlatissavaatit, Kangerlussuarmi unnuinertaqarpoq siumiunnarlu taamaallaat DKK 1.995,-niit akeqarluni. Akimut ilaapput nassatat 20 kg, timmisartumilu nerisassat imeruersaatillu. Kangerlussuarmili unnuineq illit nammineq saniatigut pisiarissavat.

Eqqaamajuk Kangerlussuarmiinnermi sermersuup sinaani Russel Gletsjerimut takornariarnissamut, imaluunniit pinngortitarsuarmi asseqanngitsumi pisuttuarnissamut, periarfississaqassagavit.

Ornitassatut qinigassat pissanganartut pingasuupput: Nuuk, Sisimiut imaluunniit Ilulissat.

Inniminniiaarit, taava inissaqarnissat qulakkiissavat.

Nuummut takornariarit

Kalaallit Nunaanni illoqarfiit pingaarnersaat aammalu nunarsuarmi kangerloqarfiit annersaasa kusanarnersaasalu ilaat misigikkit.

Tassanilu ilulissat, arferit, pinngortitaq kusanangaartoq, ileqqutoqqat aammalu oqaluttuarsiassat siumugassaapput. Nutarsaanissamut nutaamillu eqqarsarnissamut inissaqarpoq, neriniartarfiillu pitsaanerpaat kiisalu niuertarfiit mutinik nioqqutillit siumuguassat saniatigut illoqarfiup nutaannginnertaa aamma takornariagassaavoq.

Nuummut tunngasut uani atuakkit >>    

Ilulissanut takornariarit

Ilulissat Kangia tusaamasaasoq, Qeqertarsuullu tunua allarpassuillu misigikkit.

Kangiata kangerluata sinaani iluliarsuit ataqqinassusilittullusooq saneqquasut isiginnaarnerat misigisaavoq qaqugumut puigugassaanngitsoq. Ilulissat Kangia UNESCO-p nunarsuarmi kingornussassatut eriagisassanut ilanngunnikuuaa. Angallammut ilaallutit Kangiata paava tikillugu iluliarsuit akornanniinneq misiliguk.


Ilulissanut tunngasut uani atuakkit >>   

Sisimiunut takornariarit

Kalaallit Nunaanni illoqarfiit annersaata tullia. Kulturi misigiuk nunataanilu kusanaqisumi qimussimik angalaarit.

Illoqarfiit annersaata tullianni Kalaallit Nunaata tarninga misinnartaqaaq, Sisimiullu illoqarfiuvoq ukioq kaajallallugu takornariaruminartoq. Illoqarfiuvoq muteerniusoq, inunnillu silamiinnermik nuannarisalinnit imminullu unammillerumatuunit ornigarneqarluartarpoq.


Sisimiunut tunngasut uani atuakkit >>  

Bilitsimik inniminniiaarit

Angalanissat pilersaarusiujaarukku, ulluni angalaffigerusutanni Fly ’n sleep bilitsimik pissarsinissat periarfissaqarnerussaaq.

Fly ’n sleep bilitsinik ujaasineq ajornannginnerussammat qarasaasiakkut toqqaannaq inniminniisarfinni taakku immikut nalunaaqutsigaapput.

Ullaakkorsiorneq ilanngullugu inummut ataatsimut 395,- -iinnalerlugu unnuigit.

Albatros Arctic Circle suleqatigalugu Kangerlussuarmi Old Camp-imi unnuinissamut, inimi marluuttarissami, inummut ataatsimut 395 kr.-iinnarnik akilimmik neqeroorsinnaalerpugut, akimut ilaapput ullaakkorsiorneq aamma Old Campimut/-mit ingerlanneqarneq aamma Wi-Fi.

Ima inniminniissaatit:

Unnuinissat nammineq Albatros Arctic Circle-mut toqqaannaq info@aac.gl-mut mailerlutit imaluunniit oqar. +299 84 10 16-mut sianerlutit inniminniissavat. Inniminniininni Fly’n Sleep taassavat, inuillu qassiunersi, ulloq unnuiffissaq, timmisartup normua qassinullu tikinnissaq aamma taassavatit.

 

Timmisartumut bilitsi akunnittarfimmiinnissarlu ataatsikkut inniminniineerusunneruigit?

Nunatta Angalatitsiviata aamma Kangerlussuarmi Old Campip suleqatiginerisigut timmisartumut bilitsimik hotelimilu unnuiffissamik ataatsikkut inniminniinissaq maanna periarfissaalerpoq, tassa unnuinissamik illit nammineq inniminniinissat pisariaarulluni.Ullaakkorsiorneq ilaareerpoq inummullu ataatsimut inimi marluuttarissamiilluni taamaallaat 2.495 kr.-niit akeqarpoq. Hotelimi ineqarnissaq timmisartumullu bilitsi ataatsikkut inniminneerukkit angalanermi ataatsimoortumik inniminniinermut inatsit tassani atuutissaaq. 

Nunatta Angalatitsiviani ataatsimut bilitsi unnuinissarlu inniminniikkit >>

Kangerlussuarmi misigisassat

Fly ’n sleep Kalaallit Nunaanni misigisassat ilaqqinnissaannut periarfissiivoq – asulumi timmisartumik angalaninnut ilanngullugu.

Kangerlussuarmi akunninnerit iluatsillugu sermeq qeriuaannartoq Russel Gletsjer immikkut ataqqinassusilittut ittoq takornariarsinnaavat, aamma Kangerlussuup timaanut, mittarfimmut ungasinngitsumut, issittumilu pinngortitarsuarmut alutornartumut angalaarnissamut periarfissaqarpoq.

Kangerlussuarmut tunngasut uani atuakkit >>

Toqqissisimallutit Atlantikoq qulaallugu angalagit

Virusi Covid-19 eqqarsaatigalugu Air Greenland Oqartussat qanimut suleqatigalugit assigiinngitsunik iliuuseqarpoq.

Ilaasutta isumannaatsumik angalanissaat ilorrisimaarnissaallu uagutsinnut annertuumik isumaqarpoq, taamaattumik qanoq pisoqarnera qanimut malinnaavigiuarparput, aaqqiisariaqalernissaq eqqarsaatigalugu.

Nunatsinnukassaguit uku Københavnip mittarfissuanut nassassavatit:

  • Akiuussusersuinermi naammassinnissimanerit pillugu uppernarsaat
  • Najukkannut uppernarsaat imaluunniit Kalaallit Nunaanni najugaqarninnut uppernarsaat alla (innuttaasunut akiuussuserneqarsimanngitsunut, Kalaallit Nunaanni najugaqartunut atuuppoq)
  • Angalaninni qanermut assiaqut nassaruk, timmisartumi mittarfimmilu atorlugu kiisalu najugaqarfissamut angallanneqartillutit (taxa, bus ass.). Piumasaqaat 12-ileereersimasunut atuuppoq.

Uani annertunerusumik paasisaqarsinnaavutit Covid-19 aamma corona.nun.gl

Fly’n sleep-imik angalaneq app-erput atorlugu ajornannginnerussaaq

Angalaninni app-i atoruk, paasissutissallu angalaninnut tunngasut ingerlaannaq takukkit
Iluaqutissat:

  • App-i atorlugu angalanissat toqqaannaq inniminneeruk
  • Angalanissatit timmisartullu ingerlaarneri tamaasa malinnaavigikkit
  • App-ikkut toqqaannaq nassatannik tunniussineq isumagiuk
  • Ikinissamut allagartagaq toqqaannaq Club Timmisa app-ikkut
  • Angalaninni nutaarsiassat atuagassiallu atuakkit

 Apple-mut aaguk Android-mut aaguk

Piumasaqaatit

  • Nassatat 20 kg-t aammalu tigummiagaq ataaseq akimut ilaareerput.
  • Kangerlussuarmi unnuineq, bilitsip akianut ilaanngilaq, immikkullu isumagineqassaaq.
  • Bilitsi pisiarineraniit nal.ak. 24-t qaangiutereerpata allanngortinneqarsinnaananilu akia utertinneqarsinnaanngilaq.
  • Københavnip Kangerlussuullu akornanni timmisartornermi nerisassat taamaallaat bilitsip akianut ilaapput, timmisartuussinerni allani kaffi kaageeqqallu sassaalliutaasarput.
  • Fly ’n sleep bilitsimik 1995 DKK-niit akilimmik siumut utimullu inniminneerusukkaanni, aallarfimmiit siumuinnaq taamaallaat pisisoqarsinnaavoq, siumut utimullu Fly ’n sleep bilitsi atorniaraanni utimut bilitsi immikkut inniminneerneqassaaq, tassa Fly ’n sleep bilitsinik marlunnik siumut utimullu atugassanik pisisoqassaaq.
  • Malugiuk inniminniinerit tamarmik illit aamma Albatros Arctic Circle-p akornassinni toqqaannartumik pissammat. Air Greenland inimik inniminniinermut ikiuussinnaananilu neqerooruteqarsinnaanngilaq. Air Greenlandip aamma ininik inniminniigassaqarnersoq qulakkeersinnaanngilaa.