Utaqqinak nassatatit artorsaatiginagit tunniuteriikkit

Nassatassatit angerlarsimaffinnut aatillugit, Københavnip mittarfiani timmisartumut toqqaannartumik ikiartorit. Mittarfimmut mittarfimmiillu, Københavnimi, nassatatit nassarlugit tunniussiniarlutit siuleriinni utaqqinissat pinngitsoorusuppiuk?
VALiZO Kalaallit Nunaannut angalaniarninni ajornannginnerusumik aallarnissannut neqerooruteqarpoq, tassanilu nassatatit angerlarsimaffinnut aatissinnaavatit, mittarfimmullu apuukkuit isumannaallisaanermi nakkutilliivimmut toqqaannartumik ingerlaannarsinnaavutit.

KØBENHAVNIMI ANGERLARSIMAFFINNIT IMALUUNNIIT AKUNNITTARFIMMIT MITTARFIMMUT ASSARTUUSSINEQ

Nal. 14 sioqqullugu timmisartussaguit, nassatassatit aallarfissannut aqaguppat unnukkut nal. 16 aamma 21 akornanni aatissinnaavatit. Nal. 14 kingorna timmisartussaguit VALiZO-p nassatassatit ullormi aallarfissanni ullaakkut nal 7 aamma 11 akornanni aassavai. Piffissamut immikkut ittumik ataasiakkaanut isumaqatigiissuteqartoqarsinnaavoq.
VALiZO-p nassatassavit angerlarsimaffinnut aanissaat isumagissavaat, tassanilu nassatanut uppernarsaat kortilu ikissutissaq tunniunneqassaaq. Mittarfimmut apuukkuit timmisartumut ikiffissannut toqqaannartumik ingerlasinnaavutit (isumannaallisaanermi nakkutilliivik aqqutigalugu).

MITTARFIMMIIT ANGERLARSIMAFFINNUT IMALUUNNIIT AKUNNITTARFIMMUT ASSARTUUSSINEQ

Københavnimut tikikkuit VALiZO-p nassatatit mittarfimmut aassavai. Illit nammineerlutit nassatit nassatanik tunniussisarfimmi tigussavatit, uagullu Terminal 3-mut ilanngaaserisuniit anisarfimmut naapinniassavatsigit. Nassatatit ullup tulliani nal. 09 aamma 20 akornanni tunniunneqassapput. Nal. 12 sioqqullugu tikikkuit, nassatatit ullormi tikiffinni tunniunneqarsinnaapput.

QANOQ AKEQARPA?

Nassatanik angerlarsimaffimmut akunnittarfimmulluunniit aallerneq ilaqutariinnut tamarmiusunut 395,- koruuniniit*
Nassatanik angerlarsimaffimmut akunnittarfimmulluunniit tunniussineq  ilaqutariinnut tamarmiusunut 395,- koruuniniit*
Akit inoqutigiinnut arfinillit tikillugit inuttaqartunut aammalu tunniussinermi ataatsimi arfinilinnik tunniussisunut atuupput.

*Kiffartuussineq Sjællandip annersaani aallertarnermut neqeroorutaavoq, aammalu akimut postnormu aallerfiusoq apeqqutaavoq.
Najukkanni akit takuniarlugit www.valizo.eu alakkaruk, imaluunniit Sjællandimi sumiiffinnut allanut aallernissamut periarfissat pillugit aammalu ataatsimoorluni angalanermut atatillugu VALiZO paasiniaaffigiuk.
VALiZO-p kiffartuussineranut sakkunik, imassanik uumasunillu assartuussinerit ilaatinneqanngillat.  

QANOQ ILIORLUTIT INNIMINNIISSAVIT?

Linki una atorlugu nassatavit aaneqarnissaannik inniminniisinnaavutit: Du kan bestille bagageopsamling på dettelink:  Uani inniminniigit
Suliap ingerlanera tamakkerlugu piffissanut aallerfissanut, sumiiffinnut aallerfissanut, akiliinissamut il.il. tunngatillugu VALiZO attaveqarfigissavat.
Apeqqutissaqaruit www.valizo.eu alakkarsinnaavat, imaluunniit oqarasuaatikkut +45 53 700 797-imut imaluunniit email-ikkut: kontakt@valizo.eu aqqutigalugu VALiZO-mut attaveqarsinnaavutit.

Una neqeroorut Thule-mukartussanut atorneqarsinnaangilaq.

VALIZO KINAANA?

VALiZO danskit silaannakkut angallassinermut oqartussaasuinit (Angallannermut, Sanaartornermut Ineqarnermullu Aqutsisoqarfimmit) aamma silaannakkut angallasseqatigiiffimmit, VALiZO-mit suleqatigineqartunit isumannaalisaanikkut akuerisaavoq.
VALiZO kiffartuussinernik sullissisuuvoq namminersortoq, Air Greenland sinnerlugit niuernerminik ingerlatsisuunngitsoq.

Taamaattumik Air Greenland nassatat ajoqusernerisa, kinguaattoornerisa tammarnerisaluunniit kingunerisaanik ajoqusikkanut annaasanulluunniit akisussaanngilaq, taamatut ajoqusertoqarnera nassatavit VALiZO-mit isumagineqarnerisa, assartorneqarnerisa uninngatinneqarnerisaluunniit kingunerisaanik imaluunniit tamatumunnga atatillugu pisimappat.

Nutaarsiassaatitsinnik pisartagaqalerit

Air Greenlandimiillu neqeroorutitsialannik aamma paasissutissanik pitsaasunik nassinneqartunut siullernut akuulerlutit.

Ilanngugit