Paasisassarsiorneq

Atuaqatigiiususi, Ilinniartitsisuususi, Angajoqqaajususi 

Atuaqatitit peqatigalugit angalaneq misigisassaavoq inuunerpit sinnerani puigunngisaannagassat. Imaassinnaavoq Nuummukarusuttusi naluttarfiliarlusi, imaluunniit Kujataani savaatilinnut alakkaarusuttusi imaluunniit Ilulissat Kangia alakkarterusukkissi. Kalaallit Nunaanni misigisassarpassuaqarpoq! Imaluunniit nunanut allanut angalarusunneruvisi? Silarsuarmi nunat 196-iupput taamatulli misigisassat amerlasoorpassuit iissinnit misigineqarnissaminnik utaqqiinnarput. 

'PAASISASSARSIORNEQ' atorlugu iluaqutissarpassuit atorluakkit:

  • GrønlandsBANKEN-mi pitsaanerusumik erniaqartitsineq
  • Air Greenland-imi billetsit akikinnerusut
  • Sioqqutsilluarlutit inniminniigit akiliinngikkallarlutillu

Kikkut taamatut aaqqissuussinermik atuisinnaappat?

- Kikkut tamarmik meeqqat atuarfianni atuartut imaluunniit naliginnaasumik akuerisaasuni ilinniarfinni ilinniartut  
- Angalaqatigiit, ilinniarnermut atatillugu siunertaqarlutik angalasut
- Ilinniartitsisut angajoqqaallu ingiaqataasut angalaqatigiinnuut peqataatinneqarsinnaapput

Atuaqatigiit tassaasinnaapput makkunaneersut: 

  • Meeqqat atuarfii
  • Efterskolet
  • Ilinniarnertuunngorniarfiit
  • Niuernermik ilinniarfiit
  • Imarsiornermik ilinniarfiit
  • Inuili
  • Ilisimatusarfik 

Imatut iliussaasi

  1. Air Greenland-mut nalunaassaasi
    Air Greenland-ip billetsileriffia attaveqarfigissavarsi nalunaarnermullu normumik pillusi. Paasisassarsiorlusi angalanissassi nalunaarutiginera akeqanngilaq. 
    Email: group@airgreenland.gl - Tlf: +299 38 22 73
     

Piumasaqaatit - Timmisartumut billetsit

Air Greenland-imiit aamma GrønlandsBANKEN-imiit neqerooruteqarpugut, meeqqat inuusuttullu amerlanerusut atuaqatitik peqatigalugit PAASISASSARSIORNISSAAT peqataaffigerusukkatsigu. Taamaattumik suleqatigiinneq aallartissimavarput atuaqatigiiaat ilinniartullu piffissamik sioqqutsilluarlutik paasisassarsiorlutik angalaqatigiinnissaminnut katersisut kajumissaaserlugit.

Piumasaqaatit - Bankkonto

GrønlandsBANKEN-mit paasisassarsiorluni angalanissap pilersaarusiorluarneqarnera kajumissaaserneqartarpoq ileqqaagaqarnermut kontomik erniagissaartitsinikkut.

Aggustip 15-iat 2014 aallarnerfigalugu GrønlandsBANKEN-ip Paasisassarsiornissamut konto-p erniarititaa ukiumut 1,00 %-iuvoq.

Apeqqutit & akissutit

Nunaqarfimmeersuuvugut - PAASISASSARSIORSINNAAVUGUT?
Aap, eqimattakkuutaat nalinginnaasumik ilinniarfinni akuerisaasunneersut tamarmik matumani aaqqissuussaq atorsinnaavaat.

 

Siunnersuutit pitsaasut

PAASISASSARSIORNISSARSI pilersaarusiorsiuk

Pingaaruteqarpoq piffissaqarluarlusi sumunnarnissassi oqaluuserinissaa.

Ilinniartitsisorsi peqatigalugu periarfissat suusisnnaaneri oqaluuserisinnaavarsi.

Paasiniarsiuk qanoq piffissaqartitaatiginerlusi aammalu tamassi qaammammut qanoq akiliisinnaatiginersusi

Naatsorsorsiuk qanoq katersisinnaatiginerlusi, taava takusinnaanngussavarsi sumiiffiit suut ilissi angalaffigisinnaanerisi.

Aaliangereertariaqanngilasi sumunnassanerlusi, aatsaat billetsinik inniminniivinnissassinnut utaqqitissinnaavarsi. Pitsaasuuvorli siunertaqarnissaq, tassuunakkut taava akia ilisimassavarsi aammalu qilanaarutissaqassallusi.

 

Nutaarsiassaatitsinnik pisartagaqalerit

Air Greenlandimiillu neqeroorutitsialannik aamma paasissutissanik pitsaasunik nassinneqartunut siullernut akuulerlutit.

Ilanngugit