Aqqutit

Timmisartut pilersaarutaat Kujataani – Qaqortoq/Narsaq/Nanortalik 
Kujataani sapaatip-akunneranut timmisartuussinerit amerlineqassapput, avannaanut, qeqqanut kangianullu attaveqaatit amerlanerulissallutik, kiisalu Nuup ataani ullormut ataatsimut timmisartuussinerit atlantikukkut aqqutinut iluaqutaalissallutik. Tamatuma saniatigut Narsarsuarmit Københavnimut toqqaannartumik timmisartuussisoqalissaaq. Novembarip 28-iat 2024 aallarnerfigalugu angallanneq Nuuk aqqutigalugu ullormut tallimariarluni pissaaq, aasaanerani sapaatip-akunneranut arfineq-marloriarluni angalanerit pisassapput, ukiullu 2025-p ingerlanerani ullormut qulinik angalanissaq pilersaarutaalluni. 

Timisartut pilersaarutaat Qeqqani – Paamiut 
Paamiunut Paamiuneersullu timmisartuussinerit allannguuteqassanngillat, kisianni Nuuk aqqutigalugu ingerlanneqartalissallutik, taamaalilluni Atlantikukkut aqqutinut kiisalu Kangianut ullormut ataatsimut attaveqaatit pitsaanerulissallutik. 

Timisartut pilersaarutaat Qeqqani – Maniitsoq 
Maniitsumut timmisartuussinerit sapaatip-akunneranut ikinnerulissapput, kisianni Kangianut Kujataanullu ullormut ataatsimut attaveqaatit nutaat ilanngunneqassapput, tamatumalu angallanneq pitsaanerulersissavaa. 

Timisartut pilersaarutaat Qeqqani – Sisimiut 
Sisimiut sapaatip-akunneranut 16-riarluni timmisartuussisoqartarnissaa attatiinnassaaq, ilanngullugu arfininngornermi atlantikukkut aqqutinut naleqqussakkanik timmisartuussisoqalissalluni. 

Timisartut pilersaarutaat Qeqqani – Kangerlussuaq 
Ataasinngornerni sisamanngornernilu Københavnimit Nuuk tungaanut timmisartuussinerit Kangerlussuaq aqqutigalugu ingerlanneqassapput. Marlunngornerni tallimanngornernilu Nunatsinniit Københavnimut timmisartuussinerit aamma Kangerlussuaq aqqutigalugu ingerlanneqassapput. 

Timisartut pilersaarutaat Avannaani – Aasiaat/Ilulissat/Qaarsut-Uummannaq/Upernavik 
Avannaanut timmisartuussinerit amerlassusaat allannguuteqassanngillat, kisianni ilaasut Ilulissat Nuuk aqqutigalugit Atlantikukkut aqqutinut ullormut ataatsimut attaveqarsinnaalissapput. Tamanna 2025-mi timmisartuussinermi pilersaarutinik nutarterinermi takussutissiarineqarumaarpoq. 

Timisartut pilersaarutaat Qaanaaq 
Qaanaamut timmisartuussinerit allannguuteqassanngillat, ukiuunerani sapaatip-akunneranut ataasiarluni aasaaneranilu marloriarluni timmisartuussisoqartassaaq. 

Timisartut pilersaarutaat Kangiani – Kulusuk 
Novembarip 28-iat 2024 aallarnerfigalugu Kangiani ullormut ataatsimut attaveqaatit naliginnaanerusut pitsaanerulissapput, nunap iluani timmisartuussinermut Atlantikukkut aqqutinut attuumassuteqartumik. Kulusuk Atlantikukkut timmisartuussiviit toqqaannartumik attaveqarfigilissavaa, ilaasut amerlanerusut angalalersissallugit, ilaatigut Nuuk aqqutigalugu takornariartut ilanngullugit. Atlantikukkut timmisartuussiviit Kangianut sapaatip-akunneranut pingasoriarluni timmisartuussisalissapput.