1912

Piujuartitsineq – Ataatsimoorluta nunatsinni kivitseqataassaagut

Air Greenlandip piujuartitsinissamut periusissiaata qitiusumik anguniagarput tassaasoq nunatsinnik kivitseqataanissaq kultoorerput, pinngortitaq attaveqaasersuutillu atorlugit nunarsuarmut piujuartitsinerusumik atassuteqarnikkut.

 

Air Greenlandip nunatsinni ilaasunik, allakkanik assartugassanillu timmisartuussilluni kivitsiinnartanngilaq aammali nunatsinni, allatut paasillugu, inuiaqatigiinni kivitseqataalluni.

 

Air Greenland Namminersorlutik Oqartussanit pigineqarmat taamaattumillu aamma inuiannit kalaallinit pigineqarluni, inuiaqatigiinni suleqataanissamut akisussaaffik annertooq pisussaaffiuvoq soqutigisaqaqatigiiffiit assigiinngitsut suleqatigalugit tassaasut pisortat, ilinniarfeqarfiit, kulturimik timersornermillu tunngasunik peqatigiiffilerisut allallu aallarnisaasut nutaaliortullu.

 

Piujuartitsinermut periusissiarput suliffeqarfittut takorluukkatsinnit aallaaveqarpoq:

 

”Uagut toqqagassani siulliujuaannarusuppugut nunatsinni kivitseqataasuni. Ulluinnaat qulakkeerusuppagut misigisassarsiornerillu pilersillugit. Tamanna piujuartitsisumik isumagissavarput.”

Tamanna ilaatigut FN-ip nunarsuarmi anguniagaanit 17-ineersunit tallimat immikkut anguniagassatut Air Greenlandimut piukkunnarnerutitagut toqqarlugit nunatsinni inuiaqatigiinnilu pitsaasumik sunniuteqaqataarusuppugut.

 

Anguniakkat ukuupput; 

  • 4 Ilinniartitaaneq pitsaassusilik
  • 9 Suliffissuit, nutaaliorneq attaveqaasersuutillu
  • 12 Akisussaassuseqartumik atuineq tunisassiornerlu
  • 13 Silap pissusia suliniuteqarfigalugu
  • 17 Suleqatigiinneq

 

Air Greenlandip pisussaaffigaa piujuartitsinermut aaqqiissutit piujuartitsinissaq pillugu nalunaarusiami ukiumoortumik saqqummertartumi saqqummiunneqartut ”Nunarsuarmi anguniakkanit ulluinnarni anguniakkanut”-mi allassimasut.

 

Ataani nunarsuarmi anguniagassanit tallimat immikkut toqqarsimasatta qanoq piviusunngortinniarneqarneri paasisaqarfiginerusinnaavatit.

Uagut anguniakkagut

Microsoftteams Image (14)

VM 4: Ilinniartitaaneq pitsaassusilik

Air Greenlandip ukiut 60-it kingulliit ingerlanerini inuit 1000-it sinnillit ilinniagaqartilersimavai. Taakku ullumikkut suliffeqarfimmut suli ilaapput, imaluunniit suliffeqarfinni allani inuiaqatigiinni ineriartornermut tunniusseqataallutik.

Uani atuaruk

Microsoftteams Image (11)

VM 9: Suliffissuit, nutaaliorneq attaveqaasersuutillu

Air Greenlandip nuna tamakkerlugu angallanneq ukioq naallugu qulakkeertarpaa. Umiarsuit ukiukkut sikoqarpallaarnerani talittarfinnut tulassinnaanngikkaangata suluusalinnik timmisartuussisarpugut qulimiguulinnillu aamma miffigisinnaasatsinni kiffartuussisarluta.

Uani atuaruk

Microsoftteams Image (12)

VM 12: Akisussaassuseqartumik atuineq tunisassiornerlu

Air Greenlandimit piujuartitsisumik takornariartitsinermut ineriartortitseqataarusuppugut. Tamanna piujuartitsinermik ingerlatsineruvoq aammalu nunap pissarititaanik atorluaanermiilluni.

Uani atuaruk

Microsoftteams Image (15)

VM 13: Silap pissusia suliniuteqarfigalugu

Air Greenlandimi silap pissusianut sunniinerput eqqummaariffigisorujussuuarput. Tunisassiornitta avatangiisinut mingutsitsinnginnerpaaffimminiinnissaa ujartortuaannarparput, aalajangigassanullu nutaanut aajangiissagaangatta piujuartitsineq pingaartinneqartarpoq. Tamanna aamma pivoq qulimiguulimmik nutaamik B212-itsinnik taarsiutissanik toqqaasussanngoratta. B212-iutivut nunatsinni 1980-ikkunnili angallassisarsimapput. Taartissatut EC155 toqqarneqarput, taanna sukkaneruvoq orsussamillu annikinnerusumik atuisarluni.

Uani atuaruk

Microsoftteams Image (13)

VM 17: Suleqatigiinnikkut anguniagaqarneq

Suliffeqarfissuaq Air Greenland inuiaqatigiinni ineriartornermi pingaarutilimmik inissisimavoq. Inuiaqatigiinnut pitsaasumik ineriartornermut akisussaassuseqartumillu ineriartortitsinermut piffimmi najugaqarlutik suliaqartut, inuussutissarsiornermik suliaqartut, pisortat kattuffiillu kajumissutsiminnik suliaqartartut qanimut suleqatigalugit.

Uani atuaruk