Asasarput angalasoq

Ulluni makkunani Nuummi akunnittarfiit unnuiffiusinnaasullu killilerujussuusut maluginiaqquarput. Siniffiusinnaasunik pissarsiniarluta sulisugut ilungersorput, tamannalu sivisusinnaavoq.

Naapertuuttumik unnuiffissiinissaq qulakkeerniarlugu angalasut qajassuuttariaqartut salliutippavut – ilaatigut utoqqaat, pitsorluttut, napparsimasut, inuit innarluuteqartut angalasullu mikisunik meerartallit.

Angalasut taakku qinnuigaavut tikittarfimmi paasiniaaffissamut toqqaannartumik saaffiginneqqulugit qanorlu inissisimanertik nalunaarutigalugu. Qinnuigaatsigit bookingnummer kinaassutsimullu uppernarsaat piareersimateqqullugit.

Angalasut Nuummi namminerisaminnik unnuiffissaqartut qinnuigaavut tamanna paasiniaasarfimmut nalunaarutigeqqullugu. Angalanissannut pilersaarut nutaaq suliarineqarlunilu akuerineqarpat nerinissamut bilitsimik taxarnissamullu uppernarsaammik tunineqassaatit.

Angalasut unnuiffissaqanngitsut qinnuigaavut naammagittaqqullugit inissat kingulliit tunniussuunneranni. Inissaarussimappat piariaqarsinnaavoq inersuarmi siniffissamut innersuunneqartutit, siniffissamik patitsittakkanik, akisimik qipissiamillu tunineqarlutit.

Taamatut pisoqarnera ajuusaarutigaarput, paasinninnerit suleqataanerillu qujassutigalutigu.