Maannakkut angalanissat nikisinneqarallarput angallassinermi. Paasissutissat uani takuneqarsinnaapput.

Kinguaattoortut apuuffissaannut pilersaarusiornerit ingerlatileruttorpagut.

Sapaatip akunnerata naanerani neriuutigaarput kinguaattoortut apuunnissaat. 

Timmisartoq attartugassaput teknikkikkut akornuteqarluni uninnganerani suli massakkumut timmisartussaqanngilagut. 

Iluarsinissaa sulissutigaarput ilaasussat kujataanit kujataanut apuunniassammata. 

Narsarsuarmiit umiatsianik angallassisussanik attartornikuuvugut, ilaasussat ilai sapaatiuppat apuutissapput, taakkualu unnuiffissaqarnissaat nerisassaqarnissaallu isumagissavagut, illoqarfimmi nunneqqaffimmi najugaqanngikkaanni. 

Taakkunannga atorfissaqartitsissaguit mittarfimmut saaffiginnissaatit.

Angalanissamut pilersaarutit nutaat suliarileruttorpavut.
Angalanissamut pilersaarutit nutaat piaartumik nassiussorneqassapput.

Paasissutissat kingulliit uani malinnaavigineqarsinnaapput https://www.airgreenland.gl/data-pages/irr-settings/other/ immaqaluunniit Club Timmisa-appi atorlugu

Air Greenland aamma attavigineqarsinnaavoq immersugassaq una atorlugu nassiussilluni aammalu ammasarfiit avataatigut

https://kundeservice.airgreenland.gl/hc/kl-dk/requests/new

Angalasunut persaqusersuinerput ajuusaarutigaarput.

Isumagilluassavatsigit

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Malinnaagit

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Angalanissamik allanngortitsineq bilistillu akianik utertitsineq

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. Sullitanut kiffartuussivipput oqarasuaatikkut saaffiginnittunut ima ammasarpoq (GMT-3), ataasinngornermiit tallimanngornermut nal. 10-14 arfininngornikkut nal. 09-12.

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Paasissutissat imeruersaatinut, nerisaqarnermut, assortoneqarnermut unnuinermullu tunngusut

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Ilaasutut pisinnaatitaaffiit

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.