Qulimiguulik H-155 Tasiilamiittoq januaarip 10-anili teknikkikkut ajornartorsiuteqarpoq. Naak arlalitsigut aaqqiiniartoqarsimagaluartoq taartissamik aggiussiniarneq silamit akornuserneqartarsimavoq, taamaattumillu nunap immikkoortuani sikut peqqutigalugit Kulusummiit angallammik Tasiilaliaanneqarsinnaasimanngilaq.

Januaarip 15-ani qulimiguulik ujaasinermi annaassiniarnermilu atorneqartartoq atorlugu taartissap nassiunnera iluatsipparput. Paasineqarporli qulimiguulik suli teknikkikkut ajornartorsiuteqartoq sulilu sukkut ajoquteqarnersoq paasiniarneqarluni. Iluarsineqareermat paasineqarpoq suli taartissamik amigaateqartoq. Sukkut ajortoqarnersoq paasineqarmat sapaatit akunnerata naanerani sila timmiffiusinnaanngilaq.

Ullumikkut akuerineqarpugut qulimiguulik ujaasinermut annaassiniarnermullu atorneqartartoq Tasiilaliarsinnaasoq atortussaq amigaataasoq nassarlugu, mekanikererlu illoqarfimmut tikisinneqarluni. Qulimiguulik ullup qeqqata missaani Kangerlussuarmit tingivoq akunnernilu pingasut missaanni timmisussaalluni. Aatsaat tikereerpat mekanikeri sulisinnaalissaaq.

Taamaattumik naatsorsuutigaarput aqagu nalinginnaasumik timmeqqilissalluta. Tamatuma saniatigut ilaasussat kinguaattoorsimasut sisamanngorpat ingerlanniarpavut. Aqagumulli silassaq malillugu anorlerlunilu nittaanniarpoq, aallarnissanut sunniuteqartumik. Sila apeqqutaajumaarpoq, neriuppugulli ajunnginnerulissasoq.

Pissutsit kipiluttunaqisut ilisimavarput, neriuppugullu ullumi iluarsiniarnera ajornartorsiutinik aaqqiissutaassasoq, taamaalillutik angalasut tamarmik kingorna apuuffissaminnut apuullutik.

Pisinnaatitaaffitit pillugit annersusumik paasisaqarsinnaavutit uani 

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. Sullitanut kiffartuussivipput oqarasuaatikkut saaffiginnittunut ima ammasarpoq:

Oqarasuat:

+299 701212

Ammasarfiit:

Ataasinngorneq - Tallimanngorneq nal. 10:00-14:00

Arfininngorneq sapaallu: Matoqqavoq

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Uani Air Greenland-ip ikiorsiissutai pillugit atuarsinnaavutit:  
https://kundeservice.airgreenland.gl/hc/kl-dk/articles/4979235327260-Ilaaffissara-kinguaattoorpoq-qanoq-iliussaanga- 

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.