Københavnimiit Nuummut

Kalaallit Nunaata qeqqanut aqqut toqqaannartoq misigiuk. Danmarkimi illoqarfiit pingaarnersaannit Kalaallit Nunaanni illoqarfiit pingaarnersaannut Nuummut issittumilu misigisassarsiorfissap qeqqanut timmisartorit. Angalaneq sivikinnerusoq aallarfissallu akulikinnerusut atorlugit Kalaallit Nunaannukarnissamik takorluugaq piviusunngoriaannanngorpoq.

A Hiker On The Peak Of Ukkusissaq Store Malene Outside Nuuk In Greenland With The Mountain Sermitsiaq In The Background (1)

Københavnimit Nuummut timmisartumik aallarfissat

Nuummi nunanut tamalaanut mittarfik nutaaq novembarimi 2024-mi ammarmalli Københavnimiit toqqaannartumik timmisartuussinerit ammaanneqarput. Angalanerup sivisussusaa sivikillerujussuarneqarpoq Kalaallit Nunaannilu misigisassarsiorsinnaaneq siornatigornit ajornannginnerujussuanngortinneqarluni.

Aqqutit toqqaannartut Nuuk-København

  • Nuummiit ataasinngornerni tallimanngornernilu ullaakkut aallarfissat.
  • Københavnimiit tallimanngornerni ualikkut aallarfissat.
  • Københavnimiit sapaatini unnukkut aallarfissat.

Nuuk-København Kangerlussuakkoorluni

  • Nuummiit Københavnimut Kangerlussuaq aqqusaarlugu marlunngornerni ullaakkut aallarfissat.
  • Københavnimit Nuummut Kangerlussuakkoorluni ataasinngornerni sisamanngornernilu ualikkut aallarfissat.
  • Nuummiit Københavnimut Kangerlussuakkoorluni tallimanngornerni unnukkut aallarfissat.

Københavnimit timmisartuussinerit toqqaannartut

Københavnip Nuullu akornanni toqqaannartumik timmisartuussinerit ilorrisimaarnassusaat misigiuk:

 

Timmisartorneq: Akunnerit sisamat tallimat akornanni

Akit aallartiffiat: Siumuinnaq 2.495 DKK

Uterlugulu akit aallartiffiat: 3.905 DKK

Akikilliliinerit neqeroorutillu

Air Greenland pitsaalluinnartunik neqerooruteqarpoq:

  • Inuusuttunut 12-28-nik ukiulinnut 50% tikillugu akikillisaanerit
  • 62 sinnerlugit ukiullit siusinaartumilluunniit soraarnerussutisiallit Takussimik billetsinut 50% tikillugit akikilliliivigineqarsinnaapput
  • Meeqqat 2-11-nik ukiullit billetsinut toqqakkanut 50% tikillugit akikillisaavigineqarsinnaapput

 

Air Greenlandimi tamakkiisumik kiffartuunneqassaatit, nassatat 20 kiilut nassatallu tigummiat 8 kiilut akianut ilaatinneqarlutik. Angalaninni nerisassat imeruersaatillu akeqanngitsut aamma mamarsaatigisinnaavatit.

Club Timmisamut ilaasortanngorit pissarsiaralugulu:

Angalaninni nutarterinerit ingerlaannaq paasinissaat

Nittarsaassinissanik neqeroorutissanillu siulliulluni paasisaqarneq

Oqarasuaatinni angallattakkanni timmisartussat pillugu paasissutissatsialaat aamma check-in

 

Billetsit pisiarinnginneranni misissorluarnissaat eqqaamassavat. Uppernarsaajuaannarit:

  • Tikitassat
  • Atit eqqortumik allassimanissaat
  • Ullut angalaffissat
  • Passit normui

 

Taamaatitsisoqassappat nerisaqarneq unnuiffissallu qulakkeertuaannarpavut. Angalaffissami København-Nuuk Kangerlussuarmi unnuinertalimmik nittarsaassinerput nutaaq Fly'n Sleep aamma misiliguk.

DJI 20241127151058 0975 D 800

Københavnimiit Nuummut angalanerit

Kalaallit Nunaannut misigisassarsiornerit Københavnip mittarfiani aallartereeruk. Nuummut toqqaannartumik angalasussaaninni ilorrisimaarnartumik sunniutilimmillu angalanissaq qilanaarisinnaavat. Timmisartutta Airbus A330-800neop Atlantiku qulaallugu ilorrisimaarnartumik angalanissat qulakkiissavaa.

Nuup Mittarfiani

Nuummut tikinnermi mittarfik nutaaliaasoq tikiffigissavat. 2.200 meterisut takissusilimmik mittarfeqarluni annertusisanillu atortorissaaruteqarluni Nuup Mittarfia Kalaallit Nunaanni nunanut tamalaanut aqqutinngorpoq. Tassanngaanniit Nuuk misigisassarsiorfigisinnaavat imaluunniit Kalaallit Nunaanni tikitassat alutornartut allat ingerlaqqiffigalugit.

Kalaallit Nunaanni misigisassarsiornerit aallartiguk, Københavnimiit Nuummut timmisartornissat uani inniminneruk.

Book

Nuummi unnuineq

Københavnimiit ilorrisimaarnartumik timmisartoreerluni Nuummi unnuinissamut arlalinnik periarfissaqarpoq iluarisanut akiliutigisinnaasanullu tamanut naapertuuttunik.

 

Nuummi unnuiffissatut qanorluunniit toqqaagaluaruit Københavnimiit Nuummut angalaninnut tulluartumik Kalaallit Nunaanni piviusumik misigisaqarnissat qulakkiissavat.

 

Issittumi inoroorsaarneq misigiuk qaqqarsuarnut portusuunut kangerlunnullu qillalaartunut isikkivik misigiitigalugu. Unnuiffissat tamarmik nutaaliaasumik ilorrisimaarnissamik ileqquusumillu alutornartunik immikkuullarissunik neqerooruteqarput, Kalaallit Nunaanni illoqarfiit pingaarnersaanni alutornartumik misigisassarsiornissannut aallaavigissallugit pitsaalluinnartunik. Timmissat imarmiut nipaat issittumilu silaannarinnerata tipaa iterfigikkit.

Unnuiffissat nassaariuk

Microsoftteams Image (5)

Hotel hans Egede (HHE)

Illoqarfiup qeqqani nutaaliaasunik atortorissaaruteqarluni kangerlummut isikkivigilluinnartoq.

Uani atuaruk
252508193 104196625417903 1738132394972511453 N

Hotel Aurora

Akunnittarfik alutornarluinnartoq, iluatannartumik inuttullu kiffartuussinermik neqerooruteqartoq.

Uani atuaruk
Hotel Soma Lav

Sømandshjemmet

Toqqagassaq akimigut pitsaasoq, angerlarsimaffippalaartoq inissisimalluartorlu.

Uani atuaruk
Sermitsiaq Mountain & Inuk Hostel. Photo Daniel Gurrola, Visit Greenland

Inuk Hostels

Misigisassarsiorumasunut inuttut misigisaqarnissamik ujartuisunut torralluinnrtoq.

Uani atuaruk
Kulukis Lav

Greenland Escape

Pinngortitamut qanittumiikkusuttunut immikkuullarilluinnartunik unnuiffissanik neqerooruteqartoq.

Uani atuaruk
Unnamed

Booking.com

Periarfissat amerlanerusut inniminniinissallu, Nuummi unnuiffissat allat pillugit Booking.com alakkarteruk.

Uani atuaruk

ILISIMAVIUK?

Kalaallit Nunaannut timmisartorneq qanoq sivisutigaa? Københavnimiit Nuummut toqqaannartumik timmisartorneq akunnerit 4 minutsillu 50-it missaannik sivisussuseqarpoq. Akunnikkaanni angalaneq akunnerit 7 missaannik sivisussuseqarsinnaavoq.

Nuummut timmisartorneq qanoq akeqarpa? Københavnimiit Nuummut uterlugulu billetsip akia agguaqatigiissillugu 11.150 kr.-nik akeqarpoq. Angalanissanut ullut nikerartuuppata siusissumillu inniminniigaanni siumut uterlugulu billetsit 3.838 kr.-nik akeqarsinnaapput.

Nuuk qaqugukkut tikeraassallugu pitsaanerua? Aasakkut (juuni-aggusti): Qaamanera sivisooq, sila kialaarnerusoq. Silami suliaqarnissamut tulluarluinnartoq.
Ukiukkut (decembari-marsi): Arsarnerit ukiuuneranilu suliassat. Qaamanera sivikinnerusarpoq, issittumi misigisaq nuannersoq.
Upernaakkut/ukiakkut: Ulapiffiunnginneruvoq. Ukiut nikittarnerat misigiuk.

København Nuullu akornanni piffissaq nikingassuteqarpa? Københavnip Nuullu akornanni piffissap nikinganera akunnerit pingasuupput. Københavnimi nal. 12:00-inngorpat Nuummi nal. 9:00-inngussaaq.

Mittarfimmit qanoq ilillunga Nuup qeqqanukassaanga? Nuup Mittarfia illoqarfiup qeqqaniit 4 km-it missaanniipput. Taxarsinnaavutit imaluunniit sumiiffimmi bussit mittarfiup qeqqatalu akornanni akuttoqatigiissumik ingerlaartartut ilaaffigalugit. Angalaneq sivikippoq, nalinginnaasumik minutsit 15-it ataallugit.

Nuummut angalaniaruma suut poortussavakka? Kalaallit Nunaanni misigisassarsiornissannut poortuilluarit:
Qaatiguut oqortut imermillu pitarneqarsinnaanngitsut. Atisat qaleriiaarsinnaasut (meqqut qiviulluunniit) isugutaarsarsinnaasut, taamaalillutit kissalaarlutillu panertumiissinnaallutit. Kamippaat oqortut imermit pitarneqarsinnaanngitsut. Seqinersiutit cremelu seqinermut illersuutitalik (aamma ukiukkut). Isikkiviit pikkunaqisut assilinissaannut assiliivik
Immaqa Puilasunut kissartunut imaluunniit illup iluani naluttarfinnut naluutit
Ippernaarsaatit (aasakkut angalaguit). Nuummi sila allanngorarsinnaammat eqqaamassavat, taamaammat sunut tamanut piareersassaatit.

The Four Enjoying The Nightsky From The Top Of The Thoughsand Stairs. Photo By Aningaaq Rosing Carlsen