Anigit
Club Timmisamut ilaasortanngorit
Club Timmisami ilaasortanngorputit
Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Timmisartumik angalanissat
Londonimiit Nuummut toqqaannartumik timmisartoqanngilaq, kisianni angalanertaa immini misigisassarsiorneruvoq. Nalinginnaasumik Londonimiit Københavnimut Reykjavikimulluunniit timmisartussaatit tassanngaanniillu Nuummut ingerlaqqillutit. Aqqut taanna silarsuarnit arlalinnit pitsaanerpaanik misigisaqarnissamut periarfissiissaaq - Issittumi paratiisimut Nuummut minnginninni Londonimi uummaarissumiit Nunani Avannarlerni illoqarfiit pingaarnersaasa nuannissusaat.
Angalanerup katillugit sivisussusaa: Akunnerit 7-9 missaat, akunninnerit ilanngullugit
Suut naatsorsuutigisinnaavigit?
Atlantikup avannaarsua Kalaallit Nunaannilu Sermersuaq qulaallugit timmisartorninni isikkivigissuaq isiginnaaruk. Timmisartumi ilinnuinnaq aliikkutassaqarfilimmi nutaaliaasumi ilorrisimaarnartumilu eqqissisimaarit. Ingerlaarnerni takinerusuni nerisassat mamartut issittumi misigisassarsiornissannut nukissaqalersitsisussanngorlugit toqqartorneqarsimasut sassaalliutigineqartarput. Timmisartornerit assartuineruinnanngilaq - Kalaallit Nunaanni misigisassarsiornissannut ooqattaarseqqaarneruvoq.
Nuummut tikinneq
Nuup Mittarfianut qanilliguit nunamit kangerloqartumit, qaqqaqartumit iluliaqartumillu pissanganartumit killitsinnissat naatsorsuutigisinnaavat. Nunanut tamalaanut mittarfik nutaaq novembarimi 2024-mi ammartoq atortorissaarutinut nutaaliaasunut kalaallillu inoroorsaarnerannut tikilluaqqusissaaq.
Mittarfimmit aqqutissat
Mittarfiup silataani taxaqarpoq
Unnuiffissanut anginernut angallassinerit
Biilinik attartortoqarsinnaavoq nammineerlutit misigisassarsiorniaruit
Unnuiffissat nassaariuk
Hotel Hans Egede (HHE)
Illoqarfiup qeqqani nutaaliaasunik atortorissaaruteqarluni kangerlummut isikkivigilluinnartoq.
Uani atuaruk
Hotel Aurora
Akunnittarfik alutornarluinnartoq, iluatannartumik inuttullu kiffartuussinermik neqerooruteqartoq.
Uani atuaruk
Sømandshjemmet
Toqqagassaq akimigut pitsaasoq, angerlarsimaffippalaartoq inissisimalluartorlu.
Uani atuaruk
Inuk Hostels
Misigisassarsiorumasunut inuttut misigisaqarnissamik ujartuisunut torralluinnartoq.
Uani atuaruk
Greenland Escape
Pinngortitamut qanittumiikkusuttunut immikkuullarilluinnartunik unnuiffissanik neqerooruteqartoq.
Uani atuaruk
Booking.com
Periarfissat amerlanerusut inniminniinissallu, Nuummi unnuiffissat allat pillugit Booking.com alakkarteruk.
Uani atuaruk
Angalanissamut piffissaq pitsaanerpaaq
Nuuk ukioq naallugu misigisassarpassuaqartitsivoq, ukuli immikkut misigisassat eqqarsaatigikkit:
Aasaq (juuni-aggusti): Seqerngup kaaviinnarnera kialaarneralu misigiuk - silami sammisaqarnissanut naleqqulluinnartoq. Ukioq (februaari-marsi): Arsarnerit pikkunarluinnartut takukkit qimusserlutillu
Londonimi aqquserngit ilisimaneqartut Kalaallit Nunaanni issittumi tupinnartunik taarsernissaannut piareersimavit? Timmisartornissamut billetsit ullumi inniminneruk puigunaatsumillu misigisassarsiornissannut piareersarlutit!
ILISIMAVIUK?
Tuluit Nunaanniit Nuummukarniaruma visumeqassaanga? Kalaallit Nunaat Kunngeqarfiup Danmarkip ilagaa, taamaammallu Tuluit Nunaanni innuttaassuseqartut ullut 90-it ataallugit tikeraarnissamut visumeqartariaqaratik. Aallannginnermili angalanissamut piumasaqaatit nutaarnerpaat misissoqaartuakkit.
Londonimit Nuummut toqqaannartumik timmisartoqarpa? Toqqaannartumik massakkut timmisartoqanngilaq. Nalinginnaasumik Londonimiit Københavnimut Reykjavikimulluunniit timmisartoriarluni Nuummut timmisartumut nuuttoqartarpoq.
Londonimit Nuummut timmisartorneq qanoq sivisutigaa? Angalanerup katillugit sivisussusaa attaviit apeqqutaatillugit akunnerit 7-9 missaanniippoq.
Aqqummi tassani timmisartuutileqatigiit sorliit ingerlaarpat? Timmisartuutileqatigiit soorlu SAS, Air Greenland Icelandairiluunniit akuleriisillugit angalaneq nalinginnaasumik ingerlanneqartarpoq.
Nuuk qaqugukkut tikissallugu pitsaanerpaava? Nuuk ukioq naallugu neqeroorutissaqarpoq. Aasaanera (juuni-aggusti) seqerngup kaaviinnarneranut silamilu sammisassanut piukkunnarpoq ukiuuneralu (februaari-marsi) arsarnernut qimussernermullu naleqqulluinnarluni.
Nuummukarnissamut suut poortussavakka? Ukiup qanoq ilineraniluunniit oqortunik qaleriiaartakkanillu poortuigit. Assiliivimmik nassarina arsarnernik uumasunillu nujuartanik assiliiniassaatit, aamma pinngortitami misigisassarsiornissannut kamippaat pisuutit pitsaasut nassarigit.
Nuummi aningaasat suut atorneqarpat? Kalaallit Nunaanni tamarmi qallunaat aningaasaat (DKK) atorneqarput.
Nuummi oqaatsit suut atorneqarpat? Pisortatigoortumik kalaallisut qallunaatullu oqaatsit atorneqarput. Takornariaqarfinni akunnittarfiillu amerlanersaanni tuluttut aamma oqaluttoqarpoq.
Londonip Nuullu akornanni nalunaaqutaq qanoq nikingatigaa? Nuup Kalaallit Nunaata kitaani nalunaaqutaq (GMT-3) malippaa, imaappoq Londonimit akunnernik pingasunik siusinnerulluni. Tuluit Nunaannili aasaanerani nalunaaquttap eqqarsaatiginissaa eqqaamassavat.
Peqqinnissamut innersuussuteqarpa? Aalajangersimasunik akiuussutissamik kapitinnissamut piumasaqaateqanngilaq, kisianni akiuussutissatit nalinginnaasut nutarterniarigit. Nuuk avinngarusimaqimmat ajornartoornermi angallanneqarnissamik imalimmik angalanermi sillimmasersimanissat eqqarsaatigiuk.
Nuummi arsarnernik takusaqarsinnaavunga? Aap! Arsarnerit takussallugit Nuuk sumiiffitsialaavoq, pingaartumik septembarimiit apriilip tungaanut unnuit taartaqimmata.
Nuummi innaallagissamut qanoq ittunik ikkuffeqarpa? Europami marlunnik niuusallit (type C aamma F) Nuummi atorneqarput. Tuluit Nunaanniit angalaguit adaptereqarnissat eqqaamassavat.
