Ullumikkut marsip 17-ani oqaluttuarisinnaavarput, Nuummiit Københavnimut ullaakkut timmisartoq toqqaannartoq siulleq ullaaq manna tingimmat, taamaalillunilu Air Greenlandip aasaakkut angalanissanut pilersaarutai oktobarip naaneranut 2025-mut atuuttussat timitalerneqarlutik.

Air Greenlandip ukiuni 54-ini oqaluttuarisaanerani siullermeertumik ilaatigut Nuummiit Københavnimut ullaakkut ualikkullu aallartussat neqeroorutigisinnaaalerpavut Kangerlusuullu aamma Københavnip akornanni Nuummut Nuummiillu ingerlaqqiffiusut. Aallarfissani taakkunani Jettimemit timmisartoq 737-800 180/189-inik ilaasoqarsinnaasoq atorneqassaaq.

Ataasinngornerit tallimanngornerillu tamaasa ualikkut kingusissukkut Københavnimiit toqqaannartumik Nuummut nal. 15:50 timmisussaq nalunaaqutarlu 17:40 tikittussaq neqeroorutigisinnaavarput.

Sapaatit tamaasa unnukkut toqqaannartumik Københavnimiit Nuummut nal. 18:00 aallarluni nal. 20.00-lu tikittussaq neqeroorutigaarput.

Albatros Arctic Circle suleqatigalugu marlunngornikkut Nuummiit nal. 07:30 ullaakkut aallartoq neqeroorutigaarput, nal. 08:10 Kangerlussuarmut aqqusaarluni nal. 8:50 Københavnimut ingerlaqqilluni nal. 16:25 Københavnimut milluni. Taamaalinerani aallarnerit Kalaallit Nunaanniit Europap sinneranut Asiamullu ingerlaqqinnissamut periarfissiilluarput.

Ataasinngornikkut sisamanngornikkullu Københavnimiit nal. 15:50 aallarutta nal. 17:40 Kangerlussuarmut missaagut, kingorna timmisartoq Nuummut ingerlaqqilluni nal. 18:50 milluni. Aallarnerit taakku ullormi tassani Europamiit Asiamiillu Kalaallit Nunaannut ingerlaqqinnissamut periarfissiilluarput.

Tallimanngornerit tamaasa aamma unnukkut/unnuakkut Nuummiit nal. 18:30 aallartoqarsinnaavoq nal. 19:10 Kangerlussuarmut aqqusaarluni. Nal. 19:50 tassannga ingerlaqqissaagut unnuamilu 03:20 Københavnimut tikilluta.

Timmisartuuterput A330neo, Tuukkaq, pisarnermisut Københavnip Nuullu akornanni timmissaaq, taamaalilluni nunatta iluani tamarmi ingerlaqqiffissatsinnut ullormi tassani periarfissiillutik.

Videomi ullumi marsip 17-ani timmisartuutitta ilaat Nuummiit tingisut takusinnaavatit, ilaatigut Jettime ullaakkut GL774 aallartoq, Tuukkarlu GL780 Københavnimukarluni tingisoq timmisartuutittalu ilaat Dash-8 nunatta iluani angalasut nunanullu allanut attaviliillutik.

Nittartakkatsinni www.airgreenland.gl -imi alakkarterigit angalanerillu illit pisariaqartitannut tulluartut takullugit.

Eqqaamallugu piffissaqarluarlutit inniminiinissat, neqeroorutillu Club Timmisa App-imiittut alapernaallugit.

Angalalluarisi!