Ajuusaangaarluta paasivarput septembarip 3-ani assartuusseriaatsitta atulernera ilimagisatsinniit ilungersunarnerusoq. Taamaattumik septembarimi attaveqaatitsinni assartukkat allakkallu katersuussimapput, ingammik Nuummi. Tamanna sullitatsinnut ajoraluartumik kipiluttunarsimavoq, tunniussinermi aamma minnerunngitsumillu assartukkanik allakkanillu aallernerminni sivisuumik utaqqisariaqartarsimallutik.

Mittarfinni assartuussinermut immikkoortortat qanimut suleqatigalugit ajornartorsiutit aaqqinniarlugit ilungersorpugut. Nassuerutigisariaqarparpulli suli aaqqivinngimmat. Taamaattumik ilungersorluta aaqqiiniarpugut, mittarfinnili tamani aaqqissuussinerup nutaap tamakkiisumik atuutilernissaanut piffissangaatsiaq ingerlagallassaaq.

Air Greenlandimi taamak nalunaaruteqarnitsinni erseqqissaarusuppugut sullitavut sullitaminnut pilersuinerminni pisuussuteqanngimmata allakkat, poortukkat assartukkallu tunniunniarnerani sivisuumik utaqqisariaqartarnermut. Tamanna Air Greenlandip tamakkiisumik pisuussutigaa, mittarfinni timmisartukkut assartukkanik tunniussinermi aallernermilu akisussaanermigut.

Sullitatsinnut tamanut pisarissersuutaanera ajuusaarutigaarput, qujanarlu naammagittarlusilu paasinnikkassi.

Inussiarnersumik inuulluaqqusilluta

Air Greenland – assartuussinermut immikkoortortaq