Air Greenlandimiit poortukkat allakkallu apuunneqartussat suli kinguaattooqqammata utoqqatsissutigaarput

3. septembarimili nassiussalerissut nutaaq, nunarput tamakkerlugu nassiussalerinerup pitsaanerulernissaanik ersarinnerulernissaanillu qulakkeerisussaq atuutsilerniarlugu aallartipparput. Allannguiniarneq naatsorsuutigisamit pisariunerusimavoq, tamatumalu kingunerisaanik nassiussat poortukkallu katersuupput – pingaartumik Nuummi.

Unammilligassaq timmisartut pisinnaasaannik peqquteqanngilaq, pingaartumilli mittarfiit akornanni poortukkat allakkallu suliarineqartarnerinik peqquteqarpoq, tamannalu apuussinissamut piffissamut tamarmiusumut sunniuteqarpoq.

Nassiussalerinermut immikkoortortatsinni sulisutta nassiussat sukkanerpaamik apuunnissaat ulapputigaat – atuisunut angisuunut, soorlu Tusass-imut nassiussalerisunullu allanut, agguaasseqqinnernik isumaginnittuusunut, aammalu nunatsinni tigusisussanut allanut. Erseqqissaatigissavarput kinguaattoornerit suleqatit taakku pisuussutiginngimmatigit, kisiannili sullississummut nutaamut ikaarsaarneq, ajoraluartumik aamma atuisuinut sunniuteqartoq peqqutaammat.

Tamatuma nassatarisaanik persaqusersuinerput utoqqatsissutigaarput, aammalu ingerlatsinermik nalinginnaanngorsaaneq nassiussalerissummillu isumannaannerusumik, atuisunut tamanut iluaqutaasussamik pilersitsiniarneq anguniarlugu sulissuteqarnitsinni sullitatta naammagittarnerannut paasinninnerannullu qujavugut.

Inussiarnersumik inuulluaqqusilluta

Air Greenland – assartuussinermut immikkoortortaq