Air Greenland atuisut suliumajunnaartoqassagaluarpat suliumajunnaartoqassanngikkaluarpalluunniit angalanissaminnut pilersaarusiornissamut pitsaanerpaanik atugassiiniarluni imatut aalajangiivoq:

Atuisut 23. juunimiit 7. juulimut Kalaallit Nunaata aamma Danmarkip akornanni angalassagunik, piffissami tassani suliumajunnaartoqassappat suliumajunnaartoqassanngikkaluarpalluunniit, aammalu bilitsip qanoq ittuunera apeqqutaatinnagu maannangaaq bilitsiminnik utertitsinissamut periarfissinneqarput. Atuisut neqeroorut taanna atorniarlutik aalajangerunik, suliumajunnaartoqanngippallu angalaannarniarunik bilitsimik nutaamik siornatigut pisiamit akisunerusinnaasumik, aammalu allanik piumasaqaatitalimmik pisinissaq pisariaqartussaavoq. Piffissap angallaviunerpaasup ulapinnarnerpaaffia tikileratsigu, erseqqissaatigissallugu pingaaruteqarpoq, juulimi aggustimilu inissat killeqarmata, taamaattumillu piffissamut tassunga bilitsimik nutaamik pisinermi piffissami pisiffiusumi piumasaqaatit atorneqartussaammata.

Atuisut utertitsinissamut periarfissat pillugit nittartagaq una aqqutigalugu saaffiginneqquneqarput: https://kundeservice.airgreenland.gl/hc/da/requests/new

MALUGIUK: Angalatitsivik aqqutigalugu billettisisimaguit, angalatitsivik pisiffigisat attavigissagakku. 

Suliumajunnaartoqassappat, timmisartunut bilitsit eqqorneqartut suussusii apeqqutaatinnagit utertinneqassapput. Suliumajunnaarnissaq piviusunngussappat, ullup suliumajunnaarfiup siulliup pinnginnerani piffissaalluarallartillugu Air Greenland ilisimatitsissaaq.