1921

Tapiisarnerit

Air Greenlandimi suliffeqarfitsinnut inuiaqatigiinnullu iluaqutaasussamik tapiisarnermut politikkeqarpugut. Piujuartitsisumik takornariartitsinermut iluaqutaasussamik tunniussaqarusuppugut, piffinni pineqartuni misilittagaqarneq pingaaruteqartutut inissisimatillugu.

Avannaata Qimmersersui 2021

Avannaata Qimmersersui 2021

Nunatsinni attaveqaasersuutitigut aalajangeeqataalluinnartumik inissisimavugut, inuiaqatigiinnilu taanna inissisimaffipput ataqqinaataavoq annertooq aammali akisussaafferujussuarmik nassataqartoq.Oqaluttuarisaanerput qiviassagutsigu Air Greenlandimi inuiaqatigiinni attaveqatigiinnermut ataqatigiinnermullu annertuumik sunniuteqarsimavugut, aammali sulianut assigiinngitsunut inuiaqatigiinnut iluaqutaasunik tunniussaqarsimalluta. Tamanna assut tulluusimaarutigaarput. Tapiisarnermut piumasaqaaterput tassaavoq tapiinitsigut tapiiffigisatta Air Greenlandimut inuiaqatigiinnullu nalituunngortitsinissaat. Taamaattumik tapiisarnernut isumaqatigiissutit amerlanerusut sivisunerusullu tapertassallugit aalajangiussimavarput.

 

Air Greenlandimit tapiisarnivut amerlanerutinnissaat sivisunerusunillu isumaqatigiissusiortarnissaq anguniarlugu nunatsinni kattuffiit, peqatigiiffiit kultoorikkut sullissiviit suleqatigiinnissamik isumaqatigiissusiorfigisarniarlugit aalajangernikuuvugut. Isumaqatigiissutit atsioriikkat ataani suunersut atuarsinnaavatit.

 

Aningaasaliinissamut qinnuteqaatini tiguneqartuni Air Greenlandip suliffeqarfissua tamakkerlugu, tassalu Air Greenland, Greenland Travel, Hotel Arctic, World of Greenland aamma Arctic Excursions sinnerlugit naliliisarpugut.

 

 

PINGAARUTILIK: Bilitsit ILIK
Air Greenlandip suliffeqarfissuani sapaatit akunnikkaartumik aningaasaliinissamut qinnuteqaaterpassuarnik tigusaqartarpugut, tamannalu isumaqarluarpoq, nuna tamakkerlugu angalanerni sullissisuugatta. Kisiannili aamma qinnuteqaaterpassuarnut itigartitsisariaqartarpugut, kikkut tamaasa tapiiffiginissaanut aningaasassaqannginnatta. Taamaattumik tamatumunnga taarsiullugu aningaasaliissutissanik amerlanerusunik, bilitsit ILIK-mik taaguutillit aqqutigalugit Kalaallit Nunaanni ilinniartunut, timersortartunullu kulturimullu ikiorsiissutissanik immikkoortitsivugut. Tassani angalanissannut 75 %-it tikillugit akikillisaanneqarsinnaavutit. Bilitsit ILIK pillugu uani annertunerusumik atuagaqarit. Ilik aqqutigalugu akikillisaassinermut aningaasarpassuit atortaratsigit, meeqqat atuarfiani atuaqatiginnut assigisaannullu eqqugassanik tapersiisanngilagut.

 

Aningaasaliissutissanik aalajangersimasunut kikkut tapiiffigineq ajorpagut?

  • Timersornermi, ilinniarnermi kulturimilu sulianut, aammalu peqatigiiffinnut, bilitsinik ILIK-inik atuisinnaasunut
  • Tapiissutinik aningaasaliissutinillu amerlanerpaat iluaquserniarlugit inuit ataasiakkaat suliaannut tapiineq tapersiissuteqarnerluunniit AJORPUGUT
  • Pingaartumik sulianut Kalaallit Nunaannit AALLAAVILINNUT tapiisarpugut, Kalaallit Nunaata avataanut aningaasanik qinnuteqarneq periarfissaqarnerusarmat
  • Tusagassiornermut qinnuteqaatit Visit Greenlandimut isumaqatigiissutitsinnut innersuuttarpagut

Qanoq iliorlunga aningaasaliisoqarnissaanik Air Greenlandimut isumaqatigiissuteqarsinnaavunga?

Air Greenland aningaasaliinissaq pillugu isumaqatigiissuteqarfigerusukkukku, siullertut pingaarnertullu aaqqissuussaaneq ilaaffigisat piumasaqaatinik ukuninnga naammassinninnersoq isummerfigeqqullugu qinnuigaatsigit:

 

  • Suliassanni Kalaallit Nunaanni qanoq annertutigisoq suliaqarfigissaviuk? soorlu Nuuk kisiat, Qeqertarsuup Tunua tamakkerlugu, Kalaallit Nunaata kujataa, Kalaallit Nunaata avannaa, Kalaallit Nunaata kangia il. il.
  • Isumaqatigiissuteqartoqassappat nunatsinnut tamarmiusumut qanoq nuannaarutaatigisinnaava?
  • Isumaqatigiissuteqartoqassappat tamananna nunatsinni takornariaqarnerup ineriartortinnissaanut sunniuteqassava?
  • Isumaqatigiissuteqartoqassappat taava anguneqassava amerlanerit akikinnerusumik angalasinnaalernissaat?
  • Ajornanngila ukiunut arlaqartunut atuussinnaasumik isumaqatigiissusiornissaq?
  • Isumaqatigiissuteqartoqassappat tamanna Air Greenlandip ilisimaneqarneranut qanoq iluaqutaassava?

 

Juullimut aningaasaliissutit
Air Greenland saniatigut aningaasaliissutissanik, peqatigiiffiit juullimut ikiorserneqarnissamik qinnuteqarfigisinnaasaannik immikkoortitsivoq. Tassunga qinnuteqaatit novembarimi ataatsimiinnermi immikkut suliarineqassapput. Nalinginnaasumik angalanissamut tunissutit DKK 3.000-inik nalillit tunniunneqartarput, kisiannili pisuni immikkut ittuni aamma aningaasanngorlugit tunniussisoqarsinnaavoq.

 

Air Greenlandip aningaasaliisarnermut ataatsimiititaliaa
Air Greenlandip qinnuteqartut naligiimmik atugassaqartinnissaat qulakkeerniarlugu aningaasaliisarnermut ataatsimiititaliaq, ukiumut sisamariarluni ataatsimiittartoq pilersippaa. Taamaattumik ukiumut sisamariarluni qinnuteqaatinik nassiussinissamut ullormik killiliisoqartarpoq. Tamatuma kingorna qinnuteqaatit Air Greenlandip aningaasaliisarnermut ataatsimiititaliaanit naliliiffigineqartarput, ataatsimiititaliallu ataatsimeereernerani sapaatit akunerini tulliuttuni qinnuteqartut nalunaarfigineqartarput. Kingumoortumik tapiisoqarsinnaanngilaq, kisiannili sapinngisamik siusissukkut qinnuteqaatissinnik nassiussinissarsi inassutigaarput.

 

Ulloq qinnuteqarfissaq kingulleq Air Greenlandip akissuteqarnissaanut killiliussaq
1. februaari 15. februaari
1. maaji 15. maaji
1. septembari 15. septembari
1. decembari 15. decembari
Juullimi aningaasaliissutissat:  
20. novembari 1. decembari

 

Qinnuteqaatit ukuninnga ilaqartinneqassapput:

  • Suliassamut nassuiaat
  • Missingersuutit – isertitassatut aningaasartuutissatullu naatsorsuutigisat
  • Kikkut angalanissaannut tamatumalu qaqugu pinissaanut nassuiaatit
  • Qinnuteqartut akillutik sullissinissaat aamma tamanna Greenland Travel-ip ussassaarinermut politikkimini qanoq atorsinnaaneraa pillugu nassuiaat

 

Taakkartorneqartut eqqarsaatigilluareerukkit, taava matumunnga qinnuteqarnissamut tikilluaqqusaavutit: sponsor@airgreenland.gl.

Sapinngisarput naapertorlugu saaffiginnissutit tamaasa akiniartassavagut.

 

Qinnuteqaatippit atuarnissaa qilanaarivarput.

ANINGAASALIISSUTIT AMERLANERUSUT

Ukiumoortumik Kalaallit Nunaanni aaqqissuussaanernut arlalinnut aningaasaliisarpugut. Taakkununnga ilaapput:

Tourist Hike

Takornariaqarneq

Visit Greenland (Kalaallit Nunaanni takornarialerinermut siunnersuisarfik) aaliangersimasumik suleqatigiinnissamik isumaqatigiissuteqarfigivarput, anguniarlugu nunatta takornarianit amerlanerusunit tikinneqartalernissaa. Tamannalu uagut niuernitsinni siunertarisatsinnut naapeertuulluarpoq, aammalu inuiaqatigiinnut takornarialerinermullu iluaqusiisussaalluni.

 

Visit Greenland

Kissaatigigukku Kalaallit Nunaat tusagassiornikkut allatulluunniit tusagassiortutut sammerusullugu, tamatumunngalu atatillugu angalanissannut bilitsimik pisariqartitsillutit, taava aaliangiussimavarput Visit Greenland suleqatigissallugu, taannalu saaffigisinnaavat aqqutigalugu. Una tooruk.

Csr Hundeslæde

Corporate Social Responsibility (CSR)

Entreprenørskab-imut Aningaasaateqarfik – Kalaallit Nunaat

Air Greenland 2017-imili Entreprenørskab-imut Aningaasaateqarfik – Kalaallit Nunaat-nut ukiuni marlukkaarlugit atuuttussanik aningaasaliisarnermut isumaqatigiissuteqarpoq. Isumaqatigiissummi Kalaallit Nunaanni meeqqat atuarfiini inuusuttullu ilinniarfiini ineriartortitsiffiusumi sulianut tapiisarnissaq, aamma meeqqat inuusuttullu akornanni nassaarsiullaqqissutsimut tapersiisarnissaq siunertarineqarpoq.


FFE-KN pillugu annertunerusumik atuagaqarit, uani: https://www.airgreenland.dk/nyheder/partnerskabsaftale-om-entreprenoerskab-fortsaetter/

Sport Acr

Timersorneq

Artic Circle Race-imik pingaarnertut tapersersuisutut tulluusimaarutigaarput, immineq kajumissutsimik sulisunik piukkunnartunillu ineriatortitsinermik tapersersuinerput, taamallu tunniussaqarfigalugit inuit nunatsinnik nunarsuup sinneranut nittarsaassinermik ingerlataqartut. Aamma Ilik aqqutigalugu nunatsinni siammasissumik timersorneq tapersersugaraarput, sammineqarmata peqqinnartut minnerungitsumik inuussunnerusunut sammisuusut. Taamaattumik timersornermik unammisarnernillu tapersersuinigut imminnut tasiortutut ipput inuiaqatigiinnilu akisussaaqataanerput tunngavigalugu (SCR) sulinitsinnut naapertuulluartuullutik, pineqarluinnarmatami inuussuttunik ineriartortitsineq ilinniartitsinerlu.

 

Arctic Circle Race
1997-imiilli Arctic Circle Race-imik tunuliaqutsiilluta tapersersuisalerpugut, tassa siullermeersumik ujakkaartitsinermik unammisitsisarneq aaqqissuisiorneqarmalli. Sisimiuni aaqqissuisut peqatigalugit peqataasussat isumannaatsumik Sisimiunut ingerlattarpagut, allanillu aaqqitassanik isumaginneeqataasarluta.

Arctic Circle Race pillugu annertunerusumik paasisaqarit uani

 

Leifi Iluanaarajuup Marathon-ianik taasami peqataanerput
Tapersersorpaput nunatta kujataani takornarialerineq ineriartortitseqataaffigiumallugu, Leif Iluanaarajooq Marathonilu atuuttussamik isumaqatgiissusiorpugut.

Leif Iluanaarajuup Marathon pillugu annertunerusumik paasisaqarit uani

Kultur Maskedans

Kultuuri

KNQK-mik (Nunatta Qimussersua), Nunatsinni Isiginnaartitsisartunik, Akisuanerit Festivalimik, Katuaq-millu, sumiiffinni aaqqissuisunik suleqateqarluni piorsarsimassutsimut sammisutigut suleqatigiinnerini pingaarnertut tunuliaqutsiilluta tapersersuisuunerput aqqutigalugu, peqataaffigaarput piorsarsimassutsimik suliaqartorpassuit nunatsinni takutitsinnaasarnerat. Ukiullu ingerlanerini aamma tapersersortarpagut piorsarsimassutsimut sammisunik ingerlanneqartut arlaqaqisut, nalinginnaanerusumik ingerlanneqartut siammasissumik soqutiginaateqartut.

 

Nunatta Isiginnaartitsisarfia
Nunatta Isiginnaartitsisarfia ukiuni pingasuni atuuttumik isumaqatigiissuteqarfiginikuuarput.

Nunatta Isiginnaartitsisarfia pillugu paasisaqarnerugit uani

 

Katuaq
Katuaq tassaavoq Kalaallit Nunaata tamarmi kulturikkut illorsua, isiginnaartartut atuisullu pitsaanerpaamik kulturimut tunngasutigut misigisaqarnissaannik siunertalik, pingaarnerpaatullu sullissilluarnermik aallussisoq. Katuami kulturikkut neqeroorutinut ilaapput tusarnaartitsinerit assigiinngitsut annertuut annertunngitsullu, meeqqanut inersimasunullu isiginnaartitsineq, eqqumiitsulianik saqqummersitsineq, meeqqanut, inuusuttunut inersimasunullu filmertitsinerit, oqalugiartitsinerit allarpassuillu.

Air Greenland Katuarlu, nuannaarutigisatsinnik, ukiunut arlalinnut atuuttumik tapiisarnissamut isumaqatigiissuteqarput.

Katuaq pillugu annertunerusumik paasisaqarit uani

 

Taseralik
Air Greenlandi Sisimiunilu kulturikkut illorsuaq Taseralik tapiisarnissamik isumaqatigiissusiorput. Siunertaalluni Sisimiuni tassungalu atasuni kulturikkut pisoqartillugu tapiisarnissaq.

Taseralik pillugu annertunerusumik paasisaqarit uani

 

Kalaallit Nunaanni Qimussertartut Kattuffiat, KNQK
Air Greenlandi tulluussimaarutigisaminik Avannaata Qimussersuanut ukiut 20-t sinnerlugit tapiissuteqartartutut inissisimavoq. Ukiut tamaasa qimmit qamutillu illoqarfimmut unammersuarfissamut timmisartukkut assartornerinut ikiuuttarpugut.

KNQK pillugu annertunerusumik paasisaqarit uani