Angallannikkut allannguinerit

Uani atuaruk
A330 Air Greenland PYC CU 2 Gigapixel Standard Scale 4 00X

Premium – Ilorrisimaarnarluartoq immikkullu iluaqutissartalik

Premium suua?

Premium tassaavoq Atlantikoq qulaallugu angalaninni immikkuullarissumik ilorrisimaarusukkuit pitsaasumillu sullinneqarluarusukkuit atugassaq. Angalanermi immikkuullarissumik misigititsisuuvoq ilorrisimaartitsinermik, eqqissisimaarfiusumik immikkullu sullinneqarnermik siunertaqartuulluni – mittarfimmi timmisartumilu. Premiumimik suliffiit aqqutigalugu imaluunniit namminerisamik angalaninni pitsaaqutit amerlanerupput eqqissisimanarnerusumillu angalaninnik qulakkeerinnittussaalluni. Aqqut tamaat angalanerit eqqissisimaarfiginiassagakku angalanerillu nuannersuuniassammat, eqqissillutit ulapputeqarnak pinissannut uani sullinneqartussaavutit.

MSR08426 Enhanced NR

Premium Flex – Kiffaanngissuseq annertooq eqaatsorlu

Premium Flex suua?

Premium Flex tassaavoq angalanissavit kiffaanngissuseqarnerusumik eqaannerujussuarmillu pilersaarusiorsinnaanissaanut atugassaq – ilorrisimaanngitsoornissat sullilluarneqanngitsoornissallu aarleqqutigisariaqarnagit. Atlantikoq qulaallugu timmisartornermi billetsini eqaannerpaapput angalanissallu allanngussappat tulluarsarnissaanut periarfissaqartitaallutit. Premiumip iluaqutissartai tamarmik uani atuupput, pitsaanerpaamik akornuteqanngitsumillu angalasinnaaniassagavit. Premium Flex toqqissisimasumik kiffaanngissuseqartumillu pilersaaruteqarsinnaarusuttunut, suliffik aqqutigalugu namminerluunniit angalarusuttunut, tulluarsagaavoq.

Premiumip Premiup Flexillu iluaqutissartai uani atuakkit:

Premiumip iluaqutissartai:
  • Saarlerni niunnut inissaqarluartumi issiaveqarneq
  • Akeqanngitsunik immikkut sassaalliutissanik nerisaqarneq imeruersaateqarnerlu
  • Aallarnissamut nalunaarnermi nassatat tunniussat 30 kg + timmisartumut nassatassat marluk (ataatsimoortillugit 8 kg-mit oqimaannerusussaanngitsut)
  • Københavnip mittarfissuani Premium aqqutigalugu utaqqeqqaarani ilaanissamut nalunaarneq (Check in)
  • Utaqqeqqaarani (Fast-track) isumannaallisanikkut misissuisarfikkoorsinnaaneq
  • Københavnip mittarfissuani immikkuullarissumi isersimaartarfimmiissinnaatitaaneq (Lounge), Carlsberg Aviatorimi imaluunniit Aspire Loungemi
  • Aallarfissaq nal.ak. marluk sioqqullugit, ullormik aallarfissamik akiliinikkut allanngortitsisinnaaneq (akit nikingassutaannik qaavatigullu + 750 DKK)
  • Angalanissannik taamaatitsiinnarnermi mittarfinnut akiliutinik (akileraarutit + akitsuutinillu) utertitsineq

 

Premium pillugu paasisaqarnerorusukkuit ugguuna paasissutissat atuarsinnaavatit

Premium Flexip iluaqutitai
  • Premiumimi iluaqutit tamavimmik ilaareerput
  • 2 tiimit sioqqullugit akeqanngitsumik angalanissat allanngortissinnaavat (akiisa assigiinngissutaat taamaallaat akilissavatit)
  • 2 tiimit sioqqullugit angalanissap taamaatiinnarneqarnerani akiliutigisat tamavimmik utertinneqassapput
  • Tuukkami ilaanermi akeqanngitsumik WiFi-mut attaveqarneq

 

Premium Flex pillugu paasisaqarnerorusukkuit ugguuna atuarsinnaavatit

Billitsit allanngortiguk – periarfissat marluk assigiinngitsut

Ingerlaannartumik billitsit akisunermut allanngortiguk

 

Standardimik imaluunniit Standard Fleximik billitseqaruit Premiumimut imaluunniit Premium Fleximut billitsit akisunermut allanngortissinnaavat – inissaqarpat. Aallarnissannut 2 tiimit sioqqullugit nittartakkakkut Min Booking aqqutigalugu akisunermut allanngortitsisoqarsinnaavoq. Ullua allanngortinnagu akisunermut nuuginnaruit akiata nikingassutaa taamaallaat akilissavat. Ullua allanngortinniarukku akisunermullu aamma nuutsillugu qaavatigut 750 DKK-inik akiliissaatit billitsillu akiisa assigiinngissutaat akilerlugu. Angalanissamut nalunaarnermi (check in) akisunermut nuutsitsisoqarsinnaanngilaq.

 

Standard imaluunniit Premium atorlugu angalaniaruit, qaavatigut akiliuteqarlutit aallarnissannut 2 tiimit sioqqullugit aallarnissavit ullua imaluunniit nalunaaqutaa allanngortissinnaavatit 750 koruuninik akeqarluni qaavatigullu akit assigiinngissutaat akilerneqassalluni. Flex billitseqaruit 2 tiimit sioqqullugit qaavatigut akiliinak angalanissavit ullua imaluunniit nalunaaqutaa allanngortissinnaavatit.  

 

Standard aammalu Premium billitsit utertinneqarsinnaanngillat – taamaatitsiinnarusuttuni taamaallaat akileraarutit akitsuutillu atorneqassanngimmata utertinneqarsinnaallutik.
Standard Flex aammalu Premium Flex akiliutigisimasannik tamakkiisumik utertitsisoqartarpoq, 100 DKK-imilli akiliuteqartinneqassaatit.

Akitsorterinikkut akisunermut nuugit

Tuukkap angalaffissaani ulluni aalajangersorneqarsimasuni App’eq SeatBoost aqqutigalugu Air Greenlandip Premiumitaanut akisunermut nuussinnaanissannut akitsorterinermut peqataasinnaavutit. App aqqutigalugu toqqaannaq akitsortereqataanermut peqataasinnaavutit, nammineq qasseria akitsortereqataanissat aalajangissavat. Akitsorterinermi aki 550 DKK-nik aallartissaaq, sinneranilu nammineerlutit aaliangissavat qassimik akitsortererusunnerlutit. Akitsorterinermilu ajugaasimaguit aatsaat akiliisinneqassallutit.

 

Akitsorterineq angalanissamut ullut qulit (10) sioqqullugit aallartittarpoq nammineerlunilu qangattarnissamut 4 tiimit sioqqullugit matusarluni. Ajugaasimaguit toqqaannaq app’ikkut kalerrinneqassaatit akisunermullu nuutsinneqarlutit. Akigititap annikitsortannguanik akileeqqilaarnikkut ilorrisimaarnissamut, nerilluataarnissamut sullinneqarluarnissamullu taamaalilluni allanngortitsisoqarsinnaavoq.

 

Ilorrisimaarnerujussuullutit angalagit – ugguuna akitsorterinermut nittartakkakkut peqataagit  imaluunniit mobilinnut app'eq uani aajuk