Anigit
Club Timmisamut ilaasortanngorit
Club Timmisami ilaasortanngorputit
Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Kode isissutissaq allanngortiguk
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Angalanissat ilannguguk
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Premium-imut qaffatsinneqarnissamut neqeroorit
SeatBoost aqqutigalugu piffissaq kingulleq atorlugu Premium-imut qaffaanissamut kaattaassinermut peqataasinnaavutit. Kaattaassineq aallarnissaq ullunik qulinik sioqqullugu aallartissaaq – aatsaat ajugaaguit akiliissaatit. Iluarusunnarnerusumik angalagit!
SeatBoost aqqutigalugu angalanissat qaffatsiguk – sukkasuumik, ajornaatsumik eqaatsumillu
Imarpik qulaallugu angalaninni ilorrisimaarnerit annertusitikkusuppiuk? SeatBoost-app aqqutigalugu piffissaq kingulleq atorlugu Premium-imut qaffatsinneqarnissamut neqeroorsinnaavutit – oqarasuaatinnit angallattakkamiit toqqaannartumik. Kaattaassinerit SeatBoost-app aqqutigalugu ingerlanneqartarput, taamaalillutillu akit akileruminartut atorlugit angalaninni pitsaanerusunik misigisaqarnissavit qulakkeernissaanut periarfissaqassaatit.
Qaffanneqarsinnaasumik bilitseqaruit, SeatBoost Air Greenlandip Kalaallit Nunaata aamma Danmarkip akornanni Imarpik qulaallugu angallassinerinut aallartussanut atorneqarsinnaavoq.
Malugiuk, taamaallaat timmisartutta Airbus A330-800neo "Tuukkaq"-p, Nuup Københavnillu akornanni timmisartuussisup aallarfissai kisimik neqerooruteqarfigineqarsinnaammata.
Angalanerit ilorrisimaarnarnerutileruk – SeatBoost aqqutigalugu Premium-imi kiffartuussinermik iluarusunnartumik akikinnerusumik misigisaqarsinnaanerlutit misiliguk!
Seatboost App-imut ilitsersuut
- SeatBoost-app aqqutigalugu piffissaq kingulleq atorlugu Premium aamma Premium Flex-imut qaffaanissamut kaattaassinerit aallarnissaq ullunik qulinik sioqqullugu aallartittarput, aammalu aallarnissaq nal. ak. sisamat missaat sioqqullugit naasarlutik.
- Angalasussat kaattaassinermut peqataaniarunik timmisartuussinissamut check-in-ereersimassapput aammalu bookingkode atorlu allanneqassapput imaluunniit – ajornanngippat – allagartami ikissutissami QR-kode scannerneqassalluni.
- App-imi paasissutissat kortimi akiliutiminniittut allassavaat. Kortimi akiliummi neqeroorutip minnerpaaffissaa allanneqassaaq, kisiannili aatsaat qaffaanissaq ajugaaffigineqarpat aningaasat akilersinneqassapput.
- Ajugaasoq/ajugaasut SeatBoost-app aqqutigalugu toqqaannartumik nalunaarfigineqassapput, allagartallu ikissutissatik nutaat pissarsiarissallugit. Pisariaqarpat taanna aamma LATAM-app-ikkut aaneqarsinnaavoq, imaluunniit ikiartortarfimmi naqinneqarsinnaalluni.
Apeqqutigineqakkajunnerusartut
- Kaattaassinermi sekundit 60-it kingulliit inaarutaapput. Piffissami tassani peqataasut inaarutaasumik neqerooruteqarsinnaapput.
- Kaattaassinerup aallartinnerani qaffaasoqarsinnaanera qulakkeerneqarsinnaanngilaq – tamanna aatsaat kaattaassinerup naanerani aalajangiiffiusarpoq.
- Killilersuutinik atuuttoqarsinnaavoq, soorlu isumannaallisaaneq, kiffartuunneqarnissamut immikkut pisariaqartitsinerit imaluunniit bilitsit / akit aalajangersimasut.
- Angalasussat kaattaassinermi ajugaanngitsoorpat kortimi akiliummi inniminnigaagallartut erngerlutik atorunnaassapput.
- Ilaasussat SeatBoost-imut https://seatboost.com/contact-us imaluunniit SeatBoos-app-imi sullitanut kiffartuussivik aqqutigalugu attaveqarsinnaapput.
- Bilitsit uku qaffatsinneqarsinnaapput: Standard, Standard Flex.
Qaffaanissamut piareerpit?
SeatBoost misilillugu Premium-imut qaffatsinneqarnissamut neqeroorusuppit? SeatBoost-app toqqaannartumik aqqutigalugu kaattaassinermut peqataasinnaavutit – imaluunniit online-kkut ajornanngitsumik neqerooruteqarsinnaavutit. Maanna misilereersinnaavat, imaluunniit tulliani Air Greenlandimut angalanissarnut toqqorsinnaavat!