Nuummiit Iqalunnut
Tulluussimarutigaarput Nunatsinniit Nunavumut angalanissamut periarfissiineq ilisaritissinnaagatsigu. Taannaavoq Nuummiit Iqalunnut timmisartuussivipput nutaaq. Labradorillu kitaani periarfissat misigisassallu nutaat utaqqiinnarput.
Pingasunngornerit tamaasa, juunip 26-niit oktobarip 22-ata tungaanut
Juunip 26-niit oktobarip 22-ata tungaanut Nuummiit Iqalunnut Dash-8-mik atassuteqartassaaq. Aqqut taanna piffiit marluk akornanni aqqutaaginnarnani, kulturitta immikkuullarissut nukittorsarnerinut paasisaqarfiginerinullu ikaartarfiussaaq, taamaasillutillu assigiissutsit aammalu assigiinngissutsit misigissavatit.
Timmisartorneq nal.ak. marlunnik sivisussuseqassaaq, tassanilu qaqortulianik patitillugit qallersuusikkanik imeruersaatinillu sassaalliisoqassaaq.
Igalunni 7500-nik innuttaqartumi immikkut misigisassaassapput pingortitaq allanartoq aammalu kulturikkut aaqqissuussat immikkut ittut, taamatullu oqaluttuarisaanermi nunap inoqqaavisa nunallu immikkoortuani amerikamiut sakkutooqarnerisa oqaluttuassartai, nunatsinnitulli, paasisaqarfigissavatit.
Canadian North-imut ilaallutit Ottawamut, Kuujjuarmut Montrealimulluunniit ingerlaqqigit.
Canadian North-ip suleqatigineratigut Amerikap avannaani takusassarsionissamut periarfissat suli ajornannginnerulerput. Bilitsi ataaseq atorlugu – ullullu ataatsip ingerlanerani – maannakkut Nuummit Ottawamut, Montrealimut Kuujjuarmulluunniit ingerlaqissinnaalerputit. Aqqullu taanna kulturinik nutaanik, pinngortitamik oqaluttuanillu ammaassaaq, immitsinnut qaninnerulersilluta nunarsuarlu minnerulersillugulusooq.
Malugiuk: Canada-mut isersinnaanermut allagartaq – visum - eqqaamassagakku
Electronic Travel Authorization (eTA) nunani allani innuttaasunut, visum-eqarnani Canadaliartunut imaluunniit Canadakkoortussanut piumasaqaataavoq. eTA aallarfissaq kingusinnerpaamik nal.ak. 72-it sioqqullugu qinnutigineqassaaq.
Timmisartumut Canadaliartumut ikinissamut akuerineqassaguit, pas-it eTA-mik qinnuteqarninni atukkat nassassavat, taanna elektroniskimik eTA-mut attaveqarmat. Angalasut tamarmik eTA-mik peqarnissaq namminneq akisussaaffigaat. eTA sivisunerpaamik ukiuni tallimani atuuttarpoq, imaluunniit illit pas-ivit atuukkunnaarnissaanut. Uani paasisaqarnerugit – qinnuteqarit uani.
Anigit
