Angallannikkut allannguinerit

Nutarterineq nal. 12:30

Nuummi sakkortuumik anoraasuartarnera pissutigalugu timmisartoq Billundimeersoq Jettime ingerlaarfia allanngortinneqartariaqarpoq maannakkullu nal. 11.15 Kangerlussuarmut mippoq. Angalasut Billundimut oqqunneqassapput. Tamatumunnga pissutaavoq aqagu angallassinissamut pilersaarut ulikkaarmat aamma timmisartut Dash8 suli Nuummit timmisartunut inissiisarfimmiimmata. Aammattaaq Ilulissaniit Aasiannukartoq Dash8 Aasiannut missinnaanngimmat ullumi siusinnerusukkut aallarfimminut utiinnartariaqarpoq. 

Kitaata sineriaani silap angalanissamut pilersaarutitsinnit ingerlatsisinnaanerput ajornartippaa, mittarfiit ingerlaqqiffiusinnaasut aammattaaq silarlummik eqqorneqarmata. Taamaattumik ullumikkut Nunatta kitaani timmisartuussinissat taamaatiinnarneqarput. 

Maannakkut suliassaq annertooq aallartinneqarpoq angalanermut pilersaarutinik nutaanik suliaqarniarluni angalasut eqqorneqartunut amerlasuunut. Taakkua qinnuigaavut suliap tamatuma suliarineqarnerani naammagittaqqullugit. 

Qujanaq naammagittarnissinnut aamma paasinninnissinnut aamma allanngortitsinerit kingunerisaannik persaqusersuinermut ajuusaarpugut.

Inussiarnersumik inuulluaqqusilluta
Air Greenland

Angalanissat pillugu apeqqutissaqarpit? Immaqa akissut uani nassaarisinnaavat.

Angalaffissat kinguaattuussappat pisinnaatitaaffitit pillugit uani paasisaqarsinnaavutit: Ilaaffissara kinguaattoorpoq qanoq iliussaanga

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. 

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.