Angallannikkut allannguinerit

Ilulissani unittooqqasunut immikkut kaammattuut:

Ilulissani Stationimi sulisut ulapaarput, taakku oqilisaaffiginiarlugit ilaasut namminneq akunnittarfimmut inissaminnik ujarlersinnaasut kajumissaarpavut taamaalioqqullugit. Akiliutigisat akilerneqareerpata, suliffeqarfimmut akiliinermut uppernarsaat takutikkaani, akiliutigisimasaq utertinneqassaaq.

Angallanneq:

Ullumi silassaq naapertorlugu anori ulluni kingullerni Nuummi eqquisoq ullaakkut annikillissasoq ilimagigaluarparput, taamaattumik naatsorsuutigisimavarput ullormut pilersaarutit naammassisinnaallugit. Ajoraluartumilli anori sakkukillinngilaq, taamaattumik ullaakkut aallarniarnerit arlallit taamaatiinnartariaqarpavut.

Tamanna nunap iluani timmisartuussinernut eqquivoq, ilaasullu eqqugaasut ullup naannginnerani angalanissamut pilersaarutinik nutaanik nassinneqarnissatik naatsorsuutigissavaat.

Ullup ingerlanerani anori sakkukillinissaa naatsorsuutigineqarpoq, taamaattumik Atlantikoq qulaallugu timmisartuussinerit kingusinnerusukkullu nunap iluani timmisartuussinerit ingerlatiinnassasut naatsorsuutigaarput, neriullutalu sila pitsanngussasoq .

Call Center:

Ulluni kingullerni aallanngitsoornerit pissutigalugit saaffiginnissuterpassuit pissutaallutik Call Centerimi utaqqinarsinnaanera misigaarput. Uagutsinnut 70 12 12-mut sianerniaruit imaluunniit immersuillutit attaveqarsimaguit, malugiuk akissuteqarniarneq pisarnermiit sivisunerummat.

Kajumissaarpatsigit nittartagarput takoqqaartaqqullugu, tassani imaassinnaavoq ingerlaannaq akissutissarsisutit: Ilaaffissara kinguaattoorpoq.

Atlantiku ikaarlugu timmisartuussinerit marlunngorneq 8. Juli – Danmarkimiit:

Atlantiku ikaarlugu timmisartuussinerit, marlunngorneq 8. Juli – Kalaallit Nunaaniit:

Malugiuk, angalasussat ilaat nutaamik angalanissamut pilersaaruteqalermata pingasunngornermi juulip 9-iani aallartussamik. Angalasussat taakku aqagu nutaamik paasissutissiilerutta  immikkut ittumik sullisissavagut.

Nuup timmisartoqarfianiit aallartussanut paasissutissat pingaarutillit

Nuummiit pisattanik tunniusseriaatsit oqilisarumallugit, angalasussat tamaasa kajumissaarusuppagut tunuleriiaartut akornannut nikorfalinnginnissinni nammineerluni pisattanik nalunaarsuiviit self check-in-t atoqqullugit.

Imaaliussaatit:

1. Self-check-in-imi bookingnormut toortassavat
2. Ikilernermi allagartaq boardingkorti aammalu nassatat meqqiat kuffertinnut nammattakkannulluunniit ikkutassat anillatsissavat
3. Taamaalioreeruit aatsaat tunuleriaartunut nalunaaqutsersimasumut “Bag-drop”  ilanngutissaatit, pisattannullu ikkussassat ikkullugit. 
4. Nassatatit oqimaappallaarpata, innersuutissavarput nittartagarput aqqutigalugu una pisiarissagit, Min booking.
5. Nassatat qituaartut (soorlu nammattakkat) qamutikkut tunniunneqassapput Odd-size-mik nalunaaqutsikkamut tassa isumannaallisaasut securityp nalaanut.

Eqqaamajuk kinaassutsinnut uppernarsaatitit saaffiginnittarfimmut anngutinnginninni tigummeriissagakkit.

Sapinngisarput tamaat misigisatit piuminarsarusuppagut – malugeqquarpulli nassatat ingerlaneri unitttuussagaluarpata tamanna teknikkikkut ajutoornerummat Greenland Airportimit aallaaveqartoq Air Greenlandimi sulisuniit pinnani.

Qujanaq naamagittaravit! 

Ornitannut apuunnissat sapinngisarput tamaat isumagisarparput, pilersaarutinilli eqqortitsiniarneq ilaatigut ajalusoortarpoq, issittumilu sila aalajangiisuulluinnartarluni. Taamaammat angalaninni pilersaarutaanngitsumik kinguaattuussaguit angalanissalluunniit allanngussappat quppernermi uani ataatsimoorput ilisimasariaqakkatit.

Angalanerit kinguaattuussappat allanngussappalluunniit, angalanissamut pilersaarut nutaaq sms-ikkut imaluunniit e-mailikkut ilinnut nassiutissavarput.

Eqqaamassavallu attavigisinnaaqqullutit angalaninni mobilip atukkavit normua e-maililunniit atukkat uagutsinnut ilisimatitsissutitut nalunaarutigissagakku. Illit nammineq ajornanngitsumik paasissutissat ilinnut tunngasut nutarsarsinnaavatit, uani 'Bilitsera'.

Bilitsit Air Greenlandimit pisiaanngippat, bilitsisiffinnut saaffiginnissaatit.

Aamma aallarfissat nittartakkatsinni uani Tikittussat aallartussallu - timmisartuussivissat, malinnaavigisinnaavat imaluunniit mittarfinni isiginnaarutini paasissutissiisarfinni imaluunniit Club Timmisa app– ikkut. Eqqaamajullu app-imiittoq ’malitat’ ikissagakku, taava timmisartumut ilaaffissannut tunngasumik allannguuteqassagaluarpat ingerlaannaq nalunaarutisissaatit.

Piaarnerpaamik ornitannut apuunnissat anguniarlugu angalanissannut allannguut pitsaanerpaaq isumagisarparput.

Angalanissamut pilersaarut nutaaq ilinnut naleqqutinngippat una, immersugassaq – atorlugu pilersaarummik allamik piumasinnaavutit, bilitsivilluunniit akiata utertinnissaa kissaatigalugu. Sullitanut kiffartuussivipput oqarasuaatikkut saaffiginnittunut ima ammasarpoq (GMT-3), ataasinngornermiit tallimanngornermut nal. 6-16 arfininngornikkut aamma saapat nal. 08-15.

Angalanissannut siunertarisat eqqortissinnaajunnaarukku, angalanerpit akiata utertinnissaa pisinnaatitaaffigaat.

Bilitsit Air Greenlandimit pisiaanngippat, angalanissavit allanngortinnissaanut imaluunniit akiata utertinnissaanut tunngatillugu pisiffigisannut saaffiginnissaatit.

Issittumi angalatilluni kinguaattoortarnerit ajoraluartumik angalanermut ilaasinnaasarput, mittarfimmilu sulisut sapinngisartik tamaat pitsaanerpaamik ikiuunniartarput. Piffissamik sivisuumik kinguaattoortoqartillugu, allagartanik nerissutissanik neqeroortarpugut, kinguaattoornerlu sivitsoraluttuinnassappat hotelimut inissinneqarnissat isumagisarlugu.

Pisut suuneri apeqqutaatillugit aningaasanik taarsiivigitinnissat pisinnaatitaaffigisinnaavat. Taamaattumik pisinnaatitaaffitit quppersakkami uani pisinnaatitaaffitit – atuakkit. Malugeqquarpulli Air Greenlandi silap allanngorarneranut akissussaasuunngimmat.