Ilulissat

Sermip iigartarfiata eqqaaniilluni iluliarsuit ataqqinarpasillutik sarsuasut isiginnaarlugit inuuneq pitsaanerpaaffissaminut qaffakaattutut ilisarpoq. Ilulissat kangerluat tupinnanngitsumik Unescop nunarsuatsinni eriagisassatut kingornussat nalunaarsuiffiannut ilanngunneqarnera tunngavissaqarluarpoq.

Sisimiut

Sisimiut illoqarfimmut nutaaliaasumut assersuutissaavoq, eqqaa inunnit silaannarissumiikkusuttunit timikkullu imminnut unammillerusuttunit ornigarneqarluartoq.

Aapilattoq (Upernavik)

Aappilattoq Kalaallit Nunaata kitaani nunaqarfiuvoq, Upernavimmik pigineqartoq.

Aasiaat

Qeqertarpassualimmut feriarnissaq pileritsaassinnaaviuk? Taamaappat Aasiaat Qeqertarsuup Tunuani kujasissumi inissisimasoq tamatumunnga piukkunnarluartuuvoq

Ikerasak

Ikerasak qeqertami Uummannap kujataatungaani nunaqarfiuvoq. Inissisimanera aalisarnissamut piniarnissamullu periarfissanik ulikkaarpoq, ukioq naallugu pisassaallutik puisit, qalerallit, qeeqqat, tuttut umimmaallu

Isortoq

Isortoq Tunumi Tasiilamit 100 km-it missaannik kippasinnerusumiippoq Ammassallillu nunaqarfiinit minnersaallunilu kujasinnersaavoq. Sermersuarmik qarsutsisunut Isortoq immikkooruteqarluinnartuuvoq.

Ittoqqortormiit

Illoqqortoormiut illoqarfiat timmisartumiit alakkaruk, illullu qisunnik sanaat kusanartut ersarissunik aappalaartunik tungujortunillu qalipaatillit siammarsimasut takukkit. Illoqarfik nunalu allanngutsaaliugaq ataatsimoortut, ileqqutoqqat, kulturi pinngortitarlu nalissaqanngitsut.

Kangerlussuaq

Kangerlussuaq mittarfiinnaanani allarpassuarnik periarfissaqarpoq. Timmisartumit niugussi pinngortitaq saassinniippoq. Tassani sermersuup iigartarfissua ajornannginnerusumik qanillattorsinnaavarsi.

Kangersuatsiaq

Kangersuatsiaq Upernaviup kujataani inissisimavoq ungasissuseqarluni miss. 56 kilometerinik nunaqarfippassuanilu qaninnersaalluni Upernavimmut. Ilisimaneqaatigivaa kusanassutsini paarilluakkallu illut.

Kullorsuaq

Kullorsuaq pilersinneqarpoq 1928-mi atserneqarlunilu qaqqaq nunaqarfiup eqqaaniittoq malillugu, kullorujussuangasoq. Piniarneq aalisarnerlu inuutissarsiutit pingaarnersaraat pingaartumi puisit, qilalukkat qernertat qaqortarlu pisarineqartartut.

Kulusuk

Kulusuk Ammassallip eqqaanni nunaqarfeerannguaq Tunumut isaariaavoq. Qeqertaaqqami innuttaasut taakku aalisartuusut piniartuusullu takornarissanik sungiussilluarsimasuupput inussiarnersuullutillu.

Kuummiut

Kuummiut tunumi Kalaallit Nunaanni kusanarnerpaat ilaanni nunami inissisimavoq. Nunaqarfinni tunumiittuni kisiartaalluni aalisakkeriveqarpoq, peqqutaaqataasunut peqqutaapput, ukiakkut talittarfik sikuneq ajormat.

Maniitsoq

Maniitsoq pinngortitamik sisorarnermillu nuannarisalinnut alianaalluinnartuuvoq. Illoqarfik qeqertamiittoq qeqertanullu allanut siammarsimasoq ikaartarfeqartitserpoq.

Nanortalik

Ilungersunartorsiorfiusumi eqqissisimasinnaavit? Nanortalik siooragisaqaratik qaqqasiortartunut, qajartortartunut nunakkullu pisuttuartartunut ornigannaajuvoq, immaqalu nannumik naapitsiffiusinnaalluni.

Narsaq

Qaqqarsuup ataani ippoq illoqarfik Narsaq, ukiorpassuunngitsut matuma siorna tunngaviligaq narsaarsuarmilu qorsooqqissumiimmat, Kujataani angalanissami aallaavigissallugu iluartoq.

Narsarsuaq

Mittarfimmiit km-it qulaaluaannaat ingerlagaanni sermersuaq tikittariaqarpoq. Iigartartumut qannguluttumut pisuttuarit imal. Erik Aappalaartup naasorissaasup illuliaani takisuumi qallunaatsiat qanillikkit.

Niaqornat

Niaqornat Nuussuup sineriaani avannamut inissisimavoq, Uummannap kangerluata naanerani Diskobugtimut. Inuttaasut inuuniuteqarput piniarnermik aalisarnermillu assigiinngitsorpassuarnik.

Nuussuaq (Upernavik)

Nuussuaq avannaata kitaani inissisimavoq qeqertaasami Nuussuarmik atilimmi 200 kilometerit missaani Upernaviup avannaaniilluni.

Pituffik (Thule)

Pituffik (Pituffik Space Base) amerikkarmiut sakkutooqarfigaat, tassaniinneq akunninnerlu immikkorluinnaq ittunik maleruagassartaqarpoq.

Qaanaaq

Qaanaaq Kalaallit Nunaanni illoqarfiit avannarlersaraat. Immap tungaanut sivinganermiilluni Kalaallit Nunaanni illoqarfinnut allanut assingunngilaq. Aqquserngit narlusuut akornini illut tulleriiaarlutik inissisimapput.

Qaarsut

Nunaqarfimmut piviusumut takornariaritsi imal. Qaarsunit aallaaveqartumik Uummannami misigisassarsioritsi avannarparternerullusiluunniit angalagitsi. Oqaluttuarisaaneq inuillu kulturiat soqutigigussigik Qilakitsoq takornariarsiuk.

Qaqortoq

Kujataani illoqarfiit pingaarnersaat, inuusuttut ilinniarfiat, taaguummik ”Kalaallit Nunaanni illoqarfiit alutornartut alianaannerpaallu ilaannik” ilisarnaatilik.

Saattut

Saattut nunaqarfeeraavoq, 26 kilometerinit avannarpasissuseqarluni Uummannamiit.

Saqqaq

Saqqap seqernup saqqaagaaniinneq ateqaatigaa, taamalu atserneqarsimanera piaarinaatsoornerinnaanngilaq, Kitaanimi nunaqarfinnguaq taanna Qeqertarsuup Tunuani Ilulissanit 100 km-it missaannik avannarpasinnerulluni qeqertaasap Nuussuup kujataa tungaaniippoq.

Savissivik

Qimusseriarsuup avannarpasissuani sinerissami nunaqarfik inissisimavoq ateqartoq Savissivik qeqertamiilluni, ungaluneqarsimasutullusooq sermersuarmit illuni, imarpissuarmut sammilluni.

Sermiligaaq

Nunaqarfik Sermiligaaq kusanaqisumiippoq qeqertaasami Kalaallit Nunaata tunuani 100 kilometerini avannaaniilluni Tasiilap. 200 sinnulaarlugit inoqarpoq isumalluutaavoq piniarneq aalisarnerlu.

Siorapaluk

Sioarapaluk avannarpasinnersaavoq ’ilumoortoq’ nunaqarfik Kalaallit Nunaanni – Nunarsuarmimi tamani, amerlasuut isumaat malillugu. Taamaallaammi mittarfeqarfiit sakkutooqarfiillu inoqartut avannarpasinnerupput.

Tasiilaq

Tasiilaq Kong Oscar Fjord-ip sinaani qaqqap innaani qaqqarsuarnit qutaarluusunit qaavi aputaajuitsunit unguneqarsimalluni inissisimavoq. Taanaannarluunniit pissutigalugu illoqarfik takornariagassaqqissuuvoq.

Tasiusaq (Upernavik)

Nunaqarfik avannaaniittoq kujataaniittup aapparaa ateeralugu, Tasiusaq, Upernavimmiit avannamut 71 kilometerinik ungasitsigisumiilluni Qaasuitsup Kommuneaniilluni.

Tiniteqilaaq

Tiniteqilaaq Ammassalik qeqertaasa tallimaasut ilagaat nunaqarfik. Nunaqarfik Ikasativaq-kangerluata illuatungaaniippoq Sermiliup tungaanut, tunumi sermersuaqarfiusumut.

Upernavik

Upernaviup eqqaata untritilinnik qeqertaqarnera feeriarnermi qajartornissamut naleqqulluinnartuuvoq. Tamanna anorimut oqquuvoq, qatsunngarittarluni pinngortitarlu nalissaqanngilluinnartuulluni. Nunaqarfiit aqqusaartorlugit qajartorsinnaavusi. Juuli-miit aggustimut innuttaasut tikilluaqqusisaqaat. Juuni qaammat aatsaat siku aakkiartulersarpoq.

Upernavik Kujalleq

Upernavik Kujalleq, siusinnerusukkut danskisut ateqartinneqarsimavoq ’Søndre Upernavik’, kujasinnerpaajusoq Upernaviup qeqertarpaani.

Uummannaq

Isit isigisut tarnerlu misigisanik ulikkaartoq apeqqutaallutik Uummannaq Kalaallit Nunaanni sumiiffiit pinnernersaattut inuit ilaannit nalilerneqartarpoq. Illoqarfimmut qaqqarsuup uummatitut ilusillip killinganiittumut tikilluaqqusivugut.

Qasigiannguit

Qasigiannguit diskobugtimi inissisimavoq, Ilulissat Aasiaallu akornani. Illoqarfiup inissisimanera pisulluni ingerlaartartunut nuannarisalinnut tuulluuppoq.

Itsarnisarsiorneq

Avannarpasissumiit kujasissumiit tikiupput –oqaluttuarisaaneq ukiut 4500 matuma siorna pisimasunik aallaavilik kulturikkut, oqaluttuatigut piviusuutitatigut, upperisatoqqatigut inutsigullu ersiuteqarpoq.

Qaqqasiorneq

Qaqqat misigisassarpassuallit qaniniagassaqqissuupput. Tamaani qaqqasiornissassinnut naapertuuttunik portusuunik pukkitsunillu qaqqaqarpoq.

Flightseeing

Misigisassaq immikkuullarittoq misigiuk illoqarfiit qaqqasuillu qulaallugit, pinngortitarlu qanillivillugu.

Immamut aqqarneq

Sila kiattorsuunngitsoq nassuerutigisinnaavarput akerlianilli immap naqqanut allanit pallinneqanngisaannangajattumut aqqarluni angalasinnaaneq neriorsuutigisinnaavarput

Events

Kalaallit Nunaat immikkut ittunik misigisaqarnissamut sapiissusilinnik kajungilersitsijuartuuvoq. Misigisassat ukiut tamaasa pisartut, nunami pinngortitaq kulturilu- innutaasut peqatigilluinnarlugit neqeroorutaasarput.

Kusanartumik nerisassioriaaseq

Nunarsuarmi neriniartarfiit kusanartunik nerisassiortartut pitsaanersaasa ilaat Kalaallit Nunaanniipput. Nerisassallu umerneqarsinnaasut, nunap nammineq pissarititaanik suliaasut takuneqarsinnaavoq.

Kalaallit naapisimaakkit

Kalaallit inoroorsaarumatuut angerlarsimaffimminnut tikilluaqquaasi. Kaffillerneq nuannersunillu oqaluttuarneq akiugassaanngitsut atorluarsigik.

Glacier lodge

Eqimi, nunatsinni pinngortitami inuilaarsuarmiittumi, Glacier Lodgemi misigisassat tupinnaannartut misigissavatit. Illuaraqarfitsinni pinngortitarsuarmi nalissaqanngitsumi nuannersunik assigiinngitsunik misigisassarsiorneq aammalu eqqissimaarneq misigissavatit.

Qulimiguulimmik qullarterneq

Kissaatigisarsi naapertorlugu qulimiguullip qaqqap qaanut ingerlattarsinnaavaasi. Maniitsoq qulimiguulimmut ilaalluni sisorariarfissat nunarsuarmi pitsaanersaraat- pikkunartoq, sapiisernartoq, uerinartorlu.

Qimussit

Qimussimik talerpimmut saamimmullu sangusarluni, pinngortitaq akimasoq aqqutigalugu, qamutit perlaavisa qimmillu qimuttut ilungersortut nipaat tunuliaqutaralugit. Sorlutsigut anersaartorneq issimit pussukulaaraluartoq misigisap puigugassarinngisap soqutaajunnaartippaa. Qimussiussisup qimmit tamaviisa aqullugit naalakkersorpai. Ilaasullu ingilluartitaarluni misigisaatini tamaasa nunatta kusanassusaanik immissavai.

Arfersiorneq

Kalaallit Nunaata imartaa arfernik ulikkaarpoq. Miluumasut taama angitigisut qanillivillugit isiginnaarlugit tupinnangaarmat oqaasissaaleqinarsinnaasarpoq.

Igloo lodge

Igloo Lodgemut alutornartumut, ukiuunerani misigerusutanik piviusunngortitsisussamut, tassa nunamut apummik qallikkamut, unnuamilu qalipaatigissaartunik arsarneqarfiusartumut, tikilluarit!

Kangerluk iigartartumik sermilik

Ilulissat kangerlua, Kangianik taaneqartartoq, taassumalu sermia iigartartoq UNESCOp nunarsuami kingornussassat allattorsimaffianni ilaavoq. Tassaniissimagaannilu iliuuseq taanna paasinarluarpoq.

Sermersuaq

Sermersuaq ukiunik tuusintilippassuarnik pisoqaassusilik annertuumik pissaaneqarlunilu tiguartinnarpoq. Nunarsuup avannaatungaani sermit nunamik qalliisut annersaata sermitaanik takornarnissat qilanaarilereersinnaavat.

Piniarneq

Aallaaniartartut kissaatigigajuttarpaat tuttumik umimmammilluunniit tammajuitsussamik pisaqarnissaq. Kalaallit Nunaannilu pinngortitami inoqarfinniit ungaserujussuanngitsumi pisarpoq; Danmarkimiit aallarninniit nal.ak. tallimat qaangiutiinnartut piniariarlutit aallassaatit.

Qajartorneq

Kalaallit Nunaanni qajartorneq, qajamik nutaaliamik atuinermik misilittagalinnut, immami iluliarasaartumi nipaatsumilu angalaarnermik nuannarisalinnut tulluartuuvoq.

KOKS Ilimanaq lodge

Ilimanaq Lodge, nunaqarfimmi nuannersumi Ilimanami, pinngortitallu atugassarititaanit aqunneqartumi, inissisimavoq.

Aliikkutaralugu aalisarneq

Aalisarneq, qarsorsat, neqitaasat kaavittut aalisakkallu suugaluarnersut soqutigisaraagit? Kalaallit Nunaanni piffinni assigiinngitsuni aliikkutaralugu aalisarneq ukioq kaajallallugu nuannisaatigineqartarpoq. Immikkut ittumik aalisarnermik misigerusukkuit Kalaallit Nunaanni aliikkutaralugu aalisarneq misilitassaqqippoq!

Umimmannik takornariarneq

Nunap qeriuaannartup narsarsuanut umimmaat 27-it Tunup avannaanit nuunneqartuneersut qulinik tuusintillinnit amerlanerit ungasianiit qimerluukkit.

Katersugaasiviit eqqumiitsuliallu

Qalipakkat, ujaqqat saarngillu. Kalaallit Nunaanni katersugaasiviit nunap kulturikkut kingornussaanik nutaalianik atortoqarluni takutitsiviupput.

Nipilersorneq

Kalaallit siullerpaamik qilaatersorneranniit nipit uummammeersut pinngorput. Ullumikkut nipilersortartut tamatuminnga ingerlatitseqqittuupput.

Seqineq kaaviinnartoq

Siorna aasakkut seqineqarpianngila? Taamaappat seqernup kaaviinnarfia ussassaarutigaarput.

Arsarnerit

Upperisatoqqat oqaluttuallu piviusuutitat ersarissumik oqaluutarput; arsarnerit ersituunut naatsorsuussaanngillat. Arsarnerit nunarsuup avannaatungaani siumugassaanerusartut pinngortitami silaannaap pilersitarai. Takullugimmi tupinnangaarmata inuunermi puigugassaanngillat. Nunarsuup avannaatungaani piffinni arlalinni arsarnerit siumugassaasarput, taakkunanngalu pinngortitami kusanangaartumi takuniffissani Kalaallit Nunaat siuttuuvoq.

Umiartorneq

Angallammut ikineq, niuneq, nunaliarneq, ikeqqinnerlu! Pinngortitami kusanangaartumi umiarsuarmik angalaarneq, tupigusunnermik annertuumik nassataqartartoq, misiginngitsoorniaqinagu.

Pisiniarfilerineq

Ullutsinni ilusilersuillammaat nutaaliortuupput Kalaallit Nunaannillu oqaluttuaqqittuullutik. Takukkit, attukkit malugikkillu.

Sisoraatit snowboard-ilu

Ujakkaarfissat piareersariikkat, qaqqat innaat qutaarluit, ammut kigaatsumik sisoornerit qummullu ilungersunartorsiornerit. Naatsumik oqaatigalugu kikkunnut tamanut nunami matumani sisorarluni timersornermut ilisarititsineq.

Qamuteralaat

Oqariartaaseq - aassi benzinamik akoqarpa? Taamaappat qamatueralannik angallattaateqarit. Tigummiviit motoorimut sukkatsisaatitallit tigoriarlugit nunap timaanut nutaanik misigisassarsioritsi.

Pisulluni ingerlaarneq

Nunaqarfinniit illoqarfinniillu nunap timaani tatsit qaqqat imarlu tikikkuminartuupput. Kalaallit Nunaanni pisummik angalaassaguit, nunap assinga sumiissusersiullu puigussanngilatit, imaluunniit misilittagalimmik angallassisoqarit.

Puilasut kissartut

Kujataani qeqertami Uunartumi imermi 38 gradinik kissassusilimmi inuunerissarnissamut periarfissaqarpusi. Imeq puilasunit pingasuneersuusoq tatsimut ujaqqanik sapusiukkamut kuuppoq.