Anigit
Mamaq
Kalaallit Nunaanni ilaquttatit ikinngutitillu kalaaliminernik nassiussivigikkit.
Mamaq aqqutigalugu nassiussinnaavatit:
- Aalisakkat
- Neqit
- Nunami tunisassiat
Mamaq aqqutigalugu timmisartukkut nassiussat tassaasinnaapput qerisut nillataartullu, mittarfimmut toqqaannartumik tunniunneqartut.
Akit aalajangersimasut
Matumani illoqarfik nassiussiviusoq apuussivissarlu apeqqutaatinnagit akit aalajangersimasut pineqarput.
Tunniussinermi tamatigut aningaasanngorlugit akiliisoqartassaaq.
- 10 kg-t tikillugit nassiussat 400 koruuneqarput
- 11 aamma 20 kg-t akornanni nassiussat 600 koruuneqarput
MAMAQ akikitsuliaavoq, taamaammallu usinik pingaarnersiuilluni tulleriiaarinermi kingullertut inissisimalluni. Taamaammat ilaatigooriarluni apuuffissamut ingerlanera sivisusarsinnaavoq.
Nassiussat killeqarnerat
Mittarfiit assigiinngitsut qerisunik/nillataartunik tigusisinnaanerat killeqarsinnaavoq.
Taamaattumik nassiussavit timmisartumi ilaanissaata tungaanut mittarfik inissaqartitsisinnaanersoq imaluunniit qaqugu tunniussiguit pitsaanerpaassanersoq paasiniaqqaassallugu isumatusaarnerussaaq.
Poortuisarneq
Mamaq atorlugu nassiussat tamatigut qajannaatsumik poortorsimassapput. Tassa ilaatigut poortuutit naammaginartumik qajannaatsuussapput ussissuussallutillu, taamaalillutillu tipiliussanngillat seerisoqassanatillu. Tamatuma saniatigut nassiussat soorunami eqqortumik poortuinermut piumasaqaatinik naammassinniffiussapput.
Mamaq ornigassat
Ornigassanit ukunannga aammalu taakkununnga Mamaq atorlugu nassiussisinnaavutit:
| -imiit/-imut | Illoqarfiit kodii |
| Kangerlussuaq | SFJ |
| Narsarsuaq | UAK |
| Aasiaat | JEG |
| Ilulissat | JAV |
| Sisimiut | JHS |
| Maniitsoq | JSU |
| Nuuk | GOH |
| Uummannaq | UMD |
| Paamiut | JFR |
| Upernavik | JUV |
| Qaanaaq | NAQ |
| Qaarsut | JQA |
| Kulusuk | KUS |
| Tasiilaq | AGM |