ILIK aqqutigalugu suleqatigiinnermut nutaamut Air Greenlandi timmisartornissamut bilitsinik 150.000 kroninik nalinganut tapersersuivoq, tamanna Neriuffiit Kattuffiannut iluaqutaassaaq Kalaallit Nunaanni nappaassuarmik kræftimik eqqorneqartunut aamma taakkua qanigisaan-nut najukkami iliuuseqarfigineqarnissaannut.

Air Greenland aamma Neriuffiit Kattuffiat suleqatigiinnermut isumaqatigiissumik isumaqati-giissuteqarput, tamatuma kattuffiup najukkami inuiaqatigiinnut annguttarnera ajornanngin-nerulersissavaa. Tamatumani qitiutinneqarpoq kajumissutsiminnik sulisut ilinniartitaanis-saat aamma najukkami inunnik attaveqaataasunik pilersitsineq, amerlanerit angerlarsimaffi-tik qaninnerullugit tapersersorneqarnerannut iliuutsinut tapertaassaaq.

Suleqatigiinnermut ilaapput pikkorissarnerit, siunnersuinernik ingerlatsinerit, paasisitsiniaal-luni ataatsimiinnerit aamma attaveqaatiginnermik ingerlatsinerit ilaatigut makkunani Qaa-naaq, Ilulissat, Uummannaq, Sisimiut, Maniitsoq, Qaqortoq, Narsaq, Nanortalik aamma Ta-siilaq. Ilimagineqarpoq ingerlatsinernut peqataasussat 72-it missaanniissasut.

“Uagut immikkut periarfissaqarpugut allatut iliornissatsinnut pikkorinnerpaaffipput aqqutigalugu, inuit aamma sumiiffiit atassuteqarnerisigut. Suleqatigiinnermik taamatut illut isumaqatigiissuteqarutta, tamatumani pineqarpoq timmisartuutileqatigiittut susassaqarnerput naleqartumik pilersitsinermut, angalanermut namminermut annertunerusumik. Nuannaarutigaarput Neriuffiit Kattuffiata sulineranut pingaaruteqartumut tapertaasinnaagatta,” Jacob Nitter Sørensen, Air Greenlandimi pisortaaneq oqarpoq. 

Neriuffiit Kattuffiata ukiumoortumik nuna tamakkerlugu katersuiniarnissaata tallimanngornermi oktobarip ulluisa 30-anni piaareersarnera ilutigitillugu isumaqatigiissutigiissut piviusunngorpoq. Air Greenlandip angalanermut tapersersuineratigut kattuffik periarfissaqalerpoq nammineq aningaasaatini atorlugit ingerlatsinernut allanut atuinissaminut, tamatumunnga ilanngullugit najukkani peqatigiiffinni iliuuseqarnerit.

”Air Greenlandimit suleqateqarneq piffissami pitsaalluinnartumi pivoq, nuna tamakkerlugu katersuiniarnissarput tikilivissorlu. Angalanermut tunngatillugu ikiorneqarutta taava uagut nammineq aningaasaativut nappaassuarmik kræftimik eqqorneqarsimasunut qanigisaanullu iliuutsinut allanut amerlanernut pingaaruteqartunut atorsinnaavagut. Uagutsinnut taama-tuttaaq najukkani immikkoortortaqarfitsinnut tamanna annertunerusumik periarfissaqartitsilerpoq ingerlatsinernik ineriartortitsinissamut aamma najukkani tapersersuinissanut. Taamaattumik aningaasat atorsinnaasavut iluaqutiginerulissavagut aamma sulinitsinni angusaqarnerulersinnaalluta,” Ivalo Heilmann, Neriuffiit Kattuffiani pisortaq, oqarpoq.

Air Greenlandip tapiissutai ingerlatsinernut, pikkorissartitsinernut aamma piumassutsiminnik sulisut, inuit isumalluutaasut, kræftimi eqqorneqarsimasut aamma qanigisat ineriartortinneqarnissaannut angalanernut atatillugu atorneqassapput.

Aaqqissuussineq ILIK aqqutigalugu akikillisaanerit 75 % tikillugit anguneqarsinnaavoq inissanit atorneqanngitsunik atuinermi. Taamaalillutik taakkua 150.000 koruunit angalanernut amerlanernut atorneqarsinnaapput, apeqqutaalluni bilitsit qanga inniminnerneqarnerat kiisalu inissat sorliit atorneqarsinnaanerat.

Isumaqatigiissut atuutissaaq 2026-mi oktobarip aallaqqaataanit 2027-mi septembarip ulluisa 30-annut. Tamatuma kingornatigut isumaqatigiissuteqartut ingerlatsinernit ingerlanneqarsimasunit aamma suleqatigiinnerup inernerinik nalilersuissapput.