Ukiut marluk sinnerlugit matuma siorna biilinik atortunillu innaallagissamik ingerlatilinnik, nunat tamalaat akornanni timmisartoqarfinni nutaani timmisartunik sullissinermi atorneqartussanik, pisinissaq pilersaarusiorneqalerpoq. Tassami Air Greenlandip nunami sullissisarfiata timmisartut Nuummi mittarfissamut nutaamut mittut tamaasa sullittarpai, atortullu nutaat atorneqalereersimapput. 

Københavnip Kangerlussuullu akornanni atlantikoq qulaallugu timmisartuussineq Nuummut Ilulissanullu nuunneqassamaarmat atortut ukiunik 25-niit 40-nut pisoqaassusillit taarserneqarnissaat pisariaqalerpoq. Sivitsunngitsoq taakkua najoqqutassianut nutaanut IOSA-llu piumasaqaataanut naapertuukkunnaarput.

Ilulissani atortorissaarutissat, nunani tamalaani mittarfittaassaq 2026-imi ammarpat atorneqariaannanngorlutik piariissapput.

Nuuk Ilulissallu illoqarfiugamik erngup nukinganik nukissiorfillit, biilinik innaallagiatortunik nutaanik nassaartoqarnissaa pissusissamisoorpoq. Biilit dieselimik ingerlatillit ilaat truckinik imaluunniit traktorinik innaallagiatortunik taarserneqarsimapput, soorluttaaq biilivut hybridit biilinut innaallagiatortunut taarserneqarsimasut.

Biilit innaallagissamik ingerlatillit pisiarineqarnerannit ukiup nikinnissaata tungaanut orsussap 80 tonsinik sipaarneqarnera ilimanarluinnarpoq. 

Atortorissaarutilli angallatillu pisiarineqarneranni CO2-mik 10.058 tonsinik aniatitsisoqarpoq, atortorissaarutit sananeqaqqaarlutillu Nuummut Ilulissanullu assartorneqarmata. Tamanna Scope 3-mik taaneqarpoq, tassa aniatitsineq suliarineqarnerani pilersinneqartoq, tamannalu Air Greenlandip 2024-mut silap pissusianut naatsorsuutaani ilanngunneqarpoq.

Suli biilit dieselitortut innaallagissamik pilersuinissamut aaqqiissutissanik nassaartoqarsinnaasimanngilaq, taamaanngilarli, maannakkulli biilit amerlanerit innaallagissamik pilersorneqarput.