Club Timmisamut ilaasortanngorit

Taamaatiguk

Ottawa

Ottawa, Canadap kangiatungaani inissisimasoq, Canadami illoqarfiit pingaarnersaraat takornarianiit ornigarneqarluartartoq. Illoqarfik kusanartoq, attaveqaasersuutinik nutaalianik siumugassaalik, ilaatigut illutai qangasisarpaluttut oqaluttuarisaanermik eqqaasitsisut, pinngortitamik kusanarluinnartumik avatangiisilik kulturillu assigiinngitsorpassuit katersuuffiat.

 

Illoqarfik pisoqarfiujuartoq, illunik qanganitsanik takusassaqarfik aammalu soqutiginartumik oqaluttuassartalik, kulturillu assigiinngitsut katersuuffiat, takornariassallugu pilerigineqartaqaaq.

 

Ottawap aamma tusaamasaassutigai naatsiiviliarsuit illoqannginnersallu kusanaqisut, soorlu Gatineau Park, pisummik angalaarnissamut, cykilernissamut aamma sisorarnissamut piukkunnarluartoq. Illoqarfik ulapaarfik qimalaarlugu Major’s Hill Parkimi, Confederation Parkimi imaluunniit Central Experimental Farmimi qasuersaalaarnissamut periarfissaqarluarpoq.

Ottawami misigisassat

Ottawami takornariassallugit pilerigineqarnerpaat ilagaat Parliament Hill aammalu Canadas nationalgalleri, illorsualiat alutornartut illulioriaaseq kusanarluinnartoq atorlugu suliat. Ottawami ilisarnaat Parliament Hill takornariat pinngitsoornatik takorusuttarpaat. Naalakkersuisut tassani inissisimapput, illorsuarlu gotisk revival arkitektur malillugu sanaajuvoq. Illorsuaq nassuiaasulerluni takornariarneqarsinnaavoq, illorsuarmillu paarsisut nikinnerat, aasaanerani pisartoq, isiginnaassallugu nuannarineqartaqaaq.

 

Ottawami takornarianit aamma ornigarneqarluartarpoq illoqarfiup qeqqatigoortoq ikerasaliaq Rideau-kanalen, taanna UNESCOp nunarsuatsinni eriagisassatut kingornussat nalunaarsuifiannut ilaavoq. Immakkut aqqut taanna kusanartoq Ottawap kuussuanik Lake Ontariomut atassusiivoq. Isikkiviillu assigiinngitsut qalipakkatullusooq kusanassusillit aammalu soorlu sukuutsefiusinnaanini, umiartorfiusinnaanini  cykilerfiusinnaaninilu tusaamasaassutigai.

 

Ottawami katersugaasiviit assigiinngitsut nunap oqaluttuassartaanik aammalu kulturinik ssigiinngitsorpassuarnik ersersitsisut amerlaqaat, soorlu takornariassallugillu nuannarineqarluartut ilaatigut ukuupput Canadian Museum of History, Canadian War Museum aamma National Gallery of Canada.

Kulturikkut takornariagassat immikkuularissut saniatigut, naatsiiverujussuit illoqannginnersallu kusanartut Ottawap tusaamasaassutigai. Garineau Park pinngortitamiinnermik nuannarisalinnit ornigarneqartaqaaq, tassanimi pisummik angalaarnissamut, cykilerujoornissamut aammalu illinertigut sisoraatinik ingerlaarnissamut periarfissaqarpoq. Illoqannginnersallu uku Major's Hill Park, Confederation Park aamma Central Experimental Farm ulapaarluni illoqarfissioreerluni eqqissisimaaffissaqqissuupput.

 

Ottawamilu nerisassanik soqutigisalinnut neriniartarfiit nunani tamalaani nerisassianik sassaalliisartut  assigiingitsorpassuupput. Canadamiut nerissassiaat allamiulluunniit nerisassiaat toqqarusukkaanni periarfissarpat amerlaqaat.

 

Naggataatigullu taaneqarsinnaavoq Ottawa illoqarfiummat kusanartoq, assigiinngitsorpassuarnik kulturilinnit najugaqarfiusoq, immikkullu ittumik oqaluttuassartaqalik. Illulioriaatsit assigiinngitsut takussaapput, katersugaasiviit tusaamasat, illoqannginnersat kusanartut nerisassiallu illinnarsaakkat misigerusukkaanni, angalanermik nuannarisalinnit Ottawa tikittariaqarpoq.

Canadamut isernissamut piumasaqaatit

  • Passit visummillu Canadamut angalanissamut tunngasut uani atuakkit

  • Canadamut angalannginnerni eTA pillugu paasissutissat uani atuakkit

  • Apeqqutigineqakujuttut eTA pillugu uani atuakkit

PAASISSUTISSAT OTTAWAMUT TUNNGASUT

Ottawa nunap immikkoortuani Ontariomiittoq Canadami illoqarfiit pingaarnersaraat Canadamilu illoqarfiit annersaasa sisamaralugu.

Illoqarfik Ottawa, nunap immikkoortuinik Ontariopmik Quebecimillu killeqarfiliilluni Ottawap kuussuata kujataatungaaniippoq.

Ottawa 1 millionit missaannik inoqarpoq, tassanilu oqaatsit atorneqartut assigiinngitsut 130-t sinneqarput.

Canadami nuna tamakkerlugu katersugaasivit takornariagassalu assigiinngitsut Ottawamiipput, soorlu National Gallery of Canada, Canadian Museum of History aamma Parliament Hill, Canadami politikkikkut ingerlatsinermi qitiusoq.

Ikerasaliaq Rideau-kanalen Ottawakkoortoq UNESCOp nunarsuatsinni eriagisassatut kingornussat nalunaarsuifiannut ilaasoq, takornarianillu aammalu nunaqavissunit umiatsiamik angalaarfissatut, sukuutserfissatut aammalu sinaatigut cykilerujoorfissatut ornigarneqarluartarpoq.

The Four Enjoying The Nightsky From The Top Of The Thoughsand Stairs. Photo By Aningaaq Rosing Carlsen

Tikiffissat allat

Nunarput tupinnartunik, kusanartunik alutornartunillu ulikkaarpoq. Tikiffissat tullia uani nassaariguk.

Tamaasa
nuuk paamiullu
avannaa
kujataa
tunu
qeqertarsuup tunua
destination arctic circle
danmark
island
amerika
europa
canada
Tikiffissat allat takukkit
Aviser Og Magasiner Benefitcard

Angalaninni SULUK atuagassiallu assigiinngitsut akeqanngitsumik atuakkit

Atuaruk
Group 1441

Ikissutissaq app-ikkut pissarsiariuk

Group 1442

Makitassanik katersigit eqquillutillu

Club Timmisami ilaasortanngorit