1943

IT-supporteri

It-systemimut tunngasut allaffissornikkut atorneqartartut ilinniassavatit. Assersuutigalugu oqarasuaatit, qarasaasiaq kopimaskiinallu, ajoquteqalersimappata ujarlerfiginissaat ilinniarneqassapput, iluarsaannissaannut aamma it-mi atortut ikkussornissaannut ilinniarneqassallutik. Suliassatit tassaasut it-systemimut ineriartortitseqataaneq aserfallatsaaliuinerlu. Teknikkit nutaajunersaat ilisimaarilluassallugit pisinnaasaqarfigilluarnissaallu pingaaruteqarpoq.

It-supporteritut sulinerni ajoqutit ujarlugillu iluarsaavigiinnartassanngilatit – aammali atuisut suna ajornartorsiutaanersoq nassuiaassinnaassavatit paasitinniarsarisassallugillu. Imaluunniit ajornatorsiutit kukkunerillu pinaveersaarteqqinnginnissaannut, nammineq aaqqiisinnaalersillugit.

Ilinniakkavit ingerlanerani suliarineqartartut arlallit itinerusumik ilisimasaqarfiligassavatit aamma ajornartorsiutit arlallit teoriinnut ataqatigiississinnaalissavatit

IT-supporterip ulluinnarni suliassai ukuupput

Ingerlatsineq aamma it-systemimik aserfallatsaaliuineq

It-mut attuumassutilinnik kukkunernik atuisunullu kukkunernik ujaarlerneq aaqqiisarnerlu

Qarasaasianik, programminik it-mullu tunngasunik assigiinngitsunik ikkussuinerit piareersaanerillu

Atuisunut ilitsersuussinerit, nammineersinnaalernissaannillu qulakkeerinninneq

Skærminut, printerinut, routerinut serverinullu il.il. Attavilersuineq

Qarasaasiami systemsoftwarenik piareersaaneq, pingaarnertut Microsoft programmit

IT Billede (6)

Ilinniarneq

Ilinniarfigisanni it annertuumik ilisimasaqarfigilissavatit, kukkunernik ujarlersinnaalissaatit aamma systemit ataqatigiissuserfiisa assigiinngissusaat takusinnaalissavat, qarasaasianik piareersaassineq, nutarsaaneq aamma aserfallatsaaliuineq kiisalu qarasaasiat atassusilersornissaat ilinniassavat.

Pingaarnerusumik ilinniakkami paasissutissat aamma attaveqaqatigiinneq aallarniutaqqaartarput

Tunngaviusumik ilinniarnerit marlunnut avinneqarsimapput, tunngaviusumik ilinniagaq 1 sapaatit akunnerinik 20-nik sivisussuseqarpoq, tunngaviusumillu ilinniakkami 2-mi ilinniakkavit sammivissaa toqqassavat

Ilinniagaq ukiunik 2-ni qaammatinillu 6-ini siviksussuseqarpoq

Ilinniarneq svenditut misilitsinnermik naggasissavat.

linniakkami tassani it-mik aamma teknikkimik suliaqarnissamut kajumissuseqarnissat pingaaruteqarpoq.
Ilitsersuutit najoqqutassiallu tuluttoortut atuarsinnaanerat pikkoriffigissavat. Tamatuma saniatigut sullissilluarsinnaanissaq, allanillu ikiuilluarsinnaaneq ilitsersuussilluarsinnaanerlu.
Pitsaassutsimik sumininnguanullu tappissuseqarneq aamma nammineerlutit allallu suleqatigalugit sulisinnaaneq.

Piginnaasaqarfigisassat aamma ilinniarnermut piumasaqaatit

9. klassemit imaluunniit 10. klassimit inaarutaasumik soraarummeerninni assingusumilluunniit soraarummeerninni danskisut matematikkimilu minnerpaamik agguaqatigiisillugu 2,0 angusimassavat. Danskisut oqaluttariarsornermi allattariarsornermilu karakterivit agguagaqatigiissinnerat kisinneqassaaq. Matematikkimi allattariarsornermi karakterivit agguaqatigiissinnerat kisinneqassaaq.

Pingaarnertut ilinniakkami qallunaatut E, matematikkimi E aamma tuluttut tunngaviusumik ilinniarnermi angusisimassaatit - tassa imaappoq tunngaviusumik ilinniarnerup ingerlanerani fagini taakkunani minnerpaamik 02-mik angusisimassaatit. Fagini taakkunani qaffasissutsit tunngavigalugit pingarnertut ilinniakkami ingerlaqqinnissaq pissutaavoq.

Aningaasaqarneq

Air Greenlandimi akit atuuttut malillugit ilinniartutut akissarsiaqartitsisoqassaaq.

Qinnuteqaat

Nittartakkatsinni, www.airgreenland.gl, atorfimmut inuttassarsiorluta allagarseeriarutta qinnuteqaammik nassiussigit.