1918

Timmisartortartoq

Timmisartortartutut ilinnialernissamut misilitsinnissamut qinnuteqaat Københavnimi Kalaallit Illuutaannut nassiunneqassaaq, tamatumalu kingorna tassanngaanniit Air Greenland suleqatigalugu, ilinniartitaanermut piukkunnaateqarnerpaat toqqarneqarnissaat qulakkeerniarlugu timmisartortartutut ilinnialertussat marluk toqqarneqassallutik.

Timmisartortartup ulluinnarni suliassai ukuupput:

Angallavinni attartortitsillunilu timmisartuussisarnernik aaqqissuussineq ingerlatsinerlu.

Timmisartut tamakkiisumik timmisinnaanersut misissortarneri, taakkununnga timmisartuussinermut -ataatsimut ikummatissat naammannersut naatsorsuisarneq aamma ilaasut tamarmik ikinersut marloriarluni misissuisarneq ilanngullugit.

Sapinngisamik isumannaannerpaamik timmisartuussinermik naammassisaqarneq. Timmisartortartut ulloq unnuarlu sulisarnissartik naatsorsuutigissavaat

Benjamin 202218 JPG (4)

Ilinniarneq

Ukiunik marlunnik sivisussuseqarpoq aammalu Danmarkimi timmisartortartunngorniat ilinniarfianni ingerlanneqartarluni.

Teoriinik ilinniartinneqarneq timmisartortarnerlu ilinniarnermi ataatsimut ingerlanneqartarput, tassalu ilinniartitsinermi misilitsinnermilu faginik atuagarsorneq, timmisartortarneq piviusuusaartitsivimmilu misiliisarneq ingerlanneqartarlutik.

Immikkoortunut agguagaavoq, taakku tamarmik uppernarsaatinik assigiinngitsunik pissarsisarnermik naggaserneqartassapput, taakkulu ilaatigut tassaapput inuussutissarsiutigalugu timmisartuussusinnaanermut uppernarsaat, MCC-mut uppernarsaat kiisalu Dash 8-mut Type Rating.

Pisinnaasat ilinniarnermullu piumasaqaatit

Ilinniarnertuunngorniarfimmi tuluttut matematikkimilu B-mik qaffasissusilimmik angusisimaneq aamma ilinniakkani tamani immikkut minnerpaamik 7-imik angusisimaneq (nalileeriaatsimi nutaami).

Tassunga taarsiullugu minnerpaamik HF-imi ilinniakkani ataasiakkaani danskisut misilitsissimassaatit, aamma ilinniakkani tamani immikkut minnerpaamik 7-imik angusaqarlutit tuluttut matematikkimilu B-mik qaffasissusilimmik angusisimassallutit (nalileeriaatsimi nutaami)

Pillagaasimannginnermut allagartaq

Ukiunut 35-t killigitinneqarput peqqilluartuussaatillu (timmisartortartunut nakorsamit uppernarsarneqassaaq)

Namminersorlutik Oqartussat ilinniagaqarnersiutit pillugit piumasarisat akuerineqarnissaq –paasissutissanik annertunerusumik pissarsisinnaavutit sullissivimmi.

Aningaasaqarneq

Timmisartortartunngorniarlutik ilinniartut Kalaallit Nunaanni najugaqavikkunik, aammalu Namminersorlutik Oqartussat piumasaqaataannik naammassinnissimagunik Namminersorlutik Oqartussaniit ilinniagaqarnersiutisiaqarnissamut pisinnaatitaaffeqarput.

Ilinniartunngornissamik misilitsinnissamut qinnuteqarneq

Qinnuteqaat kingusinnerpaamik marsip ulluisa aallaqqaataanni Københavnimi Kalaallit Illuutaannut nassiunneqassaaq.

Ilinniartunngornissamik misilitsinneq ukuninnga ilalik silassoritssutsikkut, tarnikkut sunniuteqartumit nukiit aqussinnaanerat aamma tarnip pissusaanut tunngasut angusiffigineqassapput.

Taakku saniatigut inuussutissarsiutigalugu timmisartuussisinnaanermut uppernarsaatitaarnissamut nakorsamiit nalunaarut (Mecical Class1) naammaginartoq pissarsiarineqassaaq

Timmisartortartutut ilinnialernissamut misilitsinnissamut qinnuteqaat Københavnimi Kalaallit Illuutaannut nassiunneqassaaq, tamatumalu kingorna tassanngaanniit Air Greenland suleqatigalugu, ilinniartitaanermut piukkunnaateqarnerpaat toqqarneqarnissaat qulakkeerniarlugu timmisartortartutut ilinnialertussat marluk toqqarneqassallutik.